Forsetinn á hálum ís !

   Forseti vor er nú því miður kominn aftur á hálan ís. Eftir að
hafa mært útrásarvíkinganna svokölluðu hér áður fyrr er hann
nú farinn að mæra ,,innrásarvíking" frá Kína. Sem  ætlar  ekki 
bara  að fjárfesta í atvinnurekstri á Íslandi, heldur að kaupa
upp  meiriháttar  stórt  íslenzkt  landssvæði  sem slagar hátt í
1/2% af Íslandi. Hvorki meir né minna! Sem engan veginn virðist
þörf á miðað við það hótel og gollfvöll  sem hann segist ætla að
byggja. Eðlilega vekja slík stórkaup útlendings á íslenzku landi
tortryggni HVER SEM Í HLUT Á! Enda hafa þessi stóru landakaup
Kínverjans  vakið heimsathygli. Landakaup sem ENGINN ÍSLEND-
INGUR gæti látið sig dreyma um  að geta keypt í Kína  vegna
skiljanlegra bannlaga þar í landi.

  Vissulega leyfir hinn stórgallaði EES-samningur kaup þegna
innan ESB á íslezku landi. Enda löngu kominn tími á uppsögn
hans, þótt ekki  væri  nema  fyrir  allt  bankahrunið. Þrátt fyrir
það hefur enginn erlendur aðili  orðið  eins  stórtækur í landa-
kaupum  og  Kínverjinn, sem  auk  þess  tengist  kínverskum
kommúnískum stjórnvöldum sterkum böndum.

   Það að helstu talsmenn Kínverjans á Íslandi komi úr röðum
sósíaldemókrata segir okkur að þá fyrst sé ástæða til að fara
öllu með gát.  Hafa varann á!  Hvort forsetinn sé þarna  að
reyna að styrkja sig meðal sósíaldemókrata vegna Icesave
í komandi forsetakosningum skal ekkert fullyrt um.  En fögn-
uður forsetans á kínverskum stórlandakaupum á Íslandi
vekur furðu.  -    Því á forsetinn ekki að vera talsmaður og
VÖRSLUMAÐUR  L A N D S   og ÞJÓÐAR?

Fagnar kínverskum fjárfestingum

Athugasemdir

[Axel Jóhann Hallgrímsson, 3.9.2011 kl. 00:55]

Jæja er þá forsetinn, sverð okkar og skjöldur á hálum ís?  Ekki stóð stuðningurinn við hann lengi, enda ekki á því von.

[Óskar Helgi Helgason (IP-tala skráð) 3.9.2011 kl. 01:08]

Heill og sæll; Guðmundur Jónas, æfinlega !

Svo illa; hafa Vesturlönd haldið á sínum spilum, (tigangslaust stríðsbrölt í Mið- Asíu og Mið- Austurlöndum, upp á síðkastið, m.a.) að að því hlaut að koma, að Austurlönd kæmu til að láta meira, til sín taka - sem dæmin sanna, hvað bezt.

Í Peking; skiptir í rauninni öngvu máli, hvort sitji : Keisarastjórn - stjórn þjóðfrelsissinna (félaga minna; í Kuomingtang), eða sú núverandi, Kína hefir löngum haft í hyggju, að koma á samskiptum, með öllu mögulegu móti, í Afríku - Ameríkunum þrem, sem víðar.

Hví; ætti Norður- Ameríkuríkið Ísland, að fljóta hjá garði Kínverja - fremur en nágrannar okkar í austri, í Evrópu, Guðmundur Jónas ?

Það er að segja; ef við lítum á þá hlið málanna, sem frá sjónarhorni Kínverja sjálfra blasir, fornvinur góður ?

Auðvitað; getur sitt sýnst hverjum, frá okkar bæjardurum, Guðmundur Jónas, vitaskuld.

En; þetta er sú þróun, sem er að gerjast - og á eftir að verða enn áþreifanlegri, eftir því sem líður, á 21. öldina.

Þess vegna; þurfa menn ekkert frekar, að óttast útþenzlu Múhameðs trúarmanna, úr þessu, því Kínverjar - frændur þeirra og nágrannnar, þar eystra, munu stöðva framgang Mekku kenningar, jafnframt þeim breyt ingum, sem eiga eftir að verða, á högum og skipulagi Vesturlands, hvort ; sem okkur líkar betur - eða þá; verr.

Með beztu kveðjum; sem jafnan /

Óskar Helgi Helgason    

[Óskar Helgi Helgason (IP-tala skráð) 3.9.2011 kl. 01:10]

Afsakið; ritvillur slæmar, sökum nokkurrar fljótaskriftar, að þessu sinni.

ÓHH

[BR (IP-tala skráð) 3.9.2011 kl. 19:04]

Forsetinn hefur skipt um skoðun frá því í EES-umræðunni. En útlendingafóbía greinarhöfundar hefur greinilega ekkert breyst.