Ísland taki ekki málstað ESB í Úkraínu !

     Það er fráleitt og íslenskum stjórnvöldum til skammar að
taka strax nær eindregna afstöðu með ESB og stjórn Obama
varðandi átökin í Úkraínu. Án nokkurs tillits til sögu Úkraínu
allt frá 9 öld til dagsins í dag. Fá ríkjafyrirbæri hafa jafn oft
skipt um landamæri og þjóðastöðu og þau  þjóðabrot sem  
þarna eru. En síðast tilheyrði Úkraína Sovétríkjunum. Þess
vegna var frjálst Rússland í fullum rétti að yfirtaka hinn rúss-
neska Krímskaga, sem Úkraínumaðurinn og Sovétleiðtoginn
Krjústjov innlimlimaði ólöglega  í Sovétið 1954.  
 
   Átökin í Úkraínu eru því mjög flókin og eiga langa sögu. 
Ekki síst eftir að Sovétið hrundi og erlend öfl fóru að hafa
vítaverð afskipti af innanríkismálum þar. En þar fremst  í
flokki hefur ESB farið með það að markmiði að innlima 
Úkraínu undir Brusselvaldið.  Að sjálfsögu gátu Rússar 
ekki horft upp á slíkt aðgerðarlausir m.a með tilliti  til 
hins rússneska Krímarskaga og mikilvægra herstöðva 
þeirra þar.

   Já það er  vægast sagt undravert hvernig íslensk stjórn-
völd hafa tekið á þessu máli. Og látið yfirráðastefnu ESB 
í Evrópu blindað sig. Og það er eins og utanríkisráðherra
hafi gleymt því að Rússland er orðið frjálst  kristið sam-
félag undir borgaralegri lýðræðiskjörinni stjórn og forseta,
eftir tuga áratuga kúgun heimskommúnista. Enda vekur
það athygli hversu margir fyrrum kommar og vinstri-rót-
tæklingar halla sér að Brussel-Sovétinu í dag m.a varðandi 
þessi átök.

   Það er verulegt áhyggjuefni hvernig málum er nú komið í
Úkraínu. Og það skuli vera til ríki í Evrópu árið 2014  sem 
beitir sínum RÍKISHER GEGN EGIN ÞEGNUM!  Og það með 
velþóknun valdhafanna í Brussel af því er virðist!  Var 
einhver að tala um Sýrland?

    Rússar hafa ætíð verið okkar besta vinaþjóð. Voru með 
þeim fyrstu til að viðurkenna íslenska lýðveldið 1944  og
studdu okkur dyggilega í öllum þorskastríðunum!

    Vonandi að utanríkisráðherra og ríkisstjórn hans taki 
sönsum og hugsi stefnuna upp á nýtt varðandi átökin í 
Úkraínu. -  Eða eru þau kannski bundin í klafa þess  að 
halda Íslandi enn sem umsóknarríki að Evrópusambandinu?
Sjálfviljug og sátt!

Þrýsti á stjórnvöld í Kænugarði