Varalið lögreglu nauðsynlegt !

   Það er rétt hjá dómsmálaráðherra að komið hefði sér vel í kjölfar
jarðskjálftans á fimmtudag að hafa haft í lögum heimild til að kalla
út varalið lögreglu. Fróðlegt er að lesa viðbrögð ýmissa vinstrisinna,
blogga um frétt þessa hér á Mbl.is. Þetta er í mörgum tilfellum hinir
sömu vinstrisinnar sem með ábyrgðarlausum hætti tala fyrir varnar-
lausu Íslandi. Það er alveg með eindæmum að vera vitni af því að
hér á Íslandi skuli vera til ákveðinn  hópur fólks  sem sér rautt í
hverju horni þegar rætt er um að tryggja öryggi þjóðarinnar. Hvort
sem um er að ræða fyrir náttúrulegum hamförum, eða annari ógn
sem steðjað getur að innra sem ytra öryggi ríkisins. -

   Þetta virðist vera séríslenzkt fyrirbæri, sem þarfnast sérstakar
félagsfræðilegrar og mannfræðilegrar rannsóknar á. 

  

Heimild til að kalla út varalið hefði komið sér vel

Athugasemdir

[Guðrún María Óskarsdóttir., 2.6.2008 kl. 00:47]

Alveg hjartanlega sammála þér Guðmundur, í þessu efni.

Varalið lögreglu er nauðsynlegt og ótrúlegt blaður hefur hér viðgengist varðandi þessi mál.

kv.gmaria.

[Hin Hliðin, 2.6.2008 kl. 08:10]

Eftir að hafa lesið bullið í nánast öllum sem hafa bloggað um þetta þá var það eiginlega bara hressandi að sjá "komment" sem var ekki uppfullt að útúrsnúningum og kjaftæði.

[Guðmundur Ásgeirsson, 2.6.2008 kl. 14:45]

Allan tímann sem hjálparstarf stóð yfir var til staðar öflugt borgaralegt varalið skipað sjálfboðaliðum. Með því á ég við alla þá íbúa hér á Suðvesturhorninu sem héldu sig á mottunni á meðan stór hluti lögregluliðsins var upptekinn fyrir austan fjall. Ég veit ekki til þess að það hafi þurft að kalla neinn út sérstaklega til þess að allt færi friðsamlega fram rétt eins og á venjulegum degi, enda var okkur Reykvíkingum líka brugðið við hristinginn og hugur flestra hjá íbúum Suðurlandsundirlendisins. Við Íslendingar erum nefninlega aldrei samhentari heldur en einmitt þegar náttúruöflin sýna okkur mátt sinn og megin, af því megum við sko vera stolt. Sjálfur fór ég t.d. út úr bænum og hélt norðaustur á bóginn þar sem löggurnar voru síst uppteknar vegna jarðskjálfta enda var víða sýnilegt umferðareftirlit á vegunum. Eins og fram kom annarsstaðar á blogginu þá væri miklu meira vit í að styrkja og efla hjálparsveitirnar sjálfar, frekar en að fjölga þessum blessuðu laganna "vörðum" sem ráðast svo kannski bara á unglinga í kjörbúðum, spreyja piparúða framan í saklaust fólk á bensínstöðvum, fara með samsæri og tilhæfulausum ásökunum gegn fólki sem þorir að segja upphátt skoðun sína á umhverfismálum, hnýsast ítrekað með ólöglegum hætti í stjórnarskrárvarið einkalíf fólks, og almennt hafa grundvallarréttindi samborgaranna að engu. Af slíkum óþverravinnubrögðum íslenskrar lögreglu hef ég ítrekaða persónulega reynslu af misslæmu tagi auk þess sem öll tilvikin sem ég nefndi hér á undan eru staðfest og skjöluð!. Þar sem ekki hefur verið sýnt fram á annað verður maður að taka þessi ummæli Björns eins og hvern annan fasista-áróður sem hann lætur frá sér fara, og í þetta sinn af fullkomnu virðingarleysi fyrir því áfalli sem dundi á Sunnlendingum. Megi það verða honum til ævarandi minnkunar að hafa ætlað að nota þessar hamfarir sem enn eitt tilefnið til slíkrar áróðursstarfsemi fyrir öfgasinnaðri hugmyndafræði sinni. Fyrst honum þykir hugmyndir um lögregluríki svona heillandi ætti hann bara að flytja vestur um haf í það "sæluríki" öfganna og láta okkur friðelskandi Íslendinga í friði, um aldur og ævi!!! A.m.k. ráðlegg ég honum að vera ekkert að heimsækja Selfyssinga á næstunni... ég held þeir vilji miklu frekar fá aðstoð við að laga húsin sín en fá yfir sig meiri löggufasisma en nú þegar viðgengst hér á landi.

- Höfundur er FLOKKSBUNDINN sjálfstæðismaður og aðhyllist ekki neina vinstristefnu þrátt fyrir dylgjur hér að ofan! Týpískt fyrir ykkur fasistana sem þykist tala fyrir frelsinu, að nota svona ómálaefnalega rökleysu til að skíta aðra út! Hvaða taugaveiklunarhjal kemur næst frá ykkur? Kannski: "Ef þið gerið ekki eins og Björn segir þá vinna hryðjuverkamennirnir"??? Nei, við búum ekki í ameríku, ef ykkur langar það sem Björn er að boða skulið þið endilega flytja þangað með honum.

[Guðmundur Jónas Kristjánsson, 2.6.2008 kl. 15:31]

Guðmundur. Svona eindæmis anarkistaþvæla og  vinstrisinnað
róttæklingarugl  dæmir sig sjálft og er varla svaravert.  Tek fram að
ég er hvorki sjálfstæðismaður né stuðningsmaður núverandi ríkis-
stjórnar, því mun aldrei geta stutt ríkisstjórn þar sem sósíaldemó-
kratar eða aðrir óábyrgir vinstrisinnar eins og þínir líkir eiga aðild að.
Hins vegar styð ég heilshugar alla þá sem sýna þjóðlega ábyrgð og
festu eins og dómsmálaráðherra er að reyna að gera í þessum málum, en fær því miður skilningsleysi og andstöðu frá sínum
óþjóðlega vinstrisisnnaða samstarfsflokki í ríkisstjórn. -  Því miður!

[Guðmundur Ásgeirsson, 2.6.2008 kl. 15:55]

Hurðu nafni, kanntu ekki að lesa?:

- Höfundur er FLOKKSBUNDINN sjálfstæðismaður og aðhyllist ekki neina vinstristefnu þrátt fyrir dylgjur um annað hér að ofan!

[Guðmundur I. Halldórsson (IP-tala skráð) 2.6.2008 kl. 16:31]

Hafðirðu hugsað þér að færa einhver rök fyrir máli þínu eða á allur þinn málflutningur að ráðast af tilhæfulausum alhæfingum og fáránlegum ad hominem árásum á vinstri sinnað fólk á þessu landi?

"Það er rétt hjá dómsmálaráðherra að komið hefði sér vel í kjölfar
jarðskjálftans á fimmtudag að hafa haft í lögum heimild til að kalla
út varalið lögreglu."

Af hverju hefði það komið sér vel? Hverju hefði það breytt og af hverju voru viðbrögð björgunarsveita ekki nóg?

"Þetta er í mörgum tilfellum hinir sömu vinstrisinnar sem með ábyrgðarlausum hætti tala fyrir varnarlausu Íslandi."

Nú er ég ekki vinstrisinnaður en ég sé samt ekki fyrir hverjum við ættum nákvæmlega að verja okkur. Hverjir eru þessir óvinir sem að fólk virðist gjarnan vilja draga upp þegar talað er um varnir landsins?

"Það er alveg með eindæmum að vera vitni af því að
hér á Íslandi skuli vera til ákveðinn  hópur fólks  sem sér rautt í
hverju horni þegar rætt er um að tryggja öryggi þjóðarinnar. Hvort
sem um er að ræða fyrir náttúrulegum hamförum, eða annari ógn
sem steðjað getur að innra sem ytra öryggi ríkisins. -  "

Hvaða ógn steðjar að innra og ytra öryggi ríkisins? Felst þessi ógn í fólkinu í landinu eða kemur ógnin utan frá? Ef svo er hvaðan? 

"Þetta virðist vera séríslenzkt fyrirbæri, sem þarfnast sérstakar
félagsfræðilegrar og mannfræðilegrar rannsóknar á. "

Mér sýnist á öllu að það eina sem krefst rannsóknar er þetta botnlausa hatur (hræðsla?) við vinstrisinnað fólk hér á landi.

Góðar stundir. 

[Guðmundur Jónas Kristjánsson, 2.6.2008 kl. 17:36]

Guðmundur Ásgeirs. Jú tel mig ágætlegan læsan. En lestu yfir þín
skrif sjálfur maður !  Er að furða að maður hafið haldið að þú værir að djóka að segjast vera flokksbundinn sjálfstæðismaður, kallandi ráðherra flokksins fasista og ég veit ekki hvað. Miðað við skrif þín hlýtur þú að vera í kolvitlausum flokki.

Og þú Guðmundur I Halldórsson. Hvers vegna er Ísland svona
rosalega sérstakt í öllum heiminum að þurfa engar varnir?
Þú virðist einn að þeim sem oftast eru vinstrisinnaðir róttæklingar
og kolruglaðir stjórnleysingjar sem geta alls ekki skilið að full-
veldi og sjálfstæði er nokkuð sem ER ALLS EKKI SJÁLFGEFIÐ,
heldur ÞVERT Á MÓTI! Þess vegna leggja ALLAR fullvalda og
sjálfstæðar þjóðir áherslur á að sýna umheiminum að fullveldi
þeirra og sjálfstæði mun varið ef á það yrði ráðist. Eða hvers
vegna, svo við tökum nærtæk og nýjustu dæmin, já hvers vegna
heldur þú  að Norðmenn og Bretar séu nú að stórefla sinn
herstyrk? Bretar eru að endurnýja sinn kjarnorkukafbátaflota
fyrir stjarnfræðilegar upphæðir og frændir vorir Norðmenn eru
að endurnýja allan sinn herflugvélaflota og að stórum hluta
herskipaflotann. Hvers vegna? Hvaða ógn ætti að steðja að
þessum þjóðum umfram okkur Íslendinga? Sama má segja um
RÚssa.  - Hvers vegna í ósköpunum ættum við Íslendingar að
geta verið ein þjóða í heimi hér gjörsamlega varnarlausir?
Þvílíkur aumkunarverður hugsunarháttur gangvart landi sínu og
þjóð, svo ekki sé meira sagt!

Veistu nafni. Maður fer nánast í vont skap að þurfa að vera
vitni af svona óábyrgri afstöðu manna til jafn sjálfsagðra hluta
og þess að  sjálfstæði og fullveldi Íslands skal varið nákvæmlega
á sama hátt og annara frjálsra og fullvaldra ríka.