Hvað verður með kristilegt siðgæði í grunnskólum ?

  Grunnskólafrumvarp menntamálaráðherra fer úr menntamálanefnd
í vikunni og verður lagt fyrir Alþingi til afgreiðslu. Eitt af því sem olli
mestri deilu um frumvarpið þegar það var lagt fram voru þau áform
menntamálaráðherra að úthýsa ákvæðum grunnskólalaga að grunn-
skólinn skyldi byggja á kristilegu siðgæði. En kristin trú er samofin
íslenzkri þjóðmenningu í rúm þúsund ár og alveg út í hött að að gera
breytingu á  því. Í meðförum menntamálanefndar hlýtur því að koma
breytingatillaga um að halda hinum kristilegu gildum innni í grunn-
skólalögunum, hér eftir sem hingað til.  Á annað verður ekki trúað.
Að öðrum kosti verður Alþingi að sjá til þess að svo verði gert. 

   Allt annað eru svik við okkar þjóðlegu gildi !

Athugasemdir

[Matthías Ásgeirsson, 11.5.2008 kl. 16:23]

"En kristin trú er samofin íslenzkri þjóðmenningu í rúm þúsund ár og alveg út í hött að að gera  breytingu á  því."

Samt er það svo að "kristilegt siðgæði" fór ekki inn í grunnskólalög fyrr en árið 1974.  Hvernig finnst þér siðgæði þjóðarinnar hafa þróast síðan það gerðist?

[Guðmundur Jónas Kristjánsson, 11.5.2008 kl. 16:34]

Ef svo er Matthías, var tími til kominn. Erum kristin þjóð, sem sam-
tvinnast okkar þjóðmenningu nánast frá upphafi, og kringum
slík þjóðleg gildi eigum við að standa vörð um!

[Matthías Ásgeirsson, 11.5.2008 kl. 16:41]

Eru þeir íslendingar sem ekki játa kristni þá ekki alvöru íslendingar? Við erum miklu frekar heiðin en kristin.

[Guðmundur Jónas Kristjánsson, 11.5.2008 kl. 16:53]

Matthías. Ekki svona útúrsnúningar. Að sjálfsögðu ert þú ekki minni
Íslendingur en t.d ég þótt við aðhyllumst ekki sömu trúarbrögðin eða að þú sért trúlaus.  Enda trúlfrelsi á Islandi. Er hér að tala um
menningarafinn sem ég tel kristna trú vera stóran hluta af. Í
því sambandi ber ég líka  mikla virðingu fyrir t.d ásatrúnni sem er líka hluti af okkar þjóðmenningu. ER hér að leggja áherslu á að
varðveita þjóðmenningararfinn, og tel kristna trú og kristin gildi
vera mikilvæga hluti af...

[Óli Jón, 12.5.2008 kl. 19:12]

Ef kristin trú er jafn samofin íslenskri þjóðmenningu og greinarhöfundur vill vera láta og jafn ríkur og ómissandi hluti hennar, hvers vegna þarf þá að lögbinda hana?

Hvers vegna hafa trúaðir ekki meiri trú á trúnni en þetta? Hvers vegna huga þeir henni ekki líf nema hún sé sífellt hömruð inn í leik- og grunnskólabörn? Treysta þeir sér ekki sjálfir til að sjá um trúarlegt uppeldi barna sinna? Er trúin ekki nægilega veigamikill þáttur í lífi þeirra til að geti séð af tíma til þess?

[Guðmundur Jónas Kristjánsson, 13.5.2008 kl. 01:08]

Óli. Lífum í mjög alþjóðlegu umhverfi og alþjóðlegu áréti. Hvers
vegna er umræða nú um að lögvernda íslenska tungu sem þjóðmál
á Íslandi í íslenska stjórnarskrá? Er það vegna þess að Íslendingar
séu hættir að trúa á hana og hættir  að tileinka sér hana? Nei. Enda RUGL!

Sama gildir um aðra hluti okkar þjóðmenningu, eins og kristna trú!