Ríkisstjórnin kastar stríðshanska! Forsetinn okkar vörn!

   Ríkisstjórnin hefur nú kosið enn eitt stríðið við þjóðina vegna Icesave. 
Þótt  hún  sé  með öllu vanhæf að gæta íslenzkra  hagsmuna í  Icesave 
fyrir EFTA-dómsstólnum, vegna sinnar hrikalegu forsögu í málinu, kastar
hún samt stríðshanska framan í þjóðina með því að  fela einmitt  Össuri 
Skarphéðinssyni  forræði í málinu. -  Einum  alhættulegasta  manni sem 
gegnt hefur starfi utanríkisráðherra Íslands fyrr og síðar, í  því að gæta 
EKKI íslenzka þjóðarhagsmuna.  Maðurinn  sem vinnur dag og  nótt að
koma Íslandi undir erlent vald, hvað sem  það kostar! Sem einmitt hefur
best sýnt sig í Icesave-deilunni, þar  sem  hann  hefur  farið  hamförum
gegn íslenzkum málstað og  hagsmunum  í OFUR-þjónkun sinni gagnvart
valdhöfunum í Brussel og ESB-nýlenduveldunum Bretum og Hollendingum.   

   Það að veita slíkum Icesave-þjóðsvikara forræði yfir málsvörn Íslands
í Icesave fyrir EFTA-dómstólnum er þvílíkur SKANDALL að ekki fá orð lýst.
Jafnvel þótt EFTA-dómurinn hafi takmarkað gildi, og aldra síst lögsögu
varðandi fjársektir og skaðabætur á hendur Íslendingum. Allt slíkt verður
að sækja innan íslenzka dómskerfisins.   

   Meðan Icesave-óvissan hangir yfir þjóðinni með Icesave-stjórn og Ice-
save-sinnaða stjórnarandstöðu að hluta er mikilvægt að Herra Ólafur
Ragnar Grímsson forseti sitji enn um sinn á forsetastóli.  Hann er okkar
eina vörn,  eins og dæmin sanna, og á því að endurnýja umboð sitt í vor! 

Össur gæti ekki hagsmuna Íslands

Athugasemdir

[Vilhjálmur Stefánsson, 21.12.2011 kl. 01:09]

það er rétt hjá þér, Össur er Landráðamaður og er hættulegur sjálfum sér og þjóðinni..

[Elle_, 21.12.2011 kl. 12:17]

Ekkert við pistilinn að bæta, Guðmundur.  Ótrúleg ógn og svívirða.  Forsetinn finnur það vonandi að hans er þörf í 5. sinn.  Það ætti að draga minnst Jóhönnu, Steingrím og Össur fyrir sakadóm.

[Hrólfur Þ Hraundal, 21.12.2011 kl. 22:59]

Tek undir það að þessu fólki þarf að rétta yfir. 

En þegar búið er að dæma þjóðina  glæpamenn eins og Ríkisstjórnin stefnir að, þá getur forsetinn ekkert gert fyrir okkur Guðmundur.

Betra held ég að sé ráðast á þessa vandræða ráðherra beint og elta uppi rökleysur og lygar þeirra og krefja þá um viðhlítandi skýringar. 

Stjórnar andstaðan er ljóslega úr hrágúmmýi þannig að það þarf annað afl.

[Guðmundur Jónas Kristjánsson, 29.12.2011 kl. 21:26]

Takk fyrir Vilhjálmur, Elle og Hrólfur.