Viðurkenndu íhlutun í íslenzk innanríkismál í Silfri Egils !

     Formenn danskra og sænskra krata viðurkenndu
það í Silfri Egils í dag að vera þeirra á flokksþingi
Samfylkingarinnar um helgina hefði verið til að STYÐJA
Ingibjörgu Sólrúnu og flokk hennar í alþingiskosningum
12 maí n.k. Þetta er eitt af þeim  grófustu dæmum  um
íhlutun erlendra stjórnmálamanna í íslenzk innanríkismál.

   Sú spurning hlýtur því að vakna hvort líta beri á
Samfylkinguna sem pólitískt útibú frá skandinavisku
krataflokkunum á Norðurlöndum eftir þessa játningu
krataleiðtoganna frá Danmörku og Svíþjóð?

  Þar sem aðeins tæpur mánuður er til kosninga gerir
þessa grófu íhlutun ennþá alvarlegri.  -

  Sem Íslendingur og íslenzkur kjósandi mótmæli ég
þessari erlendri  íhlutun HARÐLEGA!!!!!!!!!!!!!     

Athugasemdir

[Björg F (IP-tala skráð) 15.4.2007 kl. 15:05]

Er ekki allt  í lagi með þig? Mega bara Íslendingar tala fyrir Íslendinga?

[Guðmundur Jónas Kristjánsson, 15.4.2007 kl. 16:16]

Björg. Hefði ekki gert athugasemdir hefðu þær stöllur haldið sig
INNAN flokksþingsins sem slíks. . En eftir að þær gáfu kost á sér í viðtal í fréttum og þáttum íslenzkra fjölmiðla og voru með pólitiskar hvatningar til íslenzkra kjósenda að styðja ákveðin flokk og stjórnmálaleiðtoga í komandi þingkosningum á Íslandi  var mér alveg nóg boðið.  Það hefur  nefnilega ætíð verið þegjandi
samkomulag stjórnmálamanna að vera EKKI að skipta sér af
innanríkismálum annara ríkja HVAÐ ÞÁ kosningum í öðrum ríkjum.
Þarna var þessi hefð GRÓFLEGA BROTIN og bér að ÁVÍTA ÞAÐ
MJÖG HARKALEGA!

[Magnús Helgi Björgvinsson, 16.4.2007 kl. 00:40]

Og hver á að ávíta það. Þú gerir þér vonandi grein fyrir því að það eru samskipti milli jafnaðarflokka í Evrópu. Eins þá er Framsókn í samstarfi við aðra miðjuflokka. Og það að þessar konur sem þekkja Ingibjörgu skuli leggja það á sig að koma hingað til að tala máli hennar segir mér bara að hún er mikils metin meðal kollega.

[Sigríður Laufey Einarsdóttir, 16.4.2007 kl. 02:42]

Samfylking (Kratar+kommar =

[Sigríður Laufey Einarsdóttir, 16.4.2007 kl. 02:54]

Samfylkingin (Kratar+kommar=glundroði) söm við sig. Allt betra en íslenskt. Helst að selja landið eða leigja það tii þjóðnýtingar. Þá er skammt í rússneska stjórnun að hætti Staíns.

Það má ekki nýta auðlindir skynsamlega, ekki rækta jörðina, bændur og sjómenn eiga að verða þrælar ríkisins.

Svo þegar kjósendum ofbýður þá er er nauðsyn að kalla á systur (og bræður) til hjálpar, til að fegra ósómann.

Svo er hlustað á  Borgarnesræðuna frægu á kosningaskrifstofunni til að fá réttan "fýling fyrir dylgjum og illgjörnum hálfkveðnum vísum handa kjósendum." Góóð stemming hjá Ingubjörgu og co!"

Mætti ég heldur biðja um gömlu þjóðlegu framsókn. Vonandi tekst Jóni að styrkja framsókn með þjóðlegum og hófsömum hætti. Það er og verður okkar kjölfesta um alla framtíð!!!

[Guðmundur Jónas Kristjánsson, 16.4.2007 kl. 08:32]

Magnús. Þú misskilur. Er ekki að setja út á að Samfylkingin sé aðili
að heimssambandi sósíaldemókrata og fái gesti á sín flokksþing.
Er að gagnrýna þegar þessir erlendu gestir fara út fyrir flokksþingið og fara að tjá sig um pólitík í  þessu tilfelli íslenzku þjóðina og íslenzka kjósendur. Þá eru þeir komnir langt út fyrir það þegjandi samkomulag allra stjórnmálamanna að skipta sér ekki af innanríkismálum annara ríkja. Á flokksþiingi Samfylkingarinnar
ÞVERBRUTU norrænu krataforingjarnir þessa hefð og hlutuðust
með þeim hætti GRÓFLEGA í kosningabaráttuna með því að segja
að koma þeirra til Íslands hefði verið til að STYÐJA  Ingibjörgu og
flokk hennar í komandi kosningum. Þess vegna Magnús mótmæli
ég þessari erlendu íhlutun í kosningarnar á Íslandi HARÐLEGA!

[Magnús Helgi Björgvinsson, 16.4.2007 kl. 08:34]

Sigríður  þetta er mjög málefnalegt. Við gætum farið í svona leik og talað um "Atvinnumiðlun Framsóknar" en ég nenni því ekki í dag.

[Magnús Helgi Björgvinsson, 16.4.2007 kl. 08:36]

Guðmundur mega kollegar ekki tjá sig um manneskju sem þeir þekkja og stefnu sem þessir flokkar fylgja. Það var sóttst eftir viðtölum við þær og fólki langaði kannski að vita hvað þær voru að gera hér.

[Guðmundur Jónas Kristjánsson, 16.4.2007 kl. 08:59]

Magnús. Fyrst þær voru svona fljótræðar að gefa kost á sér í viðtal
áttu þær að hafa vit á því eins og ALVÖRU stjórnmálamenn erlendir hefðu gert og sagt . ,,Fyrirgefðu fréttamaður, ræði ekki íslenzk stjórnmál hér í aðdraganda kosninga".  Veit t.d og þú
líka um marga erlenda stjórnmálamenn, þ.á.m eldheita ESB-sinna,
að þegar þeir hafa verið hér á landi og hafa verið spurðir hvort Ísland ætti að ganga í ESB.  Þá hafa þeir alltaf sagt með bros á
vör. ,, Þetta er YKKAR mál sem ég tjái mig ekki um".

  Þær ,,stöllur" þverbrutu þessa sálfsögðu hefð og voru komnar
í bullandi kosningabaráttu í beinni útsendingu hjá íslenzkum
fjölmiðli. Þar með voru þær með GRÓFASTA HÆTTI AÐ HLUTAST
TIL UM ÍSLENZK INNANRÍKISMÁL. Og það alvarlegasta. VORU AÐ
HLUTAST TIL UM PÓLITÍK Á ÍSLANDI STADDAR ÞAR NÁNAST
KORTER FYRIR KOSNINGAR:  Magnús. Þetta er HNEYKSLI! Þú
verður að viðurkenna það!

[Gorgeir og Lýgteinstæn teknólógí grúpp, 16.4.2007 kl. 13:17]

Upphefðin kemur að utan. Hún fann bara ekki neinn til að koma með lofræðu um sig á Íslandi.