Framsókn á uppleið.- Ríkisstjórnarsinnar fagna.

    Skv. tveim skoðanakönnunum í dag virðist fylgið
við Framsókn á uppleið miðað við síðustu kannanir.
Fyrir okkur sem viljum núverandi ríkisstjórn áfram er
þetta fagnaðarefni. Því það er alveg ljóst, að til þess
að núverandi ríkisstjórn sitji áfram verður Framsóknar-
flokkurinn að fá verulegt meira fylgi heldur en það
sem hann hefur að vera að mælast í að undanförnu.

   Núverandi stjórnarsamstarf hefur verið mjög gott
og farsælt þau 12 ár sem það hefur staðið.  Fram-
sóknarnarflokkur er elsti flokkur landsins og Sjálfstæðis-
flokkur sá næst elsti. Báðir þessir flokkar lífðu af síðustu
öld, þrátt fyrir allskyns byltingar og pólitísk umbrot,
meir en hægt er að segja um alla aðra flokka.  Því
var það táknrænt að þessir  tveir rótgrónu flokkar
skyldu saman leiða hina íslenzku þjóð inn í 21 öldina.
Langlifi þessara flokka hlýtur m.a að vera til vitnis um
að þeir hafa ætið starfað í takt við hina íslenzku þjóð-
arsál. Þess vegna vill meirihluti kjósenda þessa ríkis-
stjórn áfram.

    Nú eru 17 dagar til kosninga. Enn geta  margir
hlutir gerst. Vonandi ríkisstjórnarflokkunum báðum
til heilla....
   

Róttæklingar beita skemmdarverkum í kosningabarátunni

   Á vef Mbl.is er greint frá því að skemmdir voru
unnar í nótt á auglýsingaskiltum Framsóknarflokk-
sins á Egilsstöðum. Er þetta í annað skipti á
örfáum dögum sem slíkt er gert. Málað er slagorð
á skiltin sem ERLENDIR virkjunarandstæðingar
hafa notað í aðgerðum sínum gegn Kárahnjúka-
virkjun og uppbyggingu iðnaðar á Austfjörðum.
Þær aðgerðir hafi haft það að markmiði að spilla
eignum og valda röskun  í samfélaginu segir
í fréttinni.

    Vinstrisinnaðir róttæklingar og aðrir stjórnleys-
ingar láta oftar en ekki stjórnast af ofbeldi fremur
en að koma fram eins og siðað fólk og rökræða um
hlutina. Í mörgum tilfellum virðist hér um alþjóðleg
mótmælasamtök að ræða, sem hvorki virða lög eða
reglur. Mótmælin við Kárahnjúka á s.l sumri er mörgum
í fersku minni þar sem erlendir róttæklingar voru í
meirihluta. Sömu sögu er að segja þegar uppistandið
í Kaupmannahöfn var sem hæst í vetur. Þar voru
erlendir vinstrisinnaðir róttæklingar í meirihluta.
  
   Allt þetta sýnir hversu mikilvægt er að löggæslan
sé virk og sterk. Svokölluð greiningardeild lögreglu
hefur verið gagnrýnd  m.a af Vinstri-grænum. En hún
á einmitt að sjá um innra-sem ytra öryggi ríkisins.

   Skyldi andstaða Vinstri grænna við slíka stofnun
vera tilviljun?

Steingrímur J. boðar ,,bókanir" Úff!

     Þetta er með eindæmum. Í fréttum í kvöld
boðaði Steingrímur J. ,,bókanir" við viljayfirlýs-
ingu ríkisstjórna Íslands og Noregs um stór-
aukna samvinnu í öryggis-og varnarmálum.
Í því felst að Steingrímur J og hans vinstri-
hreyfing er ekki par hrifin af þessari samvinnu
frændþjóðanna á sviði öryggis- og varnarmála.

    Nú er það svo að frumskylda hvers ríkis er að
tryggja þegnum sínum öryggi. Gildir þá einu
hvaðan ógnin stafar. Því leggja allar þjóðir ofur-
kapp á að tryggja sitt innra-sem YTRA öryggi.
Um þetta ríkir þverpólitísk sátt innan sjálfstæðra
þjóðríkja. Þýkir það  svo sjálfsagt að nánast þurfi
ekki að ræða það.

   Nýlegustu og nærtækustu dæmin eru Noregur
og Bretland. Í báðum ríkjum sitja VINSTRI-stjórnir.
Í Noregi hefur verið lögð áhersla á að endurbyggja
varðskipaflotan, og í bígerð er allsherjar endurnýjun
á 48 norskum orustuþotum. Hvort tveggja kostar 
mikla peninga. Í Bretlandi kom Verkamannaflokkurinn
nýlega fram frumvarpi í breska þinginu um endurnýjun
alls kjarnorkukafbátaflota Bretlands upp á stjarnfræði-
legar upphæðir. Í báðum ríkjum þessum ríkir þver-
pólitísk sátt. Inna beggja ríkja er þetta talið sjálfsagt.
Hluti af fullveldiskostnaði þessara ríkja.

   Á Íslandi er þetta hins vegar þveröfugt farið. Vinstri-
sinnar hafa gegnum áratugina séð RAUTT þegar rætt
hefur verið um öryggis-og varnarmál Íslands. Þar hafa
fremstir farið sósíalistar  og vinstrisinnaðir róttæklingar
sem nú virðast hafa  tekið sér bólfestu í Vinstri-græn-
um. Þó hefði mátt ætla að með brotthvarfi bandariska
hersins af Íslandi myndi afstaða þeirra breytast. En
svo er alls ekki. Ísland skal vera eina ríki heims ber-
skjaldað og varnarlaust að mati Vinstri-grænna.

   Þetta er með hreinum ólíkindum. Stjórnmálafræðingar
þurfa að gera á þessu rannsókn. Því þetta virðist vera
einstakt alþjóðlegt fyrirbæri. Að það skuli vera til flokkur
sem vill að hann sé tekinn alvarlega, en vill samt ekki
tryggja öryggi þjóðar sinnar á nokkurn hátt. Meir að
segja systurflokkur Vinstri grænna í Noregi styður norska
hernaðaruppbyggingu og samstarf Noregs og Íslands á
sviði öryggis- og varnarmála.

   Vinstri-grænir eru því furðulegt fyrirbæri. Óþjóðlegir
fram í fingurgóma af því er virðist.  - Því ber  að hafna 
þeim í komandi kosningum. - Þeir eru hættulegir!
   

Hvað segja Vinstri grænir um olíuleit fyrir Norðurlandi?

    Í fréttum í kvöld kom fram að all góðar líkur
væri á að olía finnist fyrir Norðurlandi, og því
sé ekkert að vanbúnaði að undirbúa leit í
náinni framtíð. Þá vaknar sú spurning hvort
Vinstri-grænir muni ekki mótmæla öllu slíku?

  Þar sem Vinstri-grænir eru svo rosalega
lýðræðissinnaðir og með svo rosalega miklar
ákveðnar skoðanir í öllum málum hljóta þeir
að upplýsa kjósendur um sína rosalegu 
ákveðnu stefnu til slíks stórmáls nú fyrir
kosningar.

  Vinstri grænir!  Já, hver er þá ykkar afstaða í
þessu STÓR-máli?

   Kjósendur bíða svars!

Varnarsamstarf Íslands og Noregs

     Ánægulegt er að utanríkisráðherra Íslands og
Noregs undirriti í lok vikunar í Osló viljayfirlýsingu
um varnarsamstarf ríkjanna. Áður hefur verið undir-
ritað öryggis-og varnarsamstarf Íslands og Dan-
merkur, og viðræður við Kanadamenn eru hafnar.
Þá er fundur í maí með Þjóðverjum um sömu mál.
Valgerður Sverrisdóttir utanríkisráðherra á hrós
skilið fyrir hennar framgöngu í mörgum  málum frá
því hún tók við starfi utanríkisráðherra.

    Mikil umskipti hafa orðið á sviði öryggis- og
varnarmála eftir að bandariski herinn fór.  Ís-
lenzk stjórnvöld hafa brugðist skjótt og vel við
breyttum aðstæðum, við lítla hrifiningu vinstri-
sinna.  Því er mikið áhyggjuefni ef vinstriöflin
komast til valda í vor því þau hafa ætíð sýnt 
vítavert tómlæti þegar íslenzk þjóðaröryggis-
mál eru annars vegar. Alveg sérstaklega á
þetta við um Vinstri-græna.

  Ljóst er að Íslendingar þurfa að koma með
auknum þúnga inn í  sín öryggis-og varnarmál.
Við  erum sjálfstæð og fullvalda þjóð og berum
því fulla ábyrgð á okkar þjóðaröryggismálum. 
Furðulegt hversu vinstrimenn á Íslandi hafa  
alltaf átt eftitt með að skilja það!

Byrjað að fjara undan vinstrinu

    Allt bendir til að niðursveifla sé að hefjast hjá
vinstriflokkunum og að ríkisstjórnin haldi velli í
vor. Því það er nú einhvern veginn svo að þegar
til kastanna kemur er það buddan og skynsemin
sem ræður úrslitunum þegar fólk gerir kalt mat á
því hverjum sé best treystandi fyrir landsstjórn-
inni.

     Það sem einkennt hefur alla tíð vinstrimenn er
sundrungin innan þeirra og ólíkar áherslur. Þá sjá
allir  hversu ástandið væri skelfilegt í efnahags- og
velferðamálum ef sósíalistarnir í Vinstri-grænum
hefðu ráðið för. Í ríkiskassan vantaði þá fleiri hundruð
milljarða og tug-milljarða árlega ef einkavæðingin
og öll útrásin sem henni fylgdi hefði ekki orðið. 
Stórfeld kaupmáttarrýnun hefði orðið  í stað nær
60% kaupmáttaraukningar. Á síðasta áratug hafa
íslenzk hlutabréf í eigu lífeyrissjóðanna hækkað í
veðri um hvorki meir né minna en 300 milljarða
á verðlagi ársins 2006. Þetta kemur fram í athyglis-
verðri grein Illuga Gunnarssonar í Fréttablaðinu í dag.
Þar kemur einnig fram að eftir einkavæðingu bankanna
hafa verðmæti lífeyrissjóðanna í þeim hækkað um 170
milljarða frá 2002, sem þýðir stórbættan hag lífeyris-
þega í framtíðinni. Allt hefur þetta gerst undir farsælli
ríkisstjórn Framsóknar og Sjálfstæðisflokks. Ekkert af
þessu hefði gerst undir vinstristjórn. - Vinstri-grænir
hefðu einfaldlega  stoppað það.  Á þessum augljósu
staðreyndum þurfa allir kjósendur að fara að átta sig á.

    Það er því ekki að undra að meirihluti kjósenda vilji
óbreytta ríkisstjórn áfram. Hún hefur sýnt það og sannað
að hún er traustsins verð.  Kjósendur er skynsamir þegar
til kastanna kemur, og munu því hafna vinstrimennskunni
12 maí n.k  eins og skoðanakannanir  benda nú til.

Framsókn á uppleið. Ríkisstjórnin heldur velli

   Skv. skoðanakönnun Fréttablaðsins er fylgi  
Framsóknar á uppleið og ríkisstjórnin heldur velli.
Framsókn er komin  í 10.4% sem yrði þó óvið-
unandi niðurstaða ef flokkurinn ætti að halda
áfram í ríkisstjórn. Athyglisverðast er þó það
að Samfylkingin dalar og er með 20.3% þrátt
fyrir flokksþing um síðustu helgi. Það hljóta að
vera mikil vonbrigði á þeim bæ. Frjálslyndir
mælast með 3.2% og komast ekki á þing.
Sama má segja um Íslandshreyfingu. Sjálf-
stæðisflokkur mælist með 41.2% og Vinstri-
grænir 19.7% eða nánast jafn mikið og Sam-
fylkingin.

   Ljóst er að meirihluti kjósenda vill núverandi
ríkisstjórn áfram. Til þess þarf Framsóknarflokk-
urinn meiri stuðning en fram kemur í skoðana-
könnun Fréttablaðsins.  - Vonandi tekst honum
að ná því fylgi fram að kosningum! Því mikið er
í húfi að ríkisstjórnin haldi velli þannig að áfram
verði framþróun og velsæld á Íslandi.

Athyglisverð skoðanakönnum um varalið lögreglu.

     Skv.skoðanakönnum sem Capacent Gallup
vann fyrir RÚV og Mbl. eru 50.9% sem tóku
afstöðu hlynnt því að komið verði á fót varaliði
lögreglu sem lið í vörnum landsins, en 40.1%
eru því andvíg. 

    Fylgið meðal stjórnmálaflokka er athyglisvert.
Mest er fylgið hjá Sjálfstæðisflokki 65.2%  og hjá
Framsóknarflokki 62.8%. Samfylkingin virðist
hins vegar klofin eins og í svo mörgum öðrum
málum. Samt vekur athygli að 45.5% kjósenda
Samfylkingarinnar segist hlynnt varaliðinu þrátt
fyrir að Össur þingflokksformaður hefði skotið
hugmyndina á  kaf strax þegar hún var kynnt.


    Hins vegar er andstaðan mest meðal kjósenda
Vinstri-grænna eða 58%. Það kemur hins vegar alls
ekki á óvart því sá flokkur hefur ætíð skilað auðu í
öryggis-og varnarmálum Íslands.  Það er í samræmi
við hans vinstri-róttækni og óþjóðlegra viðhorfa.

Vinstri grænir eru á móti uppbyggingu Vestfjarða!

     Þá liggur það fyrir. Vinstri-grænir móti olíu-
hreinsunarstöð á Vestfjörðum. Aðal-hugmynda-
fræðingur þeirra, Hjörleifur Guttormsson hefur
talað. Kom þetta nokkuð á óvart?
  
    Það er gjörsamlega óskiljanlegt hversu svart
afturhald þessir svokölluðu Vinstri-grænir eru.
Maður fer að  líta á þá sem efnahagslega hryðju-
verkamenn, því sama er hvað borið er niður til
að halda hjólum atvinnulífsins gangandi, þá koma
Vinstri grænir ætíð hrópandi nei nei STOPP STOPP!
Enda komið á daginn hverskonar fyrirbrigði VG
eru í raun. Afsprengi gamalla og úreltra sósíal-
ískra viðhorfa sem urðu gjaldþrota í A-Evrópu
í lok síðustu aldar. Í stað þess að rústa efnahag 
þjóða með sósíaliskri þjóðnýtingu er nú svokölluð
umhverfisvernd notuð í staðin, sem gengur út á
það að stöðva sem mest alla atvinnulega uppbygg-
ingu viðkomandi þjóðar á forsendum umhverfisvern-
dar. Kommúnisk endurlífgun hrein og klár!

   Vestfirðingar og aðrir íbúar NV-kjördæmis vita nú
hug Vinstri-grænna til atvinnulegra uppbyggingar í
kjördæminu.  Það að ekki megi einu sinni skoða og
ræða hlutina segir allt sem segja þarf. Jón Bjarnason
þingmaður Vinstri-grænna í NV-kjördæmi er nú  í vondum
málum. Æðsti-prestur Vinstri-græna afturhaldsins  hefur
talað!  Kjósendur í NV-kjördæmi tala hins vegar 12 maí n.k

Skondið að horfa á Ögmund reyna verja Alcan-styrkinn

    Það var virkilega skondið að horfa á Ögmund
Jónasson þingmann Vinstri-grænna á kosninga-
fundi Stöðvar 2 í Hafnarfirði í gærkvöldi, reyna að
verja beiðni VG til Alcan um styrk í kosningasjóð
VG, eftir að fréttamaður hafði spurt hann um málið.
Sem kunnigt er ritaði Steingrímur  J beiðni til álver-
sins  í Straumsvík um kr.300.000 styrk meðan Vinstri-
grænir börðust hvað grimmast á móti stækkun þess
sama álvers.  Ögmundur vafðist tunga um tönn og
viðurkenndi að margir af stuðningsmönnum Vinstri-
grænna hefðu  jú fundist þetta ÓHEPPILEGT!

   Ótrúverðugleiki Vinstri-grænna hefur aldrei komið
eins skýrt fram og í þessu máli. Allt virðist til sölu þar
á bæ. Þar á meðal hugsjónin og prinsippið sjálft!