Framsókn og Frjálslyndir vinni saman

  Í kvöldfréttum útvarps í kvöld var haft eftir Ögmundi
Jónassyni, formanni  þingflokks  Vinstri  grænna, að
stjórnarandstaðan  ætli  að standa  saman á Alþingi í
vetur gegn ríkisstjórninni. Keppt sé að því að samræma
vinnubrögð flokkana í  stjórnarandstöðinni. Svona yfir-
lýsing  kemur á óvart, og  alls ekki vitað í hvaða umboði
þingflokksformaður Vinstri grænna getur komið með slíka
yfirlýsingu.

    Þótt Vinstri grænir séu í þeirri stöðu að vera stærsti
stjórnarandstöðuflokkurinn, er af og frá að hann geti
talist eitthvað forystuafl þar á bæ. Vinstri grænir eru
það allt of langt til vinstri í allri sinni  pólitiskri hugmynd-
arfræði, að mjög erfitt verður fyrir flokka eins og Fram-
sókn og Frjálslynda að eiga við slíkan flokk raunverulegt
samstarf. Flokkar sem skilgreina sig á miðju og hægra
megin við miðju í íslenzkum stjórnmálum eiga miklu fremur
að stilla saman strengi sína, og veita þannig ríkisstjórn
sósíaldemokrata og Sjálfstæðisflokks sterka andstöðu
og aðhald á komandi kjörtímabili, sem vonandi verður mjög
stutt.  Náið og öflugt samstarf Framsóknar og Frjálslyndra
yrði mun líklegra til að vinna gegn ríkisstjórninni og koma
henni frá á borgaralegum forsendum,  en ekki í einhverju
samkrulli  við afdankaða sósíalista og vinstrisinnaða róttæk-
linga.

  Mistök Frjálslyndra í stjórnandstöðu á síðasta kjörtímabili
var allt of náið samstarf við vinstrflokkana. Þau mistök eiga 
nú Frjálslyndir að læra af og Framsókn að hafa í huga þegar
þessir tveir flokkar hefja samstarf sín á milli þjóðinni til heilla.
Fyrir því eru öll pólitísk rök ! 

Athugasemdir

[Baldur Kristjánsson, 30.9.2007 kl. 22:16]

Þú ert borgaralegur íhaldsmaður. Hvers vegna ekki Sjálfstæðisflokkur!  kv. B

[Guðrún María Óskarsdóttir., 30.9.2007 kl. 23:16]

Sæll Guðmundur.

Tek heilshugar undir þetta, hef reyndar heimildir fyrir því að fræjum hafi verið sáð til þess að svo megi verða.

kv.gmaria.

[Guðmundur Jónas Kristjánsson, 1.10.2007 kl. 09:08]

Jú sera Baldur. Nokkuð til í þessu. Hef alltaf verið borgaralega sinaður hvað varðar frelsi einstaklingsins til orðs og athafna. En
jafnframt samvinnumaður (EKKI sameignarsinni) og tel alla samvinnu til góðra verka mikilvæga á sem flestum sviðum. Og
þetta með íhaldsmanninn. Jú viðurkenni fúslega Baldur að vera
MIKILL ÍHALDSMAÐUR þegar kemur að því að HALDA Í þjóðtungu
vora, íslenzka þjóðmenningu, íslenzkt fullveldi og sjálfstæði Íslands.  Jú, ætli ég sé bara ekki þjóðlegur íhaldsmaður og sem
slíkur geta stutt hina gömlu góðu þjóðlegu Framsókn.  Hins
vegar hef ég aldrei treyst Sjálfstæðisflokknum og mun aldrei
gera. Til þess eru innan hans of margar óljósar vistarverur...