Er stjórnlagaráð viljalaust verkfæri Samfylkingarinnar ? Fullveldisframsal!


   Svo virðist að hið umboðslausa stjórnlagaráð sé ekkert annað
en viljalaust verkfæri Samfylkingarinnar til að koma Íslandi inn
í Evrópusambandið.  En einmitt  er  nú  komið  á  daginn  sem
margir fullyrtu. Nefnd stjórnlagaráðs  leggur  nú til að ,,heimilt
verði að gera samninga sem fela í sér FRAMSAL Á RÍKISVALDI
TIL ALÞJÓÐLEGRA STOFNANA sem Ísland á aðild að í þágu friðar
og efnahagssamvinnu".  En með þessu nýja ákvæði í stjórnar-
skrá er rutt úr vegi mikilvægustu hindrun í því að  Ísland geti
gerst aðili að ESB.

   Þarna er gengið ÞVERT Á niðurstöðu þjóðfundar sem sagði
skýrt ,, áð stjórnarskrá sé sáttmáli, SEM TRYGGI FULLVELDI
OG SJÁLFSTÆÐI ÍSLENDINGA, og sé skrifuð fyrir fólkið í land-
inu".  Athygli vekur að stjórnlaganefnd sem meðtók ályktun
þjóðfundar til úrvinnslu fyrir stjórnlagaþing, nú stjórnlaga-
ráð, felldi þessa mikilvægu og skýru ályktun þjóðfundar út.
Sem er ótrúlegur skandall og hneyksli.

   En hvar eru nú þeir sem sitja í stjórnlagaráði og lýstu yfir
fyrir stjórnlagaþingskosningar að þeir ætluðu að standa vörð
um fullveldi Íslendinga í stjórnarskrá?  Ekki heyrist múkk  í
þeim varðandi þetta vítaverða fullveldisframsalsákvæði sem
tillaga er nú um að verði sett inn í stjórnarskrána! Ætla þeir
að láta stimpla sig viljalaust verkfæri Samfylkingarinnar  í
því að troða Íslandi inn í ESB, sem var megintilgangur  ESB-
sinna með þessu ótímabæru stjórnlagaráði.

   Já, ætla þér líka að gerast gjörsamlega viljalaust verkfæri
þjóðfjandsamra vinnstrisinna sem hafa komið því inn í eitt
nefndarálitið, að herskylda á Íslandi sé bönnuð. Að Ísland
sé eina ríkið í heiminum sem bannar þegnum sínum að verja
land sitt  og þjóð skv. stjórnarskrá.

    SKANDALL.. Já YFIRGENGILEGUR SKANDALL OG AULAHÁTTUR!

    BURT MEÐ ÞETTA UMBOÐSLAUSA STJÓRNLAGARÁÐ!


« Síðasta færsla | Næsta færsla »

Athugasemdir

1 identicon

Heill og sæll Guðmundur Jónas; æfinlega !

Í þessu ljósi; hlýtur því virðing okkar, fyrir Líbýumönnum - Jemenum - Sýrlendingum, auk ýmissa nærsveitamanna þeirra að vaxa - um leið og við fordæmum íslenzkan RÆFILDÓM, fornvinur góður.

Með beztu kveðjum; sem áður - og fyrri /

Óskar Helgi Helgason 

Óskar Helgi Helgason (IP-tala skráð) 4.6.2011 kl. 01:41

2 Smámynd: Jón Valur Jensson

Já, Guðmundur Jónas, hér hefur það gerzt, sem ég varaði margsinnis við í skrifum á vef mínum, í grein í Morgunblaðinu 26. nóv. 2010 og oft í Útvarpi Sögu og strax í nokkrum pistlum á síðu minni á DV-stjórnlagaþingsvefnum: að ýmsir hafa farið þarna í framboð og náð inn -- og það með ólögmætum hætti, skv. úrskurði Hæstaréttar (sem var það dómsvald, sem löggjafarþingið ætlaði einmitt úrskurðarvald um kjör þess, þ.e. með lögunum um stjórnlagaþing) -- með það að markmiði að skemma og brjóta niður fullveldisákvæði stjórnarskrárinnar.

Og sönn eru þessi orð þín, athyglisverð fyrir alla að lesa:

"Þarna er gengið ÞVERT Á niðurstöðu þjóðfundar sem sagði skýrt ,,að stjórnarskrá sé sáttmáli, SEM TRYGGI FULLVELDI OG SJÁLFSTÆÐI ÍSLENDINGA, og sé skrifuð fyrir fólkið í landinu". Athygli vekur að stjórnlaganefnd sem meðtók ályktun þjóðfundar til úrvinnslu fyrir stjórnlagaþing, nú stjórnlagaráð, felldi þessa mikilvægu og skýru ályktun þjóðfundar út."

Já, Guðmundur minn, ég er þér sammála, að þetta er "ótrúlegur skandall og hneyksli".

En þetta pakk, sem vinnur að þessu (eins og þú hefur nú upplýst), lét ekki svo lítið að tilkynna kjósendum fyrir fram um þetta svívirðilega ætlunarverk sitt. Nei, þau földu það eins og þau lifandi gátu, það var ekkert minnzt á þetta í kynningu þeirra og kosningaáróðri, heldur talað um önnur hégómleg mál !

(Einn maður var þarna undantekning, Jón Steindór Valdimarsson: Hann talaði að vísu ekkert um þetta framan af sinni kosningabaráttu, en mig grunar jafnvel, að vegna gagnrýni minnar á felu-Esb-sinnana í hópi frambjóðenda og vegna þeirra ábendinga minna, að þeim myndi þá ekki leyfast að vinna að þessum stefnumálum fullveldis-framsals (af því að þau boðuðu þau ekki sem stefnu sína), þá hafi Jón Steindór alveg undir lokin, í kynningu sinni í Rúv, ákveðið að nefna þessi framsalsmál í ávarpi sínu þar -- ég tók glöggt eftir því, eg var sjálfur í upptökusalnum með honum og um 10 öðrum --; en hann fekk reyndar sem betur fer ekki kosningu.)

En um hina, þ.e. kosningasvikararana, sem létu sér svo lynda að þiggja ólögmæta kosningu, líka eftir að búið var að tvöfalda starfstíma og laun þeirra (!), getum við sagt: Ekki er hún betri músin sem læðist en hin sem stekkur!

Jón Valur Jensson, 4.6.2011 kl. 02:17

3 Smámynd: Hrólfur Þ Hraundal

Jóhanna Sigurðardóttir sem er alltaf að athuga og skoða en skilur ekkert af því sem hún sér og heyrir, hrærði Stjórnlaga þingsgraut handa sjálfri sér sem þjóðin hafnaði að greiða fyrir og henti á hauga. 

En þjóðinni hefur ljóslega mistekist við að farga þessu sorpi sómasamlega því rottur eru fundvísar á sumt það sem afgangs verður í mannheimum. 

Hjörð Jóhönnu fann því þessa afganga á haugunnum og hrærði úr þeim afgöngum pestargraut og nefndi Stjórnlagaráð til að bæta andlega heilsu og galdramátt drottningar sinnar og færði landanum reikninginn. 

En hitt er svo annað mál, að í þenann svonefna Stjórnlagaráðs graut vantar öll þau efni sem til þarf í heilsu graut til handa þjóð og því varð úr þessari hræru fláráðsgrautur og úr gubbunni stjórnlagafláráð.

 

 

Hrólfur Þ Hraundal, 4.6.2011 kl. 08:22

4 Smámynd: Ásthildur Cesil Þórðardóttir

Ég hefði ekki trúað þessu, en nú liggur það ljóst fyrir og ég vil vita hvort einhver af þessum stjórnlagaþingsmönnum var á móti þessu. við verðum að fá að vita hvort svo var og þá hverjir greiddu atkvæði á móti.

Ásthildur Cesil Þórðardóttir, 4.6.2011 kl. 12:05

5 Smámynd: Helga Kristjánsdóttir

  Við erum komin að seinustu orustunni,ætlum við að líða þessa fláráðu gjörð. Væri ég ung myndi ég ekki hika við að koma mér upp kassa á Lækjartorgi, og þruma hvern einasta dag. Skrítin! já,já það kostar að hrinda af sér óværunni. 

Helga Kristjánsdóttir, 4.6.2011 kl. 13:30

6 Smámynd: Hrólfur Þ Hraundal

Ég held að okkur sé eingin þörf til að vita hvernig hver og einn greiðir atkvæði í þessu stjórnlagafláræði Jóhönnu Sigurðardóttur.

Þjóðin kaus að hunsa þennan fíflagang og sat heima en Jóhanna skildi það ekki frekar en annað sem hún ætlar ekki að skilja. 

Landanum kemur þetta stjórnlagafláráð ekkert við og ætti því ekki að þurfa að bera neinn kostnað af því. 

Jóhanna og hennar hjörð ætti því að fara aftur á hauganna og leita uppi verðmæti upp í þann kostnað, því hann ætti samkvæmt öllum siðareglum að vera  alfarið hennar.

 

Hrólfur Þ Hraundal, 4.6.2011 kl. 16:04

7 Smámynd: Árni Gunnarsson

Eg er eindreginn stuðningsmaður þessa stjórnlagaráðs en verð að segja að mér kemur þetta ekkert á óvart. 

Var við öðru að búast?

Það var lengi augljóst að hluti þessa hóps er hlynntur ESB trúboðinu og telur okkur best borgið sem fjærst eigin fullveldi. En var þetta afgreiðsla stjórnlagaráðs, var þetta mikilsvert innlegg í afgreiðslu málsins? 

Það fæ ég ekki séð. Ég sé hins vegar að bloggritari talar um að "nefnd stjórnlagaráðs leggur til......"

Hvern varðar um hvað einhver nefnd inni í þessum hóp leggur til?

Og afar finnst mér hvatvísleg sú ályktun að í einhverjum heyrist ekki múkk um þetta.

Ég trúi ekki öðru en að við eigum þarna inni góða landvarnarmenn.

Við skulum hafa í huga að bæði Alþingi og kjósendur munu fjalla um tillögur stjórnlagaráðs og kjósendur munu segja síðasta orðið.

Það eru einmitt svona svikabrellur sem vekja athygli á því hversu vel við verðum að vera á verði. Ég vil meira af svona laumu-fúleggjum frá þessum landsölutúttum til að lyktin finnist betur.

En hitt er fullvíst að hann Þorkell rindill sem var sendur til Lönguhlíðar að draga lokur frá hurðum að kvöldi til að auðvelda Guðmundi ríka inngöngu í bæinn á marga afkomendur á Íslandi.

Árni Gunnarsson, 4.6.2011 kl. 16:13

8 Smámynd: Jón Valur Jensson

Lýður Árnason (HÉR!, öflug umræða þar) var að upplýsa um, hverjir sitja í þeirri nefnd, sem fjallaði um tillöguna. Þeir eru: Andrés Magnússon, Ari Teitsson, Guðmundur Gunnasson, Íris Lind Sæmundsdóttir, Lýður Árnson, Ómar Ragnarsson, Pawel bartozsek, Þorkell Helgason. Í þessum hópi eru, það ég viti fyrir víst, tveir mjög eindregnir Esb.-innlimunarsinnar: Guðmundur Gunnarsson í Rafiðnaðarsambandinu og Pawel Bartozsek. Vera má, að fleiri þarna séu Esb.sinnar, en örugglega ekki Ari Teitsson, hann er líklegri til að hafa greitt mótatkvæði.

Ég velti því fyrir mér, hver(jir) hafi lagt fram tillöguna.

Ómar Ragnarsson er í þessum átta manna hópi. Hann hefur jafnan farið undan í flæmingi, þegar ég hef spurt hann út í afstöðu hans til Esb. á Moggabloggi hans -- yfirleitt svarar hann manni ekki þar um; þótt hefur mér það grunsamlegt. Ég trúi honum ekki til neinna meðvitaðra landráða, en hann getur hugsanlega flotið sofandi með straumnum, þegar haft er uppi blekkjandi málskraf, sem og ímynda- sér, að Esb.inntaka sé ekki það stóralvarlegia athæfi sem það er. Ennfremur gekk hann með megnið af sinni Íslandshreyfingu inn í Samfylkinguna og þorir hugsanlega ekki að styggja forystuna í þeim nýja flokki sínum eða hefur jafnvel fengið skilaboð um, að hann megi ekki skrifa gegn Esb.

(Já, svona hugleiðingar verða vissulega til, þegar menn anza ekki, þegar þeir eru spurðir hreint og heiðarlega út. Ég kann ekki við svarleysi Ómars -- það á sér einhverjar ástæður, sem hann virðist ekki vilja opinbera.)

Jón Valur Jensson, 4.6.2011 kl. 16:26

9 Smámynd: Guðmundur Jónas Kristjánsson

Þakka kærlega innlegg ykkar og sérstaklega þitt ýtarlega innlegg Jón Valur. Alveg stór stór furðulegt að menn  eins og Lýður Árnason láti
,,plata" sig svona. Skiljanlegt með Ómar. Hann er meiriháttar ESB-sinni og
sósíaldemókrati, enda innlimaði Íslandshreyfinguna inn í Samfylkinguna.
Furðulegt að maður eins og Ómar sem segist hafa ást á íslenzkri náttúru
skuli fjandans sama um íslenzkt fullveldi og sjálfstæði og í raun íslenzkar
náttúruauðlindir undir forræði ESB, sbr. fiskimiðin. En hvernig er með þetta
stjórnlagaráð? Eru ekki ALLIR samábyrgðir hvað er sent frá sér? Og ef er um ágreining að ræða, hvar kemur hann fram. Hvað með Pétur Gunnlaugsson? Hefur hann geð í sér að taka þátt í svona sósíaldemókratískum ESB-skollaleik? Hefði ég verið hann  hefði ég gengið út ef AÐAL-TILGANGUR ESB-sinna um þingið nær fram að ganga. Veit Jón
Valur minn að þú átt eftir að vekja rækilega athygli á  þessu á Útvarpi Sögu
og við Pétur Gunnlaugsson.  Þetta ER MEIRIHÁTTAR VÍTAVERÐUR SKANDALL OG HNEYKSLI! 

Guðmundur Jónas Kristjánsson, 4.6.2011 kl. 17:30

10 Smámynd: Árni Gunnarsson

Ég er dálítið á báðum áttum í þessari afstöðu Ómars Ragnarssonar ef rétt er skýrt frá henni. Það eina sem mér kemur í hug til skýringar er það að því miður er það opinbert leyndarmál að ef sjálfstæðisflokkurinn kemst til valda þá eru öll náttúruvætti Íslands í uppnámi. Segja má með fullum sanni að þegar litið er til forystu samfylkingarinnar er munurinn lítill ef nokkur. Iðnaðarráðherra!

Og þá er það orðið efni til umhugsunar ef íslenskir umhverfissinnar þurfa að flýja með landið inn í ESB til að vernda það fyrir okkur sjálfum.

Svo sannarlega sýnist mér þetta vera eina skýringin á afstöðu Ómars séhenni rétt lýst. Það er auðvitað ekki einleikið hversu lítils íslensk náttúra er metin af hægri öflum stjórnmálanna.

Þar ríkir græðgin ein.

Árni Gunnarsson, 4.6.2011 kl. 18:57

11 Smámynd: Guðmundur Jónas Kristjánsson

Árni. Skil ekki mann sem vill varðveita íslenzka náttúru en er jafnframt tilbúinn til að fórna fullveldinu og sjálfstæðinu og afhenda þá um leið íslenzka náttúru og auðlindir hennar til yfirþjóðlegs valds, sem 100% gerist
með t. d fiskimiðin göngum við í ESB.  Ómar er rugludallur í þessu að mínu
mati. Svo mótmæli ég því harðlega að við hægrisinnar séum eitthvað minni
náttúrusinnar en þeir til vinstri, sbr. Hægri grænir, og stefna þeirra í umhverfis-og náttúrumálum.

Guðmundur Jónas Kristjánsson, 4.6.2011 kl. 20:41

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband