Borgum ekki krónu í Icesave ! Ekki einustu krónu!

   Eigum ekki að borga krónu í Icesave-ruglið! En hvers vegna
lýsir a.m.k  stjórnarandstaðan  ekki  nú  þegar  því yfir? Málið
liggur skýrt og klárt fyrir! Engin lagaleg rök, hvorki  innlend og 
því síður erlend, kveða á  um að íslenzka  ríkið  borgi  skuldir
stórglæpamanna í einkabankarekstri  þeirra.  Regluverk ESB
bannar það! - Íslenzka  stjórnarskráin  bannar  greiðslur  úr 
ríkissjóði  nema  lagaleg  rök  og skyldur kveða  á  um  það.
Hvorugt liggur fyrir. Enda hefur þjóð og forseti hafnað slíku!
Hvað er þá málið?

   Stjórnvöld sem standa ekki í lappirnar við að verja  íslenzka
þjóðarhagsmuni gagnvart erlendri kúgun  og ofríki, sbr. ólög-
varðar kröfur Breta og Hollendinga í Icesave, skulu einfaldlega
segja  af  sér, og  það  án  tafar! Ekki síst þegar skuldadráps-
klyfjarnar í Icesave BEINTENGJAST aðildarumsókninni að ESB!
Þá er mælirinn fyrst orðinn YFIRFULLUR!  

   ÞJÓÐIN  HEFUR  TALAÐ! HIÐ ÆÐSTA VALD Á ÍSLANDI!  Úrskurður
 þess valds ER BINDANDI! OG  ENDANLEGUR!  

   E K K E R T    I C E S A V E!

  

Fréttaskýring: Landið tekið að rísa þrátt fyrir Icesave

Athugasemdir

[Vala G (IP-tala skráð) 11.12.2010 kl. 19:25]

Ég væri til í að borga 50 milljarða fyrir að heyra aldrei aftur minnst á Icesave :)

[Guðmundur Jónas Kristjánsson, 12.12.2010 kl. 00:30]

Segir hver?  Landráðaraggeitin sem þorir ekki að koma fram undir fullu
nafni!

[Sigurður M Grétarsson, 12.12.2010 kl. 11:54]

Guðmundur. Hver er ástæðan fyrir því að þú ofnotar orðið "landráð" og "landráðamaður" eins mikið og þú gerir almennt á blogginu þínu? Heldur þú að það geri málfutning þinn málefnanlegri eða trúverðugri? Ef þú heldur það þá er það hinn mesti misskilningur því þú gerir ekkert annað en að gera lítið úr sjálfum þér með slíku ómerkilegu skítkasti og persónuníði.

Hvað Icesave samingin varðar þá er hann gerður með það í huga að auðvelda hér uppgyggingu landsins eftir það hrun, sem frjálshyggjustjórn Sjálfstæðisflokksins og Framsóknarflokksins leiddi yfir þjóðina. Það mun kosta okkur mun meira að gera ekki þennan samning en nemur því, sem samningurinn hljóðar upp á. Það eru einfaldlega skiptar skoðainir um ábygrð íslenska ríkisins þar, sem nánast öll heimsbyggðin er á öndverðri skoðun við okkur.

Við skulum heldur ekki gleyma því að þega Alþingi ákvað að greiða íslenskum innistæðueigendum upp í topp þá var aukakostnaðurinn við það ekki tekin úr ríkissjóði heldur úr þrotabúi bankanna og þar með Landsbankans. Jafnvel þó þetta mál færi fyrir dóm og dómstóllinn tæki 100% undir málflutning okkar um að við bærum enga ábyrgð á Icesave reikningunum þá þyrftum við samt, sem áður að greiða inn í þrotabú Landsbankans munin á því, sem íslenskir innistæðueigendur fengu samkvæmt ákvörðun Alþingis um að greiða þeim í topp og því, sem þeir hefðu fengið ef þeir hefðu verið látnir sitja við sama borð og aðrir innistæðueigendur. Enda væri það þjófnaður úr þrotábúinu ef við stæðum ekki skil á því.

Ekki veit ég hversu há upphæð þetta er enda kemur það ekki í ljós fyrr en búið er að selja allar eigur þrotabúsins. Það þarf þó að standa skil á vöxtum af því rétt eins og er í Icesave samningnum. Ég er ekki viss um að það sé neitt mikið lægri upphæð en við þurfum að greiða samkvæmt nýjasta Icesave samningnum.

Það væri því að mínu mati glapræði að hafna þessum samningi. Málaferli tækju um tvö ár og myndu væntanlega valda okkur meira tjóni en þetta í formi hægari uppbyggingar atvinnulífsins vegna lakari lánstrausts og því að erlendir fjárfestar muni síður treysta sér í fjárfestingar hér. Við gætum líka tapað því máli og þurft að greiða allt upp í topp eins og innistæðueigendur í íslenskum útibúum Landsbankans fengu og það eru hátt í 700 milljarðar í viðbót. Þá fengjum við heldur ekki lán frá Bretum og Hollendingum á þeim kjörum, sem þessi samningur hljóðar upp á og þyrftum að greiða allt að fullu strax.

Það er því langt frá því að það sé mei einhverri sanngirni hægt að kalla það "landaráð" að vilja samþykkja þennan samning. Þú gerir því eifnaldlega lítið úr sjálfum þér með því að grípa tíl slíks skíutkasts í þessari umræðu.

Ég sjálfur sagði nei við þeim Icesave samningi, sem kosið var um í þjóðaratkvæðagreiðslunni í byrjun árs en geri ráð fyrir því að segja já við þessum samningi fari hann fyrir þjóðaratkvæðagreiðslu og eru rökin fyrir því hér að ofan. Þið, sem viljið berja hausnum við steinin og seja bara "við borgum ekki" með stórkaða fyrir íslenskan efnahag og þar með lífskjkör íslenskrar alþýðu verðið bara að eiga það við ykkur sjálfa. Vonandi fyrir íslenska þjóð eruð þið ekki í meirihluta.

[Guðmundur Jónas Kristjánsson, 12.12.2010 kl. 14:47]

Sigurður. Hef raunar notað á ykkur orðið þjóðsvikarar en landráðamenn,
enda fullkomnir þjóðsvikarar sem gerðu Svarvarsamninginn og þann sem
kom í framhaldi af honum, og ætluðu að skuldsetja  þjóðina með þeim drápsklyfjum út öldina, og þar með kvnésetja hana í raun endalega. Gera
hana að algjörum þurfalingum og bónbjargarmönnum á leið inn í Brussel-
salina. Fyrir það á að draga þá sem þau þjóðarsvik frömdu fyrir landsdóm. Þessi samningur sem nú liggur fyrir er gjörsamlega óásættanlegur. Byggður á allof miklum óvissuþáttum og áhættu. Fyrir utan það að samþykkja vexti á skuld  sem íslenzka ríkið   SKULDAR ALLLS EKKI Í RAUN, er gjörsamlega út í hött!!!

En þið sósíaldemókratar kunnið ekki að skammast ykkar, og enn á að
blekkja þjóðina og skuldsetja, svo að blautustu draumar ykkar  um erlend yfirráð yfir Íslandi nái fram að ganga. En svo mun ekki verða. Þjóðin mun kolfella þessa þjóðsvikasamninga ykkar í næstu þjóðaratkvæðagreiðslu.
Og þar með úthýsa ykkur endanlega út úr íslenzkum stjórnmálum.

[Sigurður M Grétarsson, 12.12.2010 kl. 18:32]

Guðmundur. Síðan Svavarsamningurinn var gerður hefur farið fram þjóðaratkvæðagreiðsla, sem vakti mikla athygli á þessu máli þar, sem margir þungarviktamenn í fjölmiðlum auk stjórnmálamanna víða um heim tóku upp hanskann fyrir okkur. Sú samninganefnd, sem kom með núverandi samning til baka var því í allt annarri stöðu.

Það að draga úr möguleikum okkar á erlendri fjárfestingu hér á landi og því að fá lán erlendis til atvinnuuppbyggingar, sem óklárað Icesave mál leiðir af sér mun hafa mun skaðvænlegri áhrif á lífskjör okkar en það að taka á okkur það, sem þessi samningur hlóðar upp á. Krafa um einhvern dóm yfir þeim, sem eru með þessum hætti að vinna íslenskri þjóð eins mikið gagn og þeir geta er því ekkert annað en lýðskurm af verstu sort og að kalla þá "þjóðsvikara" er því ekkert annað en ómerkilegt skítkast og persónuníð, sem segir mun meira um þann, sem lætur slíkt út úr sér en þann, sem þeim orðum er beint að.

Og bara svona til að sýna það hversu mikill þvættingur þessi málflutingur þinn er þá er einungis hægt að draga ráðherra fyrir landsdóm og þar, sem engin í samninganefndinni var ráðherra þegar hann kom að samningunum þá væri ekki einu sinni hægt að draga viðkomandi fyrir Landsdóm þó hann hefði brotið eitthvað af sér. Þetta sýnir að þekkingarleysi þitt á málinu er algert.

Ekki veit ég hvaðan þú hefur slíka yfirburðarþekkingu á þjóðarrétti að þú vitir að við eigum ekki að greiða lágmarksinnistæðutrygginguna og það þó við höfum greitt íslendkum innistæðueigendum upp í topp. Þetta deila sérfræðingar í þjóðarrétti um og eru ekki allir sammála. Ef við ákveðum að samþykkja ekki þennan samning þá getur þetta farið fyrir dóm og út úr því getur hæglega komið dómur um að við eigum ekki bara að greiða innistæðutrygginguna heldur líka að okkur hafi verið óheimilt að mismuna mönnum eftir því í hvaða útibúi Landsbankans þeir áttu sína peninga og þá gætum við þurft að greiða allar innistæðurnar en ekki bara lágmarkstrygginguna. Við getum því hæglega lent í því að vera dæmdir til að greiða miklu meira en þetta. Þar að auki mun sú töf á afgreiðslu málsins í tvö ár að öllum líkindum leiða til mun meira tekjutaps en nemur því, sem við þurfum að greiða samkvæmt þessum samningi.

Ég tel því alls ekki útilokað að þessi samningur verði samþykktur í þjóðaratkvæðagreiðslu. Það mun verða niðurstaðan ef kjósendur láta skynsemina ráða en ekki þjóðrembu.

Og að lokum þá er það alger misskilningur hjá þér að við, sem teljum hag Íslands betur borgið innan ESB en utan svo fremi að ásættanlegur aðildarsamningur náist höfum ekki áhuga á að koma Íslandi undir erlend yfirráð. Enda er það svo að það felst ekki í ESB aðild að landið fari undir erlend yfirráð. Við munum halda sjálfstæði okkar og fullveldi þó við göngum  í ESB. Þessar lygar ykkar ESB andstæðinga um eitthvert tap á sjálfstæði eru ornar ansi þreyttar.

[Jónatan Karlsson, 12.12.2010 kl. 22:13]

Sæll Guðmundur

Einhverra hluta vegna, hljóp Illugi Gunnarsson til og fór í "leyfi", líkt og fleirri sakbitnir í kjölfar hrunsins, án þess þó að kæmi til rannsóknar og sakfellinga vegna hins illræmda sjóðs 9, sem hann greinilega átti þó von á. Auðvitað voru þessi neyðarlög ekki sett til að bjarga hinum almenna mörlanda, heldur aðeins þessu 1 -2% landsmanna sem áttu 95 -98% innistæðna bankanna. Hin u.þ.b. 98% landsmanna sem áttu aðeins skuldir í bönkunum, var aðeins gert að kyssa vöndinn og axla alla ábyrgðina og skuldirnar. Núverandi formaður, fyrrverandi varaformaður Sjálfstæðisflokksins og náhirð þeirra eru leyðitöm og léttkeypt styrktar atkvæði til handa þeim er vilja axla óréttmætar byrðar Icesave á óviðráðanlegum kjörum sem helst muni leiða til fullkomins eða takmarkaðs fullveldisafsals, gegn friðhelgi kvótagreifa, niðurfellingu kúlulána og ítarlegri og hlutlausri rannsókn sjóð 9, svo ekki sé minnst á Sjóvá fléttuna - alla. Hvort sem þú velur að nota orðin landráðamaður eða þjóðsvikari yfir þetta lið, þá hefurðu sannarlega á réttu að standa.