Grundvallarspurning sem ESB-sinnar hafa aldrei svarað.

   Sem kunnugt er þá er íslenzkur sjávarútvegur undanþegin 
EES- samningnum. Það þýðir að  Íslendingar hafa fullt og
óskorað vald yfir 200 sm. fiskveðilögsögu sinni, en í henni
eru ein fengsælustu fiskimið heims.   

  Við inngöngu  Íslands í Evrópusambandið (ESB) yrði  Ísland
hluti af sameiginlegri sjávarútvegsstefnu ESB. Við það glötuðu
Íslendingar forræði sínu yfir fiskveiðilögsögunni að öllu eða að
verulegu leyti. Hins vegar er einni grundvallarspurningu enn
ósvarað hjá ESB-sinnum, sem telja raunar litla hættu á að
Ísland glati þessu mikilvæga forræði. Og hún er sú hvernig
þeir ætla að koma í veg fyrir að ríkisborgarar ESB-landa þ.á.m
útgerðaraðilar þeirra smeygi sig inn í fiskveiðilögsöguna bak-
dyramegin með því að eignast meirihluta í íslenzkum útgerðum
og þar með kvótarétt þeirra til veiða í íslenzkri fiskveiðisögu?

  Sem kunnugt er þá eru útlendingum óheimilt að eignast
mirihluta í íslenzkum útgerðafyrirtækjum.  Þetta er leyfilegt
vegna þess að sjávarútvegurinn er undanþegin EES-samning-
num. Við inngöngu Ísland í ESB yrði slíkt bann afnumið því
það stæðist ekki grundvallarreglur Rómarsáttmálans um frjálsar
fjárfestingar innan ESB. Með öðrum orðum. Ekkert væri þá til
fyrirstöðu að t.d Spánverjar, Portugalir, eða  Bretar færu að
eignast meirihluta í íslenzkum útgerðum, og þar með þau  
veiðiréttindi sem þær hafa í íslenzkri fiskveiðilögsögu. Þannig
væri ekkert sem bannaði þeim t.d að togarar þessara útgerða
sem að nafninu til væru íslenzkir, yrðu látnir sigla með aflan
beint t.d til Spánar eða Portugals, án viðkomu í íslenzkum
höfnum. Þannig færi allur sá  virðisauki  af slíkum  afla  að
verulegu leiti úr landi, auk þess sem skattekjur af hinu ódýra
vinnuafli erlendis við að vinna aflann þar skilaði sér ekki í
íslenzkt þjóðarbú. Þetta hefur verið nefnt kvótahopp milli landa,
sem m.a hefur rústað breskum sjávarútvegi. M.ö.o. Íslenzka 
fiskveiðilögsagan nánast galopnaðist fyrir erlendum ríkisborg-
urum ESB til jafns við þá íslenzku.

   Og þá er það grundvallarspurningin til Evrópusambandsinna.
Hvernig  ætla þeir að koma í veg  fyrir slíka  innrás útlendinga í
íslenzka fiskveiðilögsögu þegar þeir eru búnir að koma Íslandi
inn í ESB?

 Eða er þeim kannski fjandans  sama?