ESB-spurning sem Samfylkingin verður að svara!

     Ein af stórum spurningum varðandi aðild Íslands að
Evrópusambandinu hefur Samfylkingin forðast að svara.
Þar sem það er stefna Samfylkingarinnar að Ísland
sæki um aðild að ESB kemst hún ekki lengur hjá að
svara þessari grundvallarspurningu skýrt og án undan-
bragða.

    Við aðild Íslands að ESB leyfist öllum ESB-þegnum
að eignast hlutabréf í íslenzkum útgerðum. Í dag er það
bannað. Við komust upp með það því sjávarútvegurinn er
undaþegin EES-samningnum og þar með sameiginlegri
sjárvarútvegsstefnu ESB. Þannig gætu útlendingar við
aðild Íslands að ESB komist bakdýramegin inn í íslenzka
fiskveiðilögsögu. Spánverjar gætu þannig t.d eignast
meirihluta í íslenzkri togaraútgerð og þar með komist
yfir hennar kvóta. Þar sem það er mun ódýrara að
vinna aflan á Spáni en Íslandi yrðu togarar þessarar
útgerðar látnir sigla með aflann beint til Spánar án
viðkomu í íslenzkri höfn. Virðisaukinn af þessum afla
flyttist úr landi auk annara skatttekna. Hversu langan
tíma útlendingar gætu þannig komist að verulegum 
hluta yfir okkar fengsælu fiskimið og ómetanlegu
auðlind skal ósagt látið. En hættan er svo augljós.
Þetta hefur verið nefnt kvótahopp og hefur t.d lagt
breskan sjávarútveg nánast  í rúst.

   Kjósendur eiga heimtingu að fá skýr svör frá
ESB-sinnum í Samfylkingunni hvernig þeir ætla að
koma í veg fyrir slíkt kvótahopp í íslenzkri fiskveiði-
lögsögu  eftir að Ísland hefur gerst aðili að ESB.
Skv Rómarsáttmálanum er eitt af hans megin 
GRUNNSTOÐUM jafnur réttur hvers borgara innan
ESB  til fjárfestinga Á ÖLLUM SVIÐUM, þar á meðal
í sjávarútvegi.

   Meðan Samfylkingin svarar þessari grunnspurn-
ingu ekki skýrt og skorinort er hún vægast sagt
ótrúverðug þegar kemur að jafnmiklum þjóðarhags-
munum Íslendinga og að ráða yfir sinni mestu auð-
lind. Meðan þessari spurningu er ósvarað er aðild
Íslands að ESB  út í hött. Fyrir svo utan öll önnur
neikvæðu þættina sem fylgja aðild Íslands að ESB.

Athugasemdir

[Aron Njáll Þorfinnsson, 27.3.2007 kl. 21:58]

Ég veit ekki hvort ég á að hlæja eða gráta yfir þessari færslu. Það er nú ekki beinlínis erlend fjárfesting sem hefur leikið byggðirnar og vinnsluna allt í kringum landið grátt á undanförnum tuttugu árum, nei það er eitthvað annað.

Hræðslan við erlenda fjárfestingu hefur alltaf átt sína fylgismenn. Þeir komu líka fram í undanfara ees og vöruðu við allskonar vondum afleiðingum fengju útlendingar að fjárfesta hér á fróni.

Nú hafa íslenskir útgerðamenn flutt fisk til vinnslu í Kína, Bretlandi, Frakkland svo eitthvað sé nefnt.  Virðisaukinn verður til annarsstaðar. Það er jafn slæmt ekki satt?

Nú ætla ég ekki að taka að mér að svara fyrir SF en er ekki bara kominn tími fyrir þig að fara beina sjónum að því sem er nú þegar að í stað þess að kljást við ímyndaða drauga?

[Guðmundur Jónas Kristjánsson, 27.3.2007 kl. 22:12]

Alveg dæmigert ESB-sinna ekki-svar-útúrsnúningur.
Spurningin stendur eftir sem áður. Svar óskast!

[Guðmundur Jónas Kristjánsson, 28.3.2007 kl. 00:16]

Sem sagt. ENGIN mót-rökræða frá ESB-sinnum!  Eru KJAFTSTOPP!!

[Magnús Helgi Björgvinsson, 28.3.2007 kl. 01:20]

Sé ekki að samfylkigin þurfi að svara þessu frekar en framsókn. Jón segir jú í dag að það sé ekki tímabært að sækja um þar sem að við uppfyllum ekki skilyrðin.

En í sambandi við fjárfestingu í sjávarútvegi þá verður það náttúrulega ekki endalaust liðið af ESB að Íslensk fyrirtæki kaupi upp sjávarútvegsfyrirtæki í ríkjum ESB en að fyrirtæki þaðan geti ekki keypt í Íslenskum. Og ef út í það er farið þá eru þessi stóru Íslendsku orðin meira og minna erlend fyrirtæki með megin starsemi sína erlendis.

[Guðmundur Jónas Kristjánsson, 28.3.2007 kl. 10:09]

Jú Magnús. Samfylkingin þarf að svara þessu, Hún er einn flokka
með í sinni stefnuskrá að Ísland sækji um aðild að ESB.

Það er hárrétt hjá þér að ESB mun ekki líða það að þegnar þess
fái ekki að fjárfesta í útgerð og kvóta á Íslandi og komast þannig
inn í okkar dýrmætu auðlind. En viljum við það?  Það tók okkur
3 meiriháttar þorskastríð að ná 200sm á okkar vald. Hvaða
ÍSLENDINGUR er tilbúin að fórna fiskimiðunum kringum Ísland ?

  Jú, íslenzk útgerðarfélög hafa fjáfest erlendis. En íslensk fiskimið lúta í dag alfarið íslenskri stjórn, lögum og reglum, og allur
virðisauki skilar sér því100% í íslenzkt þjóðarbú í dag. Þetta
myndi gjörbreytast við inngöngu í ESB.

Sem sagt. Samfylkingin og ESB-sinnar hafa ENGIN SVÖR við
þessari GRUNDVALLARSPURNINGU.  Það liggur fyrir!

  Athyglisvert! En á því þarf að vekja athygli nú fyrir kosningar.

[Magnús Helgi Björgvinsson, 28.3.2007 kl. 11:35]

Ég tala nú ekki fyrir hönd Samfylkingarinnar en mín persónulega skoðurn er sú að ég sé ekkert að því að erlendir aðilar fái að fjárfesta í fyrirtækjum hér og þar með í fiskfyrirtækjum. Þau eru jú skráð hér þannig að skattar af þeim fyrirtækjum skila sér áfram hingað 100%. Þá held ég líka að þau  stærstu íslensku fyrirtækin í fiskiðnaði og veiðum séu nú ekki að borga mikla skatta hingað. Mér skilst að þau séu nú mjög skuldsett og hagnaður fari aðalega fjárfestingar erlendis. Fiskurinn er unninn að stórum hluta á sjó og það sem unni er í landi er að stórum hluta unnið af erlendum ríkisborgurum . Þá hefur stjórn fiskveiða hjá okkur ekki skila mikilli aukningu. Og svo er talað um að réttur til veiða í lögsögu annarra landa  innan ESB byggist á veiðireynslu síðustu ára en ekki aftur í tímann. Og því er talið að við gætum setið eingöngu að okkar fiskimiðum. Þá er jú málið að við göngum ekki inn í eitt eða neitt fyrr en eftir samninga og okkur líkar ekki við drög að samningum við ESB þegar að þar að kemur þá fellum við samninginn. Þetta gerður Norðmenn.

[Guðmundur Jónas Kristjánsson, 28.3.2007 kl. 12:30]

     Magnús Skv Rómarsáttmála hafa ÖLL fyrirtæki í hendi sér hvað það er skráð innan ESB og þá á ÖLLUM sviðum atvinnulífs, verslun og viðskipta. Þar með ráða ÞAU sjálf því hvar
þau borga skatta!

Í dag getum við bannað þetta með útgerðina af því sjávarútvegurinn  er utan EES-samningsins. Þannig þú hefur ENGA tryggingu fyrir  því að skili sér króna í íslenzkt þjóðarbú af útgerð sem komin er í meirihluta  eign Spánvera. Þeir geta mannað skipin t.d Spánverjum og látið  þau sigla með aflan beint til meginlandsins án viðkomu á Íslandi. Þannig að í því tilfelli færi
allur virðisauki af þessum afla úr landi og launaskattar líka.
Þetta hafa þeir leikið t.d í breskri fiskveiðilögsögu og sem hefur
verið kallað kvótahopp og sem er að leggja breskan sjávar-
útveg í rúst. Einmitt þess vegna sem t.d breskir sjómenn vara
Íslendinga við að gerast aðilar að ESB.

  Við eigum ein fengsælustu fiskimið heims sem mikil eftirspurn
yrði eftir ef hún yrði boðin til sölu.  Með inngöngu í ESB erum við
í raun að OPNA fiskveiðilögsöguna útlendingum innan ESB.
Þeir hafa SAMA RÉTT og ísl.ríkisborgarar að veiða fisk eins og
gerist innan ALLRA ESB ríkja. Einn GRUNNRÉTTUR sem Rómar-
sáttmálin tryggir öllu þegnum ESB.  Um  slíkt grundvallaratriði er
EKKI hægt að semja og því vilja ESB-sinnar þagga þetta niður.

   Þannig, enn og aftur. Hvernig komum við   í veg fyrir þetta
alræmda kvóttahopp milli landi eftir ESB-aðild.?

    Svarið er. Ekki hægt. Þess vegna kemur aðild Íslands ALLS
EKKI TIL GREINA!!!

[Guðmundur Jónas Kristjánsson, 29.3.2007 kl. 00:24]

Sem sagt. EKKERT faglegt svar við þessari grundvallarspurningu.
MEIRIHÁTTAR ATHYGLISVERT!!!!!!!!!