Halldór Ásgrímsson tjáir sig um Evrópumál.

    Í fréttum Stöðvar 2 í kvöld var viðtal við
Halldór Ásgrímsson fyrrverandi forsætisráð-
herra og formann Framsóknarflokksins. Þar
fann hann EES-samningnum allt til foráttu
sem er í raun ekki nýtt hjá Halldóri, því hugur
hans hefur löngum beinst að því að Ísland
gerist aðili að Evrópusambandinu.

   EES-samingurinn er í fullu gildi í dag og
ekkert sem bendir til annars en að hann
muni geta þjónað vel íslenzkum hagsmun-
um í fyrirsjáanlegri framtíð. Viðtalið við Hall-
dór kom því á óvart og tímasetning þess.

  Innan Framsóknarflokksins eru uppi
skiptar skoðanir um Evrópumál eins og hjá
flestum öðrum flokkum. Í skoðanakönnun
Fréttablaðsins sem birt var 24 janúar s.l  
kom  þó fram,  að mikill meirihluti stuð-
ningsmanna Framsóknarflokksins var and-
vígur aðild eða 60% en 22% með. Í Sjálf-
stæðisflokknum voru 65% á móti en 20%
með. Hjá Frjálslyndum voru 52% á móti en
35% með. Hjá Vinstri-grænum voru 59% á
móti en 34% með. Og hjá Samfylkingunni
voru 51% með en 41% á móti.

  Eins og sjá má af þessu er mikil andstaða
meðal Framsóknarmanna við aðild Íslands
að ESB eða svipað og meðal Sjálfstæðis-
manna. Raunar meiri en meðal stuðnings-
manna Vinstri-grænna. Þess vegna féll
sýn Halldórs í Evrópumálum í mjög grýttan
jarðveg hjá Framsóknarmönnum og olli
klofningi í flokknum sem núverandi formaður
Jón Sigurðsson hefur tekist að útrýna, enda er
hann í raun með allt aðra sýn en Halldór Ás-
grímsson varðandi aðild Íslands að ESB.

   Viðtalið við Halldór kom því verulega á
óvart nú í aðdraganda kosninga og í ljósi
þess að Jón  Sigurðsson virðist hafa tekist
að ná mikilvægri  sátt innan flokksins um þetta
viðkvæma mál.

Athugasemdir

[Benedikt Sigurðarson (IP-tala skráð) 30.4.2007 kl. 22:40]

Sátt Jóns Sig er ekki um stefnu í málinu; - hann var áður og fyrr notaður til að setja lok á umræðuna um stefnu í Framsókn (bæði Evrópumálin og líka sjávarútvegsmálin)   - með háskalegum afleiðingum.

Í þessu efni held ég að Halldór sé að koma Flokknum til bjargar til lengri tíma litið.   Það er eina leiðin að ræða mál - og kryfja til að geta mótað stefnu og staðið á henni.  Það er búinn að vera útbreiddur ósiður að "banna umræðu"  - ekki síst um Evrópumálin.  Nei eflum rökræðuna - tökum málið á dagskrá og sjáum hvað við komumst langt í samningum við ESB - kjósendur eiga síðan að glíma við að staðfesta eða hafna niðurstöðunni.  Það væri lýðræði.

Benedikt

[Guðmundur Jónas Kristjánsson, 1.5.2007 kl. 11:57]

Einar. Öll megin atriði ESB-aðildar liggja fyrir. Meiriháttar afsal á
fullveldi og sjálfstæði íslenzkrar þjóðar, nokkuð sem öfgafull
sósíaldemókratisk alþjóðahyggja er fandans sama um.