Vinstri grænir frmleiða ÁL-barmmerki

     Skondið ekki satt? Vinstri-grænir velja ÁL til að
búa til  barmmerki í sína pólitísku baráttu, en í
þeirri baráttu er andstæða gegn álframleiðslu 
á Íslandi  eitt af höfuðmálunum. Auk þess kom
fram hjá   ,,upplýsingafulltrúa" Vinstri-grænna í
fréttum í gær að  álið væri framleitt í Banda-
ríkjunum og væri sérstaklega flutt þaðan til
Íslands í þeirra áróðurs-barmmerki.

     Sem sagt. BANDARISKT-ÁL  til liðst við
málstað Vinstri-grænna á Íslandi.  :)   

Athugasemdir

[Óskar Helgi Helgason (IP-tala skráð) 31.3.2007 kl. 14:59]

Heill og sæll, Guðmundur Jónas !

Jú, jú Stefán Pálsson var kampakátur, með álmerkin sín, í fréttunum í gærkvöldi. En....... Guðmundur, hvernig sem niðurstaðan verður, með Hafnfirzkum, í kvöld. Er ekki komið nóg, af græðgisvæðingu núlifandi Íslendinga ? Meira að segja, í minni fjölskyldu, eru Plasma sjónvörp ómissandi þáttur, í öllu veraldar vafstrinu. Sjálfur, notast ég og mitt fólk við venjulegt lampatæki, frá árinu 1999, jafnvel litinn hornauga fyrir.

Nei, Guðmundur ! Tími kominn til, að Íslendingar hugsi fyrir komandi kynslóðum, þ.e., að við, sem nú erum á dögum ráðskumst ekki og fjargviðrumst um hlutina, heldur gefum komandi ættliðum kost á, að spreyta sig líka. Hef lítinn áhuga á því, að eitthvert barnabarnið spyrji mig, ja, svona um það bil árið 2030, hvers vegna grónum og ógrónum bújörðum, á Þjórsárbökkum var sökkt undir vatn, á árunum 2008 - 2010, t.d., fyrir heimtufrekju þálifandi manna, þótt svo enga sérstaka nauðsyn bæri til. 

Það er sjávarútvegur og fiskvinnzla, ásamt landbúnaði og ýmsum iðngreinum, sem leggja þarf rækt við, þar með talin núverandi álver. Má ekki, á komandi tímum skoða möguleika á silfur- og kopar iðnaði, jafnvel ekki svo orkufrekum, t.d. ?

Með beztu kveðjum, úr Árnesþingi /

Óskar Helgi Helgason, frá Gamla Hrauni og Hvítárvöllum    

[Guðmundur Jónas Kristjánsson, 31.3.2007 kl. 15:17]

Jú Óskar. Er hjartanlega sammála þér að gæta hófs í þessu sem
öðru. Hér er ekki verið að tala um að byggja nýtt álver, heldur að
leyfa elsta álverunu að eiga möguleika á að starfa áfram jú með
nauðsynlegri stækkun og hagræðingu. Auk þess eiga hér stór
hópur venjulegs vinnandi fólks allt undir. Skil vel hug þinn til
Þjórsár og get ekki séð en að henni mætti bjarga ef pólitískur
vilji  væri þar fyrir hendi.  Viljinn er jú allt sem ÞARF!