Sjálfstæðismenn - lítið í eiginn barm !

   Reiði sjálfstæðismanna er mikil þessa dagana. En þurfa
þeir ekki sjálfir að fara að líta í sinn eiginn barm? Skyldi
ekki vera að þeir sjálfir hafi verið að gera grundvallarleg
pólitísk mistök á undanförnum mánuðum og misserum.?
Og að þessi stóru mistök séu nú að koma þeim í koll !

   Sjálfstæðisflokkurinn er langstærsta borgaralega póli-
tíska aflið í íslenzkum stjórnmálum. Á slíkt afl þá ekki að
laða til sín þau pólitísku öfl sem næst þeim standa hverju
sinni til samstarfs? Og gera sér sérstakt far um það að
slíkt samstarf haldi til frambúðar? Er það ekki hugmynda-
fræðilega það rétta til að standa vörð um viss grunngildi 
hinna frjálslyndu borgaralegu viðhorfa og koma þeim
áleiðis?

  Á undanförnum mánuðum og misserum er eins og þetta
stóra pólitíska borgaralega afl viti hreinlega ekki hvert það
er að fara. Það gerir gundvallarlegu stórpólitísku mistökin
hvað eftir annað. Stefnir oftar en ekki í þveröfuga átt en
hugmmyndafræðin segir til um.

   Á Íslandi er eins og annar staðar tekist á um pólitískar
áherslur, bæði til hægri og vinstri. Oftar en ekki myndast
ákveðnar pólitískar blokkir eins og við höfum fjölmörg dæmi
um í  nágrannalöndum og víðar. Þar  takast á oft  stórar
blokkir  til  vinstri annars  vegar, og frjálslynd mið/hægri
sinnuð annars vegar. Kostur við þetta er sá að þá myndast
ákveðin skil í stjórnmálum sem  kjósendur  geta  valið á
milli. Vísir að slíkum pólitískum skilum í íslenzkum stjórn-
málum var tvímælalaust að myndast  eftir að Sjálfstæðis-
flokkur og Framsóknarflokkur höfðu setið í farsælu ríkis-
stjórnarsamstarfi í heil 12 ár, og áttu kost á framlengingu
þess því fyrrverandi ríkisstjórn helt velli í síðustu kosningum.
Þar sem ríkisstjórnin hafði einungis eins manns þingmeri-
hluta bauðst Frjálslyndiflokkurinn að koma inn í ríkisstjórn-
arsamstarfið. Þarna gafst meiriháttar tækifæri að skapa
tvo pólitíska  póla í  íslenzkum stjórnmálum  til  framtíðar.
Bæði á landsvísu og í  sveitarstjórnum. En  hvað  gerðist? 
Sjálfstæðisflokkurinn  fór  pólitíska kollsteypu og leitaði á 
náðir Evrópusambandssinnaðra sósíaldemókrata. Síðan
er eins og allt hafi rekið á hvert annars horn hjá flokknum,
og fáir átta sig á hvað snýr upp eða niður þar á bæ. Jafnvel
heyrast oftar en ekki raddir úr herbúðum sjálfstæðismanna
um að samstarf við jafnvel  vinstrisinnaða róttæklinga eins og
Vinstri- græna komi til greina,  á sama  tíma  sem  ákveðið 
frjálshyggjulið veður uppi í flokknum.  Hið pólitíska klukkuverk
Sjálfstæðisflokksins virðist því vera orðið meiriháttar vanstillt, 
svo ekk sé meira sagt. Stendur meira fyrir auði og völdum en 
pólitískri hugmyndafræði. Þegar allskyns óheiðlyndi og ótrúleg 
klúðursleg vinnubrögð bætast svo  við eins og kristallast nú í 
borgarstjórnarflokki Sjálfstæðisflokksins þessa dagana, og 
meiriháttar vanhugsaðri aðkomu flokksforystunnar að henni,
er mælirinn einfaldlega fullur. Pólitísk upplausn blasir við.

 Fyrir allt frjálslynt borgarasinnað fólk sem jafnvel hefur þjóð-
legar samvinnuhugsjónir  að  leiðarljósi  er  þetta verulegt
áhyggjuefni. Vatn á myllu hinna vinstrisinnuðu afturhaldsafla,
jafnvel hinna róttækustu og forhertustu, sem komast nú  í
hverja lykilaðstöðina á fætur annari í þjóðfélaginu.

  Sjálfstæðismenn, lítið nú í eiginn barm! Snúið af villu ykkar
vegar, og takið pólitískum sönsum, áður en allt verður um 
seinan. Svona ganga hlutirnir ekki lengur !

Athugasemdir

[Magnús Þór Hafsteinsson, 15.10.2007 kl. 21:13]

Forysta Sjálfstæðisflokksins gekk með flokk sinn í björg þegar hún myndaði ríkisstjórn með Samfylkingunni.

Það hefur legið ljóst fyrir nú á síðsumars og haustmánuðum.

Eftir atburði undanfarinna daga er mér svo orðið nær að halda að þessi sama forysta sé að fara með flokkinn fyrir björg.

[Guðmundur Jónas Kristjánsson, 15.10.2007 kl. 21:48]

Benedikt. Frjálslyndiflokkurinn skilgreinir sig hægra megin við
miðju. Framsók skilgreinir sig sem frjálslyndan miðjuflokk. Þorri
sjálfstæðismanna hafa álík viðhorf þegar frjálshyggjuöflin eru
undanskilin. Þessir 3 flokkar hafa því allan hugmyndarfræðilegan
grundvöll til að mynda stóra pólitíska bokk gegn Evrópusambandssinnuðum kröturm og vinstrisinnuðum róttæklingum  í VG. Þannig yrðu íslenzk stjórnmál spennandi enda skörp pólitísk skil mynduð. Þetta hafur núverandi forysta
Sjálfstæðisflokksins gjörsamlega klúðrað enda upplausnin í
flokknum eftir því........

[Guðmundur Jónas Kristjánsson, 16.10.2007 kl. 20:57]

Það er alveg rétt Benedikt. Enda skildi ég þá ákvörðun Frjállslyndra
aldrei og kom þeim líka í koll. Treysti því að þeir hafi lært allt af
þeim mistökum.........