Ingibjörg gefur Geir langt nef

   Ingibjörg Sólrún Gísladóttir utanríkisráðherra gefur Geir H Haarde
langt nef og færir sig stöðugt upp á skaftið í Evrópumálunum. Nú í
Silfri Egils endurtekur hún að ekkert sé í stjórnarsáttmálanum sem
hindrar að núverandi ríkisstjórn sæki um aðild að ESB. Til saman-
burðar vitnar hún í stjórnarsáttmála norsku ríkisstjórnarinnar þar
sem skýrt sé tekið fram að aðild Norges að ESB komi ekki til greina
hjá núverandi ríkisstjórn Noregs. Þá hamrar Ingibjörg á því að nauð-
synlegt sé að breyta stjórnarskránni svo hún verði ESB-tæk þegar að
aðildinni komi.

  Það er alveg ljóst að Geir H Haarde og aðrir ESB-andstæðingar
innan Sjálfstæðisflokksins gerðu mikil pólitísk mistök við myndun nú-
verandi ríkistjórnar. Í fyrsta lagi áttu þeir aldrei að detta sér það í
hug að mynda stjórn með Samfylkingunni, og hleypa þannig eldheit-
um ESB sinnum að landstjórninni. Og í öðru lagi fyrst þeir gerðu það
áttu þeir að koma því skýrt inn í stjórnarsáttmálann, að hvorki undir-
búningur eða umsókn að ESB kæmi til greina á kjörtímabilinu. 

  Við myndun núverandi ríkisstjórnar stóðu viss öfl innan Sjálfstæðis-
flokksins sem vilja að Ísland gangi í ESB sem fyrst. Eftirtektarvert er
að sá forystumaður sem mest beitti sér fyrir að núverandi ríkisstjórn
var mynduð er  vara-formaðurinn, Þogerður Katrín Gunnarsdóttir.
Sá sami vara-formaður sem segist nú vilja að stjórnarskráin verði
breytt svo hún komi ekki tæknilega í veg fyrir aðild Íslands að ESB,
einmitt það sem Ingibjörg Sólrún leggur svo mikla áherslu á í dag.
Vara-formaðurinn vill sem sagt greiða fyrir aðild Íslands að ESB, sem
ekki verður túlkað á annan veg en þann að vara-formaður Sjálfstæð-
isflokksins sé að verða hlyntari og hlyntari  aðild Íslands  að ESB með
hverjum deginum sem líður.

  Fyrstu raunverulegu átökin á Alþingi um aðild Íslands að ESB eru
því  kannski ekki langt undan. Þau átök verða um breytinguna á
stjórnarskránni. Því sérhver sá þingmaður sem vill standa fast
með fullveldi og sjálfstæði Íslands færi aldrei að samþykkja breyt-
ingu á stjórnarskránni svo að Ísland geti gengið Brusselvaldinu á
hönd.

   Að gera slíka grundvallarbreytingu á stjórnarskránni áður en neinn
samþykktur samningur liggur fyrir um aðild að ESB er gjörsamlega út
Í hött  !

 

 

Athugasemdir

[Halla Rut , 28.4.2008 kl. 01:12]

Góð skrif hjá þér.