Hræsni forsætisráðherra í auðlindamálum með ólíkindum !
15.1.2011 | 00:17
Hræsni og blekking Jóhönnu Sigurðardóttir forsætisráðherra
í auðlindamálum er með hreinum ólíkindum. Segist fagna miklum
stuðningi við kröfu um eignarhald þjóðarinnar á auðlindum
hennar, á sama tíma og þessi sama Jóhanna berst á hæl og
hnakka fyrir inngöngu Íslands í stórríki Evrópu, ESB. Þar sem
stærsta auðlind þjóðarinnar, fiskimiðin umhverfis Íslands, færu
samdægurs undir yfirþjóðlegt vald ESB í Brussel, og eignarhald
yfir auðlindinni færðist í eigu erlendra aðila á ótrúlega skömmum
tíma. Aðrar auðlindir kæmu svo í kjölfarið.
Hápunktur hræsni og blekkingar forsætisráðherra er svo að
reyna að telja þjóðinni trú um, að yfirráðaréttur þjóðarinnar yfir
auðlindum sínum sé best tryggður í stjórnarskrá. Stjórnaskrá
sem þessi sama Jóhanna ætlar í raun að afnema með því að
innlima Ísland í ESB. En samdægurs við ESB-aðild víkur stjórn-
arskrá Íslands fyrir stjórnarskrá ESB, Lissabonsáttmálanum,
með öllum þeim breytingum sem hann á eftir að taka í ferli ESB
að Bandaríkjum Evrópu. Þannig var stjórnlagaþingskosningin
í vetur ein stór blekking og tilgangslaus, gerist Ísland aðili að
ESB, sem Jóhanna og hennar andþjóðlega hafurtask stefnir að.
Besta tryggingin fyrir óskorðuðum yfirráðum og eignarhaldi
Íslendinga yfir hinum dýrmætu auðlindum sínum, er því úthýsun
þeirra óþjóðhollu stjórnmálaafla og skoðanna sem Jóhanna
Sigurðardóttir og hennar hafurtask aðhyllist. Því þjóðarheill og
íslenzk framtíð á Íslandi er augljóslega í veði!
Flokkur: Stjórnmál og samfélag | Breytt s.d. kl. 00:21 | Facebook
Athugasemdir
Heill og sæll; Guðmundur Jónas, æfinlega !
Það er; undir Íslendingum komið, alfarið,, hver framvindan verður, hér á Fróni, á komandi misserum.
Verði þau; Jóhanna og Steingrímur ekki handsömuð, af Alþýðunni sjálfri - munu þau halda áfram, af Fítons krafti, að merja niður samfélag okkar.
Svo einfalt; er nú það, fornvinur góður.
Með beztu kveðjum; sem jafnan, úr Árnesþingi /
Óskar Helgi
Óskar Helgi Helgason (IP-tala skráð) 15.1.2011 kl. 01:01
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.