Atli og Ásmundur gætu frelsað þjóðina frá Icesave-helsinu !

   Ljóst er að ef tveir þingmenn stjórnarliða ásamt  Ögmundi
Jónassyni og Lilju Mósesdóttir greiða atkvæði gegn Icesave-
helsinu mun nýja frumvarpið um Icesave falla. En hvorki Atli
Gíslason og Ásmundur Einar Daðason þingmenn VG hafa lýst
stuðningi við Icesave-samninginn hinn nýja.

   Atli tók sér frí frá þingstörfum í des vegna anna, m.a vegna
flutninga. Ef hugur hans stendur til að standa vörð um mestu
þjóðarhagsmuni íslenzkrar  þjóðar  til  næstu  áratuga, hlýtur
hann að mæta til þings, og greiða atkvæði gegn Icesave, milli
jóla og nýárs.  Mætir hann ekki, upplýsir hann sig sem algjöra 
pólitíska raggeit, sem þorir ekki að standa við sína sannfæringu,
og láta hana opberlega í ljósi, sem KJÖRINN ÞINGMAÐUR!

   Allt öðru máli gegnir með Ásmund. Stöðu sinnar vegna sem
formaður Heimssýnar hlýtur hann að greiða atkvæði gegn Ice-
save. Sem hann sjálfur hefur réttilega sagt vera inngöngumiða
að ESB. Hjáseta eða fjarvera dugar honum því alls  ekki. Nema
þá að segja af sér formennsku Heimssýnar ef  hann hyggst
ekki greiða atkvæði gegn Icesave. Annað yrði meiriháttar skan-
dall fyrir Heimssýn. Að sitja uppi með formann sem ESB-sinna!
Undirritaður myndi tafarlaust segja sig úr Heimssýn undir slíkum
kringumstæðum.

   Hér með er skorað á Atla og Ásmund að velja þjóðarhagsmuni
framyfir flokkshagsmuni, eins og Ögmundur og Lilja hafa gert,
þeim til mikils sóma, fyrir land vort og þjóð.

   ÁFRAM ÍSLAND! EKKI ESB né SCHENGEN! EKKERT ICESAVE né AGS!

   www.fullvalda.is
   www.frjalstisland.is


  

Athugasemdir

[Helga Kristjánsdóttir, 27.12.2009 kl. 01:23]

Leyfi mér að vona að þau hugsi ekki um annan bókstaf en Í

[Guðmundur Jónas Kristjánsson, 27.12.2009 kl. 01:30]

Já Helga, vonum það. ÍSLAND UMFRAM ALLT!!! ÁFRAM ÍSLAND!

[Jón Valur Jensson, 27.12.2009 kl. 04:59]

Og hér er annar flötur þessa máls:

Hvað vill Ásmundur Einar Daðason?

Gleðileg jól, minni kæri málvinur, Guðmundur Jonas!

[Guðmundur Jónas Kristjánsson, 27.12.2009 kl. 20:17]

Takk Jón minn Valur. Maður spyr sig. Hvaða ÍSLENZKUR þingmaður, sem
ann landi sínu og þjóð, getur fengið sig til að samþykkja þvílikar skuldadrápsklyfjar á þjóðina til næstu áratuga, henni að  ósekju?

[Elle_, 29.12.2009 kl. 00:19]

Ég er algerlega sammála, Guðmundur.  Hann verður alls ekki trúverðugur ef hann hafnar ekki Icesave.  Og enginn sem samþykkir klyfjarnar.