Er engin leið að samræma utanlandsferðirnar?

    Ingibjörg Sólrún Gísladóttir utanríkisráðherra er nú í Bretlandi.
Furðu sætir, að nánast nokkrir dagar  eru  síðan Geir H. Haarde 
forsætisráðherra var þarna í heimsókn. Svo  er að  sjá að  báðir 
ráðheranir  hafi  hitt  nánst sömu ráðamennina í Bretlandi og rætt
sömu málefnin, ef kannski eru fráskilin Evrópumál, en ekki er á
dagskrá að Ísland sæki  um ESB aðild a.m.k á  þessu  kjörtímabili.

   Er til  of mikils mælst að ráðherrar samræmi aðeins sín ferðalög
þannig að  för ráðherra  fari ekki í kjölfar annars ráðherra með
nokkra daga eða vikna millibili, og það í nánast sömu erindagjörð-
um?

  Greinilegt er alla vega að formaður hérlendra jafnaðarmanna
hefur EKKERT tillit tekið til gagnrýni almennings á Íslandi á hin
mörgu og óþörfu ferðalög ráðherra að undanförnu.  Enda  virðst
sá formaður ekki lengur í sambandi við almúgann á Íslandi, og
fylgið  hrynur í samræmi við það ! 

  Nema að förin hafi aðallega verið farin til að storka forsætis-
ráðherra með því að ræða Evrópusambandsmálin við breska
ráðamenn...

  Þvílíkt RUGL!

Utanríkisráðherra fundaði með breskum ráðamönnum í dag

Fjölmiðlar steinþögðu um ESB-andstöðu Norðmanna

  Það er óneitanlega athyglisvert að allir íslenzkir fjölmiðlar skuli
hafa  þagað  þunnu  hljóði  yfir skoðanakönnun sem  birt var  í 
Noregi s.l laugardag um afstöðu Norðmanna til ESB-aðildar. En
Þar kom fram að yfir 60%  norsku  þjóðarinnar er andvíg aðild
Noregs að ESB, og hefur andstaðan sífellt farið vaxandi. Athygli
vakti að 76%  Norðmanna yngri en  30 ára  eru andvígir aðild. 
Könnunin vakti mikla athygli í Noregi og víðar, nema á Íslandi.

  Þetta leiðir að  fréttamati fjömiðla hér á landi  og  þeirri stað-
reynd hversu ESB-sinnar eru farnir að stjórna umræðunni. Allir
t.d ritstjórar fréttablaða eru yfirlýstir ESB-sinnar utan MBL, en
á því verður breyting 2. júní n.k. Baugsmiðlanir eru  allir  mjög
ESB-sinnaðir í allri umræðu um Evrópumál, eins og þeim sé nán-
ast borgað fyrir það. Fréttaflutningur RÚV er líka mjög litaður, 
enda greindi RÚV ekki frá könnuninni í Noregi.

  Þetta er umhugsunarvert, því öll  umræða er skoðanamynd-
andi, sé hún meir og minna á annan veginn...

  Þögn íslenzkra fjölmiðla um  norsku  skoðanakönnunina er
besta og nýjasta  dæmið  um  þetta. Því hefði niðurstaðan
verið á hinn veginn er alveg víst að fjölmiðlar hérlendis hafi
varla mátt vatni halda.  

Hvað verður með kristilegt siðgæði í grunnskólum ?

  Grunnskólafrumvarp menntamálaráðherra fer úr menntamálanefnd
í vikunni og verður lagt fyrir Alþingi til afgreiðslu. Eitt af því sem olli
mestri deilu um frumvarpið þegar það var lagt fram voru þau áform
menntamálaráðherra að úthýsa ákvæðum grunnskólalaga að grunn-
skólinn skyldi byggja á kristilegu siðgæði. En kristin trú er samofin
íslenzkri þjóðmenningu í rúm þúsund ár og alveg út í hött að að gera
breytingu á  því. Í meðförum menntamálanefndar hlýtur því að koma
breytingatillaga um að halda hinum kristilegu gildum innni í grunn-
skólalögunum, hér eftir sem hingað til.  Á annað verður ekki trúað.
Að öðrum kosti verður Alþingi að sjá til þess að svo verði gert. 

   Allt annað eru svik við okkar þjóðlegu gildi !

Á að rústa íslenzkum landbúnaði ?

   Það er alveg með ólíkindum hvað þessi ríkisstjórn er lánlítil.
Nú á að fara  að  hlaupa  til  handa og  fóta  út  af einhverri
matvælalöggjöf ESB sem rústa mun  íslenzkum landbúnaði. 
Spáð  er  allt að 40% samdrætti í innlendri búvöruframleiðslu
á einu til þrem árum af þeim sem best þekkja til. Mörg þús-
und störf verða í hættu og mörg byggðalög verða fyrir miklum
áföllum gangi þetta eftir.

  Hvers konar ríkisstjórn  er þetta  eiginlega? Að rústa heilli
atvinnugrein af mannavöldum einmitt þegar mikill samdráttur
í íslezkum þjóðarbúskap er framundan. Er þetta nýjasta mót-
vægisaðgerð ríkisstjórnarinnar í byggðamálum ?

  Íslenzkur landbúnaðar eins og íslenzkur sjávarútvegur er
blessunarlega utan EES-samningsins. Þess vegna er þessi
aðgerð landbúnaðarráðherra gjörsamlega út í hött, sérstak-
lega á þeim krepputímum sem nú eru framundan, og því
mikilvægt að sérhvert starf í landinu sé varið, hvort það sé
í landbúnaði eða í öðrum atvinnugreinum.  Og ekki síst þegar
við blasir mikill matvælaskortur í heiminum í náinni framtíð.

  Augljóst er að þarna hefur Samfylkingin fengið allt sitt fram
að fullu, enda hennar markmið að ganga að íslenzkum land-
búnaði dauðum.  

  Framganga Sjálfstæðisflokksins í máli þessu er því furðu-
leg !

    

Bændur uggandi

Er spilið virkilega búið hjá Clinton ?

   Er ekki mikill aðdáandi bandariskra stjórnmála. En auðvitað
snertir það heimsbyggð alla hver situr í forsetastóli Bandarík-
janna. Það að allar líkur séu á því að Barack Hussein Obama
verði útnefndur sem forsetaefna demókrata setur að manni
hroll. Maðurinn er ótrúlega tækifærisinni, eitthvað sem ekki á
að prýða Bandaríkjaforseta. Stefna hans og viðhorf öll virðast
ótrúlega óiljós og þokukennd.

   Verði Hussein Obama útnefndur í haust virðist sigurlíkur
McCan aukast til muna.

Búið spil fyrir Clinton?

Gott mál hjá þýzkum kristilegum demókrötum

   Það er lofsvert hjá forystumönnum Kristilega demókrataflokksins
að gagnrýna harðlega Frank-Walter Steinmeier, utanríkisráðherra
Þýzkalands fyrir lágkúru gagnvart Kínverjum í Tíbetmálinu. Í vik-
unni mun Dalai Lama, andlegur leiðtogi Tíbeta, koma í fjögurra
daga heimsókn til Þýzkalands. Steinmeier hefur hins vegar neitað
að hitta leiðtogann.

   Kristilegir demókratar segja að með þessu sé utanríkisráðherrann
að senda Kínverjum þau skilaboð að stjórnvöld  í Þýzkalandi kæri
sig kollótt um almenn mannréttindi.

  Hefði hinn sósíaldemókratiski utanríkisráðherra Íslands brugðist
öðruvísi við ?

  Trúlega alls ekki !

Norðmenn harðir á móti ESB-aðild

   Í Aftenposten í dag er birt skoðanakönnun um afstöðu Norðmanna
til ESB-aðildar. Fram kemur að aldrei hafi andstaðan verið meiri og
fer stöðugt  vaxandi. Rúm  60% eru andvíg aðild  Noregs  að ESB, 
en  það sem vekur hvað mesta athygli er hvað andstaðan er mikil 
meðal unga fólksins, sem erfa á Noreg.  Hvorki meira né minna 75%
fólks undir 30 ára er andvigt ESB-aðild. NORSK framtíð er því björt !

  Norðmenn eru skynsöm þjóð, og hafa tvívegis alfarið hafnað aðild
Noregs  að ESB. Skv. þessari skoðanakönnun eru engar líkur á því
að efnt verði til þjóðaratkvæðis um aðild Noregs að ESB á næstunni. 
Þvert á það sem ESB-sinnar hérlendis halda fram.

  Meðan Normenn una sáttir við sitt og eru stoltir af sínu sjálfstæði
og fullveldi, og eru  staðráðnir í að  verja sínar auðlindir til sjós og
lands, fara hérlendis fram furðulergar  umræður um að Ísland eigi
aða sækja um aðild að  ESB, ganga Brussel á vald og taka upp evru.
Allt vegna tímabundinna þrenginga í efnahagsmálum.

  Ljóst er að efnahagur Íslands myndi stórversna og það til fram-
búðar gangi Ísland í ESB og taki upp evru. Til að ná sem skjótustu
tökum á efnahagsvandanum í dag er myntsamstarf við Norðmenn,
og það strax!

Evruhagkerfin ganga í sundur

  Í fréttum Mbl. í gær var sagt frá því að stærstu hagkerfi
evrusvæðisins dansa ekki í takt um þessar mundir, sem
kann að valda miklum höfuðverki ráðamanna Evrópska
seðlabankans. Vitnað er m.a í Financial Times í þessu
sambandi. Í Þýzkalandi hefur hagsvöxtur ekki verið meiri
í sjö mánuði, mest vegna aukinnar framleiðslu og vaxtar
í þjónustugeiranum. Hins vegar hefur vöxtur í Frakklandi
ekki verið minni síðan í ágúst 2003, og enn skarpari sam-
dráttur er á Spáni, fjórða mánuðinn í röð. Á meðan þarf
Evrópski seðlabankinn að  reyna að gera öllum til hæfis,
sem er ógjörlegt miðað við hvað efnahagur ríkja á evru-
svæðinu er gjörólíkur.

   Þetta er einmitt sem margir fjármálafræðingar vöruðu við
þegar evran var upptekin. Eitt gengi og eitt vaxtastíg gæti
aldrei gengið upp til lengdar, því efnahagskerfi  ríkjanna
sem mynda evrusvæðið eru svo ólík. Ekki síst komi til alheims
efnahagskreppu og   alþjóðlegra fjármálaóróa. Hinir svört-
sýnustu spáðu að innan ekki svo langs tíma myndi mynt-
bandalagið springa í loft upp.

  Því hljóta sllir skynsamir menn að sjá hversu arfavitlaust það
yrði fyrir Ísland að ganga í ESB og taka upp evru.  Ekki síst
með tilliti til hversu Ísland er háð útflutningi. Eins og hágengi
evrunar hefur verið að undanförnu væri það að rústa íslenzkum
útflutningi, nákvæmlega sem evran er að gera hjá mörgum evru-
löndum í dag. Við stæðum því í miklu erfiðaðri stöðu í dag með
evru sem gjaldmiðil. - Við blasti bullandi atvinnuleysi og lang-
varandi kreppa.

  Eina vitið í dag fyrir Íslendinga er að draga krónuna út af hinum
fljótandi gjaldeyrismarkaði, og hefja myntsamstarf við Norðmenn. 
Virtur prófessor hefur bent á þá leið sem mjög raunhæfa. Hún yrði
fljótvirk, og áhrifanna færi strax að gæta í stöðugu gengi, lækk-
andi vöxtum og snarminnkandi verðbólgu, hliðstætt því sem er í 
Noregi. Kosturinn við slíkt myntsamstarf er sá að alltaf yrði hægt að
aðlagast breyttu efnahagsumhverfi á íslenzkum forsendum, sem alls
ekki væri hægt ef við tækjum upp erlendan gjaldmiðil. Þá er kostur-
inn við norsku krónuna sá hversu sterkan bakhjall hún hefur með
norska olíusjóðinn, þannig að öll spákupmennska yrði úr sögunni
og þörfin á stórum og rándýrum gjaldeyrisvarasjóði yrði nánast
engin.

   Því miður er ekker slíkt á döfunni í dag. Ekkert.! Og allra síst
nokkuð af viti, eins og söngurinn um ESB-aðild og upptaka evru
er besta dæmið um...

   Að fara úr öskunni í eldinn !

Léttvægar vogarskálar Þorsteins Pálssonar !

  Þorsteinn Pálsson ritstjóri Fréttablaðisins skrifaði í gær leiðara
um sjávarútveginn og Evrópusambandið, sem hann kallar ,,Á
vogarskálum" Þar fer  hann eins og  köttur  kringum  heitann
graut, slær úr og í, á leið  sinni að  þeirri niðurstöðu að Ísland
eigi að  sækja  um  aðild  að  ESB. Eins og  honum  er nánast
borgað fyrir það !

  Það er nánast grátlegt að horfa upp á fyrrverandi sjávarútvegs-
ráðherra ÍSLANDS mæla því bót að Íslendingar láti af yfirráðum yfir
sinni helstu  auðlind  og  gangi sameiginlegri  sjávarútvegsstefnu
ESB á hönd. Og þrátt fyrir að Þorsteinn Pálsson viti  að  í dag er á
Íslandsmiðum FRAMSELJANLEGUR kvóti, sem fer sjálfkrafa á upp-
boðsmarkað ESB göngum við þar inn. Kemur Þorsteinn Pálsson
með ENGAR tillögur um hvernig eigi að koma í veg fyrir það. Segir
bara að það gæti verið rökstyðjanleg jafnræðiskrafa að halda
banni við fjárfestingum útlendinga í íslenskri sjávarúugerð TÍMA-
BUNDIÐ meðan samkeppnisfyrirtæki í evrópskum sjávarútvegi
njóti styrkja. - En það er hins vegar fáránlegt að bera þetta
tvennt saman. Því það er eins og Þorsteinn Pálsson og aðrir
ESB-sinnar átti sig ekki á háskanum, ef útlendingar komast bak-
dyramegin inn í fiskveiðilögsöguna með uppkaupaum á íslenzkum
kvótum, en ALLUR VIRÐISAUKI af slíkum kaupum HVERFUR úr ís-
lenzku hagkerfi. Yrði það ekki verðugt viðfangsefni hjá Þorsteini
Pálssyni  og öðrum ESB-sinnum  að reikna út hvað íslenzkt þjóðar-
bú gæti orðið af gríðarlega háum fjármunum ef þetta yrði raunin? 
Hagurinn af ESB-aðild sem ESB-sinnar halda svo á lofti yrði heldur
betur fljótur að hverfa  og  fara í STÓRAN  MÍNUS komi  til aðildar
Íslands að ESB,  bara af þessum sökum.

  Já þær eru skrítnar vogarskálarnar hans Þorsteins Pálssonar.
Eiga bara að vigta hluta dæmisins.

  Og þann léttvægasta !

Hvert er dómsmálaráðherra að fara í ESB-málum ?

   Björn Bjarnason dómsmálaráðherra skrifar á heimasíðu sína í gær
um breytingar á stjórnarskránni. Segir hann ,,að það  sé  einkennilegt
að lagt sé þannig út af orðum manna um nauðsyn stjórnarskrárbreyt-
inga í umræðum um samskipti Íslands við Evrópusambandið, að þeir
hallist að ESB-aðild. Mér heyrist þannig lagt út af réttmætum ábend-
ingum  Guðna Ágústssonar, formanns  Framsóknarflokksins, á mið-
stjórnarfundi um helgina, - en hann sagði óhjákvæmilegt að ræða
breytingu á stjórnarskránni, tilhögun þjóðaratkvæðagreiðslu og
önnur  slík stjórnskipunarleg   atriði í  tengslum við umræður um
tengsl Íslands og ESB. Hvernig í ósköpunum er unnt að túlka slíkar
ábendingar á þann veg, að Guðni hafi skipt um skoðun og vilji Ísland
inn í ESB?"  spyr dómsmálaráðherra.

  Her virðisr vera  um sömu  meinloku að  ræða hjá dómsmálaráðhera
og varaformanni Sjálfstæðisflokksins  og formanni Framsóknarflokksins.
Hér er  ekki  verið að ræða að  ekki  þurfi að gera  ýmsar  breytingar á
stjórnarskránni, m.a með tilliti til ýmissa eðlilegra alþjóðlegra samskipta
sem fullvalda og sjálfstæð þjóð tekur þátt í. Hér er verið að ræða hvort
gera eigi grundvallarbreytingu á stjórnarskránni svo hún samrýmist
því mikla  fullveldisframsali sem mun felast í aðild Íslands að ESB.  Því
eins og Björn Bjarnason dómsmálaráðherra veit manna best þá getur
Ísland í dag ekki gengið í ESB að óbreyttri stjórnarskrá vegna þess að
aðild hefði í för með sér það míkið framsal ríkisvalds til sambandsins
umfram þau takmörk sem stjórnarskráin setur. Vert er í þessu sam-
bandi að vitna í mjög fróðlega grein Davíðs Þórs Björgvinssonar próf-
essors við lagadeild H.I í Mbl. 9 mars 2003 -

  Er Björn Bjarnason dómsmálaráðherra að  tala fyrir  því að  gera þurfi
þær  miklu  breytingar á  stjórnarskránni  þannig að  fullveldisframsalið
verði slíkt að Ísland geti gengið í Evrópusambandið? Er Björn Bjarnason
dómsmálaráðherra þannig tilbúinn  til að  hlaupa til  handa  og  fóta og
greiða þannig meiriháttar fyrir  áformum  ESB-sinna um  að  Ísland geti
gerst aðili að ESB ? Ef  svo  er, hvernig  í ósköpunum er hægt að  túlka
slíkan tvískinnung? Hvernig í ósköpunum vilja menn greiða fyrir hlutum
sem þeir segjast vera á móti? Og ef  það er tilfellið, er það  þá  nokkuð
einkennilegt, ,,að lagt sé þannig út af orðum manna um nauðsyn stjórn-
arskrárbreytinga í umræðum um samskipti Íslands við Evrópusambandið,
að þeir hallist að ESB-aðild" ? - herra dómsmálaráðherra. ???

  Eða hvert er dómsmálaráðherra eiginlega þá að fara í ESB-málum ?