Stuðningur vinstrimanna við icesave og ESB afar skiljanlegur !

   Stuðningur vinstrimanna og ríkisstjórnar þeirra við icesave-samninginn og
ESB-umsókn er mjög skiljanlegur, og í samræmi við þeirra hugmyndafræði. Allt
tal um svik Steingríms J og Vinstri grænna  í þessum málum er því út í hött.
Stuðningurinn samrýmist  mjög hinni öfgakenndu alþjóðahyggju vinstrimanna.
Sem í grunninn birtist í árdaga sósíalismans í internasjónalum, rauðum fánum,
Sovétum og s.frv. En síðar í taumlausri alþjóðahyggju sósíaldemókrata, sem
aldrei hefur þekkt sín landamæri, hvað þá þjóðlega hagsmuni.  Og þegar þessi
tvö aðal vinstriöfl ná saman og mynda ríksstjórn, er ekki von á góðu. Alls ekki
þegar tekist er á um virkilega þjóðarhagsmuni. Þá er skrattinn virkilega laus.

   Í ljósi þessa ber að skoða nauðungarsamninginn um icesave sem vinstrimenn
ætla að þröngva upp á þjóðina. Samning sem er ígildi hinum illræmda Versala-
samningi í fimmta veldi. Og í ljósi þessa ber einnig að skoða þá staðreynd að það
þurfti einmitt HREINRÆKTAÐA VINSTRISTJÓRN til að sækja um aðild Íslands að
Evrópusambandinu. Þar sem fullveldi og sjálfstæði þjóðarinnar er verulega ógnað
auk yfirráða hennar yfir sínum helstu auðllndum. Sem hvort tveggja mun stór-
skerða lífsafkomu þjóðarinnar TIL FRAMTÍÐAR, og þá ekki síst þeirra sem MINNST
MEIGA SÍN, eins og komið er á daginn.

  Það furðulegasta af öllu er að kjósendur skyldu ekki átta sig á þessu FYRIR
kosningar, og kusu afdankaða og afturhaldssama vinstristjórn komma og krata
yfir sig, og það í byrjun 21 aldar.  Með þeim skelfilegum afleiðingum sem við
blasa hvarvetna í dag, sbr. icesave-skuldaklafinn og ESB-helsið ef fram heldur
sem horfir.

   Vonandi að kjósendur séu nú reynslunni ríkari, og taki höndum saman  við
HIN ÞJÓÐLEGU ÖFL að hrekja  þessa vinstri-óværu frá völdum. OG ÞAÐ SEM
ALLRA FYRST!!!!!!!!!!!