HÆGRI GRÆNIR í sókn! Athyglisverð könnun!

   Í stórri skoðanakönnun á Reykjavík síðdegis Bylgjunar þar sem
rúm  5.500  manns  tóku þátt, eru Hægri grænir, flokkur fólksins í
sókn. Hækka úr 6% í 6.6%. En úrslitin urðu þessi:

    Björt framtíð - 7%                  Lýðræðisvaktin - 8.1%
    Dögun -2.1%                           Piratar -  6.6%
    Framsókn - 17.9%                  Samfylkingin -10%
    Húmanistar -0.3%                  Sjálfstæðisflokkur -23%
    Hægri grænir - 6.6%               Vinstri grænir -5.9

   Þessi könnun var gerð s.l sólarhring. Í skoðanakönnun MMR sem
birtist í gær voru þátttakendur aðeins 814 þar sem FASTIR álits-
gjafar einungis tóku þátt,  og sem framkvæmd var 19- 21 febr.
Þannig að skoðanakönnun Bylgjunar ætti að gefa skýrari mynd.
Um 13% skiluðu auðu eða voru óákveðnir. Ef  þeim er sleppt
hækkar prósentur flokkanna hlutfallslega.

   Athygli vekur að Sjálfstæðisflokkurinn skuli  vera að missa fylgið,
og það verulega eftir nýafstaðin Landsfund.  Greinilegt að kjósendur
hafa ekki enn fyrirgefið flokknum um hrunið og icesave-svikin. Fylgið
hrynur af ríkisstjórnarflokkunum. Svokölluð Lýðræðisvakt missir um
2% fylgi frá síðustu könnun. En hún virðist taka mest fylgi frá Bjartri
framtíð og ríkisstjórnarflokkunum. Enda undir forystu Þorvaldar Gylfa-
onar, alræmdan ESB-sinna og sem samþykkti ALLA Icesave-þjóðsvika-
samninganna. Kjósendur eru klárlega að átta sig á því! 

    Fyrir okkur í Hægri grænum, flokki fólksins, er þessi úrslit og þróun
ánægjuleg. Ekki síst þar sem engin framboðslisti hefur verið kynntur,
en þeir verða allir opinberlega kynntir á landsfundi flokksins 9 mars.
En hér sannast það best að gera allt í réttri röð. Fyrst  að móta stefnu
skýra og hugsjónina, svo safna liði. Þökk sé okkar frábæra formanni,
Guðmundi Franklín Jónssyni.

    Þessi könnun á að hvetja nú alla þjóðholla borgarasinna að koma til
liðs við Hægri græna, flokk fólksins. Svo hægt verði að mynda sterka
borgaralega ríkisstjórn með HAG HEIMILINNA (Afnám verðtryggingar
og leiðréttingu skulda) fyrst og fremst í huga! Auk þess að standa vörð
um fullveldi og sjálfstæði Íslands.

   ÁFRAM HÆGRI GRÆNIR!  www.xg.is 
                                              
                                              www.afram-island.is/islandsmagasin.pdf

Framsókn bætir enn við sig fylgi

Athugasemdir

[Guðmundur Jónas Kristjánsson, 27.2.2013 kl. 00:37]

Skv. þessu eru HÆGRI GRÆNIR komnir með 3-5 þingmenn.

[Kristján B Kristinsson (IP-tala skráð) 27.2.2013 kl. 07:40]

Eru þetta ekki eitthvað skrítnar tölur? samanlagt  87,5%

[Jóhann Kristinsson, 27.2.2013 kl. 07:47]

Ættli fylgi (S) sé ekki að hrinja af því að þeir eru með KANSKI stefnu um afnám verðtryggingarinar og (F) fær það fylgi af því að það er skýrt að þeir ættla að afnema verðtrygginguna.

Kveðja frá London Gatwick

[Guðmundur Jónas Kristjánsson, 27.2.2013 kl. 09:30]

Ekki ef þú tekur með auð og ógild 13% Kristján.

Trúlega Jóhann! En fólk hefur heldur ekki gleymt hruninu og Icesave!

[Kristján B Kristinsson (IP-tala skráð) 27.2.2013 kl. 15:02]

Sæll Guðmundur, ef reiknum með þeim sem tóku afstöðu og eru gild þá lítur þetta einhvernveginn svona út.

Björt Framtíð	8%
Dögun	2,4%
Framsókn	20,5%
Húmanistar	0,3%
Hægri grænir	7,6%
Lýðræðisvaktin	9,3%
Píratar	7,5%
Samfylkingin	11,4%
Sjálfstæðisflokkur	26,3%
Vinstri græn	6,7%
samtals.	100%

Þetta er talsvert í takt við nýjasta Þjóðarpúlsinn en þýðið er 5500 manns og ef það er dreift um landið þá þá ætti þetta að gefa nokkuð skýra mynd, ég hef furðað mig á því hversvegna HG skorar ekki hærra en hann gerir í þjóðarpúlsinum, Kannski eru þessar kannanir sem gerðar eru hjá föstum hópum ekki eins breytilegar.    

ESB flokkarnir BF, Lýðræðisvaktin, Samfylking og VG  eru með 35.4%

[Guðmundur Jónas Kristjánsson, 27.2.2013 kl. 21:34]

Takk fyrir þetta Kristján. Þjóðarpúlsinn og MMR eru með fasta álitsgjafa.
Já hef oft furðað mig á því! Alltaf sami hópurinn sem er spurður.