Þjóðverja í stað Breta !

   Það kemur ALLS EKKI til greina að láta Breta sinna loftvörnum
Íslands, eftir allt sem undan er gengið  í  samskiptum  þjóðanna
að undanförnu. Ummæli forsætisráðherra um að allt sé opið í þeim
efnum er ALGÖRLEGA  út í hött. Og bara furðuleg afstaða. Engin 
þjóð  lætur þá þjóð  sem gert hefur eina mestu og afdrífaríkustu
efnahagslegu hryðjuverkaárás á sig sem sögur fara af, annast
sín varnarmál eins og ekkert hafi gerst. Forsætisráðherra hlýtur
því að hafa mismælt sig. Og það alvarlega.

   Íslendingar eiga aftur í móti hauk í horni þar sem Þjóðverjar
eru. Ein mesta vinarþjóð Íslendinga um aldir, og hafa oftsinnis
komið því áleiðis, að þeir séu reiðubúnir að koma að vörnum Ís-
lands með einum eða öðrum hætti. - Því eiga Íslendingar   að
hafna alfarið aðkomu Breta að loftvörnum Íslands en leita þess
í stað til Þjóðverja. - Ekki kemur til greina að breskar herflugvélar
athafni sig við eða á Íslandi. Nú hlýtur nefnilega loftrýmiseftirlitið
að ná til breskra óvina-herflugvéla. NATO verði upplýst um það,
alla vega meðan hryðjuverkalög  gilda í Bretlandi gagnvart Íslandi.

   Þjóðverjar eru eitt af öflugustu herveldum heims, eru lykilþjóð
innan ESB og hafa víðtæk áhrif um allan þeim. Því kom sú ákvörð-
un forseta Íslands í vikunnu verulega á óvart, svo ekki sé meira
sagt, að fresta Þýzkalandsför nú í lok október. En þar átti hann
að sækja forseta Þýzkalands heim. - Þessi frestun á Þýzkalands-
heimsókn er gjörsamlega óskiljanleg í ljósi stöðu Íslands í dag.
Engin skýring hefur fengist á þessu. Í ljósi alls flandurs íslenzkra
ráðamanna út og suður um heiminn að undanförnu, án sýnilegs
tiilgangs fyrir ríka  hagsmuni þjóðarinnar, er frestun á Þýzkalands-
heimsókninni, sem hefði getað orðið ein  sú  mikillvægasta allra
heim-sókna í seinni tíð, gjörsamlega óskiljanleg og ófyrirgefanleg.
Vonandi hefur forsetinn ekki stórmóðgað þýzk stjórnvöld!

    Bretar er sú eina þjóð í heiminum í dag sem reynst hefur okkur
Íslendingum óvinaþjóð. - Og það ekki í fyrsta skiptið. Að skríða
fyrir hana og kyssa vönd hennar með ósk um vernd, er svo GJÖR-
SAMLEGA fráleitt, að ekki verður með orðum lýst!

Höfum ekki sagt NATO að Bretar séu óvelkomnir