Unga fólkið og STOPPIÐ í Silfri Egils.

   Það var átakanlegt að horfa á Silfur Egils í dag
þ.s fulltrúar stjórnarandstöðunnar opinberuðu
endanlega þá stöðnun og kreppu sem framundan
er komist vinstriflokkarnir til valda. Fulltrúi Íslands-
hreyfingarinnar skar sig þar ekki úr heldur þvert á
móti, eins og búiðst var við.

    Hugsaði til alls ungs fólks á Íslandi dag, þessa
kröftugu og menntuðu ungu Íslendinga sem aldrei
hafa kynnst kreppu, eymd og atvinnuleysi.  Það
hlýtur að hugsa til hryllings ef STOPP-flokkarnir
í stjórnarandstöðunni komist til valda í vor. Alveg
sérstaklega var átakanlegt að hlusta og horfa á
fulltrúa Vinstri-grænna. Að svona sósíalískt aftur-
hald og öfgar í umhverfismálum skuli enn vera
til á 21 öldinni á Íslandi er hreint með ólíkindum.
Enda er fylgi þeirra nú loks farið að dala. Aðeins
upphafið af meiriháttar fylgistapi þeirra.

    Ungt fólk á Íslandi er kröfugt og framfarasinnað
og vill áfram hagvöxt og hagsæld eins og verið
hefur s.l 12 ár.  Það vill land tækifæra en ekki þá
stöðnun og kreppu sem augljóslega tekur við í
vor ef STOPP-flokkarnir takist að fella núverandi
ríkisstjórn.

Vinstri grænir óábyrgir í þjóðaröryggismálum

   Hugmyndarfræði Vinstri-grænna er byggð á 
sósíaliskri hugmyndarfræði sem er í eðli sínu
MJÖG ALÞJÓÐASINNUÐ. Vinstrisinnuð róttækni
sem klárlega er vel við líði í VG, og er því í eðli
sínu mjög andstæð öllum þjóðlegum gildum og
viðhorfum. Best kemur þetta  fram í afstöðu
Vinstri grænna til þjóðaröryggismála. Má jafnvel
halda því fram að þar skeri VG sig úr sambæri-
legum pólitískum  hreyfingum  erlendis  með
ALGJÖRU ÁBYRGÐARLEYSI.!  Því þeir hafna öllum
hernaðarlegum varnarbúnaði og tala niðrandi til
þeirra sem vilja  efla ýmiss  öryggiskerfi  með
eflingu stofnana því tengdu. Best kom þetta
fram við brotthvarf bandariska hersins á s.l ári.
Andstaða VG  til stofnunar svokallaðrar greining-
ardeildar var mjög sláandi.. Þeir settu sig á
móti því að Íslendingar kæmu sér upp stofnun
sem hefði eftirlit með innra sem ytra öryggi
ríkisins, og gæti haft samvinnu við sambærilegar
stofnanir í vinveittum ríkjum erlendis á jafnréttis-
grundvelli. Þá  er andstaða VG til Nato kunn.  Því
er fyllileg ástæða til að vara alvarlega við að slíkur
óábyrgur   flokkur í þjóðaröryggismálum  komist til
áhrifa í  ríkisstjórn Íslands.

     Að Ísland verði eitt ríkja heims berskjaldað  og
varnarlaust er gjörsamlega út í hött. Sú stjórn-
málahreyfing sem það boðar hlýtur að teljast mjög
and-þjóðleg  og óábyrg í þjóðaröryggismálum.
Allir þjóðlega sinnaðir kjósendur hljóta því að
hafna Vinstri-grænum í komandi kosningum.

Íslandshreyfing - höll undir ESB?

   Mjög einstakt að stjórnmálaflokkur kynnir stofnun
sína án þess að hin pólitíska stefna liggi fyrir í helstu
málaflokkum. Þetta gerðist hjá Íslandshreyfingunni,
lifandi landi. Afstaða hennar til Evrópumála hefur
t.d ekki verið birt formlega.

   Komið hefur fram í fréttum að formaður hennar sé
hallur undir Evrópusambandsaðild. Vara-formður
meira hikandi. Þriðji aðal-stofnandi hreyfingarinnar
Jakob Frímann er hins vegar eindreginn ESB-sinni.
Þá vita allir af leyniþræði formanns og síðasta
formanni Alþýðuflokksins, sem er einn sterkasti
talsmaður ESB-aðildar á Íslandi.

  Íslandshreyfingin er sögð eiga að höfða til mið/
hægrisinnaðra kjósanda. Vitað er að innan Sjálf-
stæðisflokks er hópur sem vill skoða ESB-aðild
sem fyrst. Björn Bjarnason dómsmálaráðherra
viðurkenndi þennan hóp innan flokksins á dögunum,
og sagði berum orðum að flokkurinn myndi klofna ef
samþykkt yrði að Ísland sækti um aðild að Evrópu-
sambandinu. Inn á þessi grugguðu mið  ætlar
Íslandshreyfingin  augljóslega að sækja.

   Svo er það svo aftur umhugsunarefna og jafnvel
skondið. Að geta bæði verið mikill Íslanadsvinur á
landið og náttúri þess, jafnframt því að vera til-
búin að fórna stórum hluta af fullveldi þess og
sjálfstæði, sem sjálfkrafa gerist með ESB-aðild.

   Var einhver að tala um pólitískan tvískinnung?

Uppgangur vinstri-öfgamanna uggvænlegur !

  Og enn birtist ein skoðanakönnunin sem sýnir Vinstri-
græna (VG)  í stórsókn. Uppgangur slíks öfgasinnaðs
vinstriflokks setur  eðlilega ugg að mörgum þeim sem
vilja standa vörð um áframhaldandi hagsæld og vel-
ferð í  okkar borgaralega lýðræðisríki. Hvað veldur
slíkri fylgisaukningu við jafn míkinn afturhaldsflokk og
VG er með öllu óskiljanlegt. Og allra síst í ljósi þess að
á Íslandi hefur ALDREI verið eins mikil umsvif, gróska
og uppbygging á öllum sviðum þjóðlífsins og einmitt
síðustu ár.

   Hvað hafa Vinstri-grænir boðað sem réttlætir slíka
fylgisaukningu? Nákvæmlega EKKERT! Þvert á móti
hefur ALLUR málflutningur  þeirra  á  síðustu árum
verið sá að vera á móti nær ÖLLU sem hefur leitt úr
læðingi einn mesta KRAFT allra tíma í íslenzku atvinnu-
lífi, sem aftur hefur svo leitt til þess að ríki, sveitar-
félög og almenningur í þessu landi hefur ALDREI
staðið eins vel og nú. Margir HUNDRUÐU MILLJARÐAR
hafa skilað sér í ríkiskassann vegna einkavæðingar
ríkisfyrirtækja og árleg tugmilljarða skattheimta
þeirra  hefur skilað sér í ríkissjóð landsmanna. Menn
geta svo velt fyrir sér EYMDARÁSTANDINU t.d í
velferðarmálunum ef ríkið hefði orðið af öllum þessum
hundruðum milljörðum. Þá er ótalið öll þau meiriháttar
verðmæti sem skilað hafa sér í þjóðarbúið vegna
svokallaðrar ÚTRÁSAR fyrirtækja á erlendri grundu
vegna UMBYLTINGAR alls viðskiptalífs í FRJÁLSRÆÐIS-
ÁTT. Gegn ÖLLU þessu hafa Vinstri grænir verið á
móti og barist hatræmmt gegn.

   Vegna öfgastefnu VG  í umhverfismálum er ljóst að
landsbyggðin færi alverst út úr henni ef á sjónarmið
Vinstri-grænna yrði hlustað. Stórt stopp á að setja á
nær allt til að nýta auðlindir landsins á skynsamlegan
og hagkvæman hátt að mati VG.  Það þýðir meiriháttar
kreppu á landsbyggðinni,  sem og í þjóðfélaginu öllu.
 Vinstri-grænir vilja þannig  gera Ísland að einu
RAUNVERULEGU BORGRÍKI!


   Vinstri-grænir eru SÓSÍALÍSKUR  flokkur og því
algjör TÍMASKEKKJA  í íslenzkum stjórnmálum  á
21 öld. Stóraukin skattheimta og forræðishyggja er
þeirra ær og kýr. Svo miklir vinstrisinnaðir róttæk-
lingar að þeir  skila meir að segja algjöru AUÐU
þegar fjallað er um jafn mikilvægan málaflokk  og
þjóðaröryggismál íslenzku þjóðarinnar. Bara fyrir
slík ÓÞJÓÐLEG VIÐHORF ætti slíkur flokkur EKKI
að mælast í skoðanakönnunum, hvað þá að fá fylgi
í kosningum.

    Og nú hafa Vinstri-grænum borist liðsauki til að rústa
efnahagslífinu. Svokölluð Íslandshreyfing, lifand land,
hefur komið fram og boðar sömu öfganar og Vinstri-
grænir. - Dautt land og eymdarlegt þjóðlíf er klárlega
framundan fái þessi afturhaldsöfl fótfestu í íslenzkum
stjórnmálum.

Enn eitt STOPP-framboðið!

   Í dag verður tilkynnt um enn eitt STOPP-framboðið.
Nú á að höfða til mið/hægri-sinnaðra kjósenda. Hver
er munurinn á því og t.d Vinstri-grænum þegar bæði
framboðin boða STÓRT STOPP í allri atvinnuuppbygg-
ingu,  og nýtingu þeirra auðlinda sem íslenzk þjóð
þarf á að halda til að viðhalda blómlegu þjóðlífi og
hagsæld á komandi árum?

     Auðvitað er enginn munur þar á!

  Það jákvæða við þetta er að stjórnarandstaðan
verður enn sundurleitari hjörð en áður og hennar
málstaður enn fráhrindandi framfarasinnuðum 
kjósendum sem vilja áfram hagvöxt og öflugt
velferðarþjóðfélag.......

Sundabraut - verkin tala!

   Gott hjá meirihluta borgarstjórnar að spila út raunhæfum
kostum að gera Sundabraut að veruleika sem fyrst. Sýnir
að það er framkvæmdasinnaður borgarstjórnarmeirihluti
Sjálfstæðisflokks og Framsóknarflokks við völd í dag.
Nákvæmlega sömu flokkarnir og hafa stjórnað landsmálunum
s.l 12 ár, í mesta framfara-og hagvaxtaskeðið lýðveldisins.

    Er nema von að setji að manni kaldur hrollur við þá til-
hugsun að STÓRU STOPP-FLOKKARNIR komist til áfrifa í
vor? Og enn einn STOPP-flokkurinn á svo að koma í
dagsljósið á morgun.  Aldrei hafa verið jafn mikil skörp
skil í íslenzkum stjórnmálum og einmitt nú!

    

Framtíðarlandið? En hvað með ÍSLENZKA framtíð?

    Æi. Vitið þið. Finnst þessi umhverfisumræða öll komna
út í öfgar. Og ekki batnar ef einn annar öfgaflokkurinn í
umhverfismálum birtist næstu daga. Meina. Á hverju
ætlum við eiginlega að lifa í framtíðinni? Íslendingar!

    Á s.l. 36 árum hafa verið byggð 2 álver. Og það þriðja er
í byggingu. Það eru nú öll ósköpin. Hvað hefur flugflotinn
t. d stækkað á sama tímabili?  Mengar ekki ein stórþota á
við eitt álver á ári?

   Hef sem venjulegur Íslendingur eiginlega MIKLU MEIRI
áhyggjur af ÍSLENZKRI FRAMTÍÐ í allri þeirri alþjóðavæð-
ingu sem nú tröllríður öllu. Íslenzkri tungu og íslenzkri
þjóðmenningu. Já Það sem gerir okkur að ÍSLENZKRI ÞJÓÐ!
Ekkert af þessu er sjálfgefið í dag ef við höldum ekki vöku
okkar.  Og hvað með okkar SJÁLFSTÆÐI og FULLVELDI?
Eru ekki ýmsar blikur á lofti hvað það varðar?

   Við eigum líka einstakt íslenzkt dýraríki. Einhver afturkræf
lón eða ósnortin landsvæði eru   EKKERT á við það ef ein
þessara dýrategunda hyrfi yfir móðina miklu úr íslenzkri
jarðvist.  Annað eins hefur nú gerst!

    Elskum landið okkar og náttúru þess!  Þurfum að fara
gætilega varðandi nýtingu allra auðlinda. Að sjálfsögðu! 
En fyrr má nú rota en dauðrota eins og orðræðan hefur
þróast að undanförnu. -  Það er eins og öll skynsemi hafi
farið á flakk upp til fjalla  hjá ótrúlega mörgum. Það er
eins og vitundin um á hverju við lifum og á  hverju við
ÞURFUM að lifa í framtíðinni hafi þar bara alveg dagað
uppi! -  Skrítið!

   Við þurfum jú öll að bíta og brenna, og á næringu að
halda, ekki satt? Nákvæmlega eins og fræið í moldinni......

Morgunblaðið snuprar loksins Vinstri græna

   Í leiðara Morgunblaðsins í dag eru Vinstri grænir loksins
snuprarir varðandi hugmyndarfræði sína og stefnu eftir að
hafa verið hampað í Reykjavíkurbréfi s.l. sunnudag. Gott er
að Morgunblaðið er smá að rámka við sér varðandi uppgang
vinstrisinnaðra öfgamanna í íslenzkum stjórnmálum.

  Morgunblaðið spyr ýmissa grundvallaspurninga varðandi
STOPP-stefnu Vinstri-grænna og er bersýnilega að átta
sig á hvað er í vændum fái Vinstri grænir það mikla fylgi
sem þeim er spáð.  ,,Hvernig ætlar flokkurinn t.d að
tryggja áframhaldandi atvinnuuppbyggingu og hagvöxt á
Íslandi? Hvernig ætlar hann að  standa undir þeim stór-
auknu útgjöldum til velferðamála sem hann boðar?" spyr
Morgunblaðið.

   Þá bendir Mbl á áform VG um hækkun skatta, stóriðju-
stopp, og það að ,, flokkurinn hefur líka horn í síðu
þeirrar atvinnugreinar, sem lagt hefur einna mest til
verðmætasköpunar á Íslandi undanfarin ár og stendur
með skattgreiðslum sínum undir t.d framlagi ríkisins til
allra háskóla landsins. Þetta er fjármálageirinn, sem
þingflokksformaður VG vildi helst að færi úr landi ,,fyrir
meiri jöfnuð og félagslegt réttlæti." segir í leiðara
Mbl.

   Þá fjallar Mbl um VG sem forsjárhyggjuflokk, tortryggni
á einkaframtakið almennt og yfirleitt, móti EES og Nato,
og segir ,,VG er líklega á móti  fleiru en flokkurinn er með".

   Það er gott að borgarasinnuð og frjálslynd öfl séu nú
loks  farin  að sjá fram á STÓRA-RAUÐA-STOPPIÐ í vor,
ef fram heldur sem horfir, og að vinstrisinnaður öfga-
flokkur  eins og VG er nái hér kverkataki á íslenzku
atvinnulífi,  sem klárlega mun leiða til  meiriháttar stöðn-
unar  og kreppu á komandi árum.

   Við því þarf nú að bregðast, og það af festu!

Íraksstríðið herfileg mistök!

    Fjögur ár eru í dag frá því að Bandaríkjamenn og
fylgissveinar þeirra réðust inn í Írak. Alltaf er að koma
betur og betur í ljós hversu herfileg misstök þessi
innrás var. Slæmt var ástandið í Írak fyrir, en marg-
fallt verra er það í dag og fer versnandi.

   Það voru sömuleiðis herfileg mistök að Ísland
hefur verið bendlað við þetta stríð. Verst er þó að
sumir vilja ekki viðurkenna það. Oftar en ekki eru
það blindir skósveinar Bandaríkjamanna,  og
hefur EKKERT með vinstri eða hægri að gera.
Það er eins og sumir haldi að það að vera and-
stæðingur bandariskrar heimsvaldastefnu þurfi
maður að vera vinstrisinni. Slík rökhyggja er út
í hött. Þess vegna er það alveg furðulegt hvað
t.d sjálfstæðismenn margir hverjir reynist erfitt
að viðurkenna Íraksstríðið sem meiriháttar mis-
tök,  og stuðningur Íslands við upphaf þess
sömuleiðis.

Skörp pólitísk skil í Silfri Egils

    Í Silfri Egils í dag komu  fram skörp skil í íslenzkum
stjórnmálum. Annars vegar vinstri blokkin með Vinstri
græna og Samfylkingu, og hins vegar hin borgaralega
sinnaða blokk mið/og hægri flokka Framsóknar og Sjálf-
stæðisflokks.   Augljóst er því að  valið milli þessara
blokka stendur í þingkosningunum vor.

   Ánægjulegast var sú yfirlýsing Sivjar Friðleifsdóttir
heilbrigðisráðherra um að fái Framsóknarflokkurinn
ásættanlegt brautargengi í vor væri það skýr skilaboð
frá þjóðinni um óbreytta ríkisstjórn. Fyrir okkur sem 
viljum áframhaldandi hagvöxt,  framfarir og öflugt
velferðarkerfi er því mikilvægt að Framsóknarflokkurinn
fari að ná vopnum sínum, því annars er ríkisstjórnin
fallin, og við tekur vinstristjórn með hörmulegum 
afleiðingum.

   Í sama þætti Egils var afar athyglisvert viðtal við
Víglund Þorsteinsson þar sem hann varaði mjög við
því stóra stoppi sem stjórnarandstaðan boðar við
að virkja auðlindir okkar. Við blasir stöðnun, sem
síðar leiðir til samdráttar, atvinnuleysis og verð-
lækkun fasteigna. Sem sagt, kreppa, eymd og volæði
blasir við í íslenzku samfélagi ef STOPP-flokkarnir
komast til valda. Í raun er samdráttur þegar hafinn
sagði Víglundur.

   Því er mikilvægt að allt frjálslynt og borgarasinnað
fólk standi saman við að verja ríkisstjórnina falli.
Hið borgarasinnaða Morgunblað hefur algjörlega
brugðist í þeim efnum. Nú síðast í Reykjavíkurbréfinu
í dag þar sem Vinstri-grænum er meiriháttar hampað
og ríkisstjórnin sögð fallin.  Hvað Morgunblaðinu 
gengur til með slíkum undarlegum skrifum er með
öllu óskiljanlegt.

    Það eru því spennandi tímar framundan í íslenzkum
stjórnmálum enda hafa hin pólitísku skil  aldrei verið
skýrari en einmitt nú.