Enn eitt klúðrið ?

    Vísir.is segir frá því í kvöld að Bjarni Ármannsson stjórnar-
formaður  REI og  Össur  Skarphéðinsson iðnaðarráðherra
séu að fara til Indónesíu, en REI freistar þess nú að ná
samingum þar í landi. Mjög mikilvægt, segir Bjarni Ármans-
son.

  Hvað er hér á ferð ? Ráðherra á ferð með stjórnarformanni
fyrirtækis sem allt er upp í loft með, til að ná viðskiptasam-
ningum fyrirtækisins úti í heimi. Hvers konar rugl er þetta ?
Fréttin hlýtur að vera röng , eða maður er gjörsamlega
hættur að botna í þessum REI-farsa öllum. Átti ekki að
róa málin niður kringum OR og REI að sögn orkumála-
fulltrúa Vinstri grænna, og skoða það og ræða næstu
mánuði ?

  Í hvers umboði er stjórnarformaðurinn umdeildi til að
skuldbinda fyrirtækið REI sem nánast ALLT  er óljóst með
eins og hugsast getur ? Og ráðherrann ? Hlýtur að vera
heldur betur á gráu svæði.

  Maður er gjörsamlega kjaftstopp !

Skoðanakönnun Fréttablaðsins

   Skoðanakönnun Fréttablaðsins um að 56% borgarbúa
styðji nýja  meirihlutann í  Reykjavík, ber að  taka  með
miklum fyrirvara. Meirihlutinn hefur ekki einu sinni tekið
við völdum, hvað þá að málefnasamningur liggi fyrir, en
allt bendir til að þessi meirihluti verði mjög sundurleitur
og ósamstíga í flestum málum.

   Það má segja að fráfarandi meirihluti hafi sprungið af
sjálfu sér. Þetta yfirgengilega klúður kringum Orkuveit-
una og REI-málið var með þeim eindæmum, að meiri-
hlutanum var ekki stætt lengur. Og enn eru að birtast
mjög alvarlegar upplýsingar um hversu ótrúlega illa
var staðið að málum. Alvarlegast er þó það, að þeir
stjórnmálamenn  sem  beint  komu að þessu  OFUR-
klúðri og rugli hafa enn ekki axlað pólitíska ábyrgð.

   Það var því RÉTT að  Framsókn fór út úr samstarfinu
við  Sjálfstæðisflokkinn  í ljósi  þess  ástands  sem  þar
skapaðist, en það var líka RANGT hjá Framsókn að mynda
nýjan  meirihluta í  borgarstjórn. Framsókn  er  búin  að
vera samfleytt í  meirihluta þar  í tæp 14 ár. Þar af 12 ár
í svokölluðum R-lista  sem nánast  þurrkaði  Framsókn
út. Þarna er  því Framsókn að  fara úr  öskunni í eldinn.
R-lista  ruglið  er nú að  endurtaka sig í  raun. Nú  átti
Framsókn  að taka  sér frí, fara í stjórnarandstöðu, og 
byrja þar að byggja sig upp frá GRUNNI. Því ljóst er að
Framsókn á við mikið flokksforystuvandamál að stríða í
dag í höfuðborginni. Bæði á landsvísu ÞAR, (enginn þing-
maður fyrir Frmsókn í Reykjavík) og þá ekki síst á sviði
borgarmálefna, í ljósi síðustu atburða.......

Verjum stjórnarskrána fyrir Evrópusambandssinnum

   Utanríkisráðherra er kominn á fulla ferð í aðildarför sinni
að  Evrópusambandinu. Skv. frétt  Stöðvar 2 í  kvöld ætlar
utanríkisráðherra að leggja til atlögu við sjálfa stjórnar-
skrána, því hún  hindrar meiriháttar fullveldisafsal  til
Brusselsvaldsins. Íslenzka stjórnarskráin er nú  allt í
einu orðin helsta hindrun utanríkisráðherra í  því ráða-
bruggi að koma Íslandi inn í Evrópusambandið. Utan-
ríkisráðherra fer ekkert í felur með tilgang breytingana.
Stjórnarskrárbreytingin er  forsenda aðildar Íslands að
Evrópusambandinu. Slík breyting ÞOLIR ENGA BIÐ að
mati utanríkisráðherra.

   Forsætisráðherra hefur marg lýst því yfir að aðild að
Evrópusambandinu sé ekki á dagskrá á kjörtímabilinu.
Utanríkisráðherra segir að EKKERT sé í stjórnarsátt-
málanum sem hindri slikt. Því verður þetta stórmál
um  grundvallarbreytingu  á  stjórnarskránni, PRÓF-
STEINN á það hvert muni stefna næstu mánuði og
misseri í Evrópumálum.


    Þingmenn lýðveldisins Íslands, verða nú að gera upp
við sína samvisku, hvort þeir styðji ráðabrugg utanríkis-
ráðherra um aðild að ESB, eða hafni henni MEÐ ÞVÍ AÐ
STANDA  VÖRÐ  UM  STJÓRNARSKRÁ  LÝÐVELDISINS ÍS-
LANDS. Það getur vel verið að þörf sé á að gera smá-
vægilegar breytingar á stjórnarskránni varðandi almenn
alþjóðleg samskipti í framtíðinni.  En að gera slíkar breyt-
ingar og það stórvægilegar  undir miklum þrystingi um
ESB-aðild eins og utanríkisráðherra hyggst gera, á ALLS 
EKKI að koma til  greina. Því verður fylgst NÁIÐ með af-
stöðu sérhvers  þingmanns til  málsins, og þess, hvort
Sjálfstæðisflokkurinn samþykkir að málið fari fyrir stjórnar-
skrárnefnd eða EKKI.

   Augljóst er að utanríkisráðherra ætlar að blása í her-
lúðra fyrir  inngöngu Íslands í ESB á næstunni. Ráðherra
telur stöðu sína það sterka eftir atburði síðustu daga að
hægt sé að ögra Sjálfstæðisflokknum í máli þessu. Því er
afar mikilvægt að allir ESB-andstæðingar og föðurlands-
vinir hvar í flokki sem þeir standa, haldi vöku sinni og taki 
eins fast á móti hinu ÓÞJÓÐLEGA ráðabruggi utanríkis-
ráðherra  og þörf og nauðsyn  krefur.

Utanríkisráðherra í ESB-ham

    Það  er einstakt að íslenzkur ráðherra kalli á annan ráðherra
í ALLT ÖÐRU RÍKI sér til  stuðnings í einu mesta pólitíska hitamáli
Íslandssögunar er varðar aðild Íslands að Evrópusambandinu.
Þetta gerir Ingibjörg Sólrún í Fréttablaðinu í dag. Þar fær hún
sér til hjálpar utanríkisráðherra Noregs, Jonas Gahr  Störe, sem
er reyndar eldheitur ESB- sinni eins og Ingibjörg. Í Fréttablaðinu
skrifa þau SAMAN SÖMU áróðursgreinina um dássemdir þess að
Ísland og Noregur gangi í Evrópusambandið og hafi um það sam-
ráð. Vitað var um hug utanríkisráðherra í Evrópumálum, en aldrei
hefði maður dottið í hug að ráðherra legðist svo lágt að kalla á
ERLENDAN RÁÐHERRA málflutningi sínum til  hjálpar. Ef eitthvað
er til sem nefna má algjört pólitískt siðleysi og hneyksli þá er
það einmitt svona hátterni.

   Utanríkisráðherra virðist í miklum ESB-ham þessa dagana. Í
Mbl. í dag vitnar hún í Olli Rehn, framkvæmdastjóra stækkunar-
viðræðna Evrópusambandsins, sem fullyrðir að aðildarviðræður
ESB og Íslands gætu bara tekið hálft ár. Sem kunnugt er þá
hitti utanríkisráðherra Olli Rehn í Brussel fyrir skömmu. En
utanríkisráðherra segir Rehn hafa mikinn áhuga á að Ísland
gangi  í ESB. Þá boðar utanríkisráðherra miklar og víðtækar
umræður um Evrópumál á næstunni. Eins og þær hafa ekki
verið miklar og upplýstar hingað til.

   Það er alveg ljóst að nú ætlar utanríkisráðherra með stór-
auknum þunga að setja  aðildarferlið að ESB  á fullt  skrið.
Enda segir ráðherra EKKERT í stjórnarsáttmála ríkisstjórn-
arinnar sem útiloki það. Ráðherra skynjar vel þessa daga
að  samstarfsflokkurinn  í  ríkisstjórn er verulega  laskaður
og veikur eftir atburði síðustu daga, og þann veikleika virð-
ist ráðherra ætla að gjörnýta nú varðandi Evrópumálin.

   

Með vinstri græna í lykilstöðum lofar alls ekki góðu

    Ef það er niðurstaða REI-málsins  að   Reykvikingar sitji
uppi með  hálfgerða  vinstristjórn með  Vinstri-græna í lykil-
stöðum, er  það alversta sem gat komið út úr REI-klúðrinu. 
Því meira afturhaldsafl  fyrirfinnst  ekki í  íslenzkum  stjórn-
málum, og  þótt  víðar  væri  leitað. Það  að  setja  leiðtoga 
Vinstri grænna yfir sjálfa Orkuveitu Reykjavíkur er gjörsam-
lega út í hött. Öll áform þar verða nú sett í salt. Nú á að róa
umræðuna segir Svandís Svavarsdóttir. Sem þýðir hvað? Að
stofnaður verði vinnuhópur  til  að fara yfir málið  segir Svan-
dís, sem kunni að TAKA  MARGA  MÁNUÐI. Hvað þarf  meira
vitnana við ? Það á ekki  einu sinni að gannga  í það  EINN
TVEIR og ÞRIR  að  rifta þeim tveim  kaupréttarsamningum
sem mesta fjaðrafokinu  og  reiðinni  olli meðal  borgarbúa.
Það virðist líka eiga að setja það í salt og skoða það næstu
mánuði. Og ENGINN Á ÞAR AÐ AXLA PÓLITISKA ÁBYRGÐ. ENG-
INN! Nema síður sé. Viðkomandi fær  bara hrós  og klapp og
áframhaldandi vegtylla fyrir. Þetta er pólitískt hneyklsli hjá
nýbyrjuðum meirihluta og það ömurlegasta sem hægt er að
hugsa sér að gæti gerst.

   Ósamstæðan í hinum nýja meirihluta er slíkur að hann
treystir sér ekki einu sinni til að gera málefnasamning ef
marka má fréttir. Enda eru hér saman komin mjög ólík
stjórnmálaöfl, og þá ekki hvað síst fyrst þar eru vinstri-
sinnaðir róttæklingar úr VG í stórum og mikilvæg embættum.

   Það er ömurlegt hvernig stjórnmálamenn geta stundum
klúðrað málum. REI-málið mun um langan tíma verða minnst
sem  slíkt OFUR-KLÚÐUR. - Klúður, þar sem afleðingar þess
eru kannski rétt að byrja að koma fram.

Stóru mistök sjálfstæðismanna

    Stærstu mistök sjálfstæðismanna voru að slíta fyrrverandi
ríkisstjórnarsamstarfi í  vor  og hleypa  hinni vinstri- og ESB-
sinnuðum krötum inn í landsstjórnina. Fyrst hugmyndarfræði-
legum ástæðum  er nú beitt hjá sjálfstæðismönnum í svoköll-
luðum REI máli, hvers vegna voru þá engin hugmyndarfræði-
leg rök færð  fyrir  ríkisstjórnarsamstarfi  við  krata í vor? Fyrir
liggur að  hin   nýja  flokksforysta Sjálfstæðisflokksins  veldur
ekki hlutverki sínu. Síðan Daðvíð Oddsson hætti sem formaður
hafa sjálfstæðismenn gert hver mistökin á fætur öðru. Í dag
er staðan orðin þannig að flokkurinn logar stafna á milli í Reyk-
javík og hafa misst borgarstjórnarmeirihlutann vegna ótrúlegs
klúðurs og   flumbrugangs. Og allt  bendir til  að staða  þeirra í
ríkisstjórninni  hafi  verulega veikst eftir  síðustu atburði. Ingi-
björg Sólrún og félagar hennar geta  nú nánast farið fram eins
og hugur þeirra stendur til í hvaða málinu á fætur öðru, slíkur
er  veikleikinn orðinn hjá sjálfstæðismönnum   í  ríkisstjórninni.
Það er komið upp gjörbreytt landslag í íslenzkum stjórnmálum.
Landslag sem hóf að rísa  með myndun núverandi ríkisstjórnar,
þar sem pólitískri framtíð Ingibjargar Sólrúnar var bjargað og
endir bundinn á pólitíska eyðimörkugöngu flokks hennar.

   Nú eru sjálfstæðismenn að uppskera þann pólitíska veruleika
sem þeir hafa sáð til. Upplausn í sínum eigin herbúðum og valda-
töku vinstriaflanna. - Verði þeim að góðu ! 

Óásættanleg staða

   Í stjórnmálum á Íslandi í dag  er  komin upp óásættanleg
staða. Í ríkisstjórn Íslands  er  helmingur  ráðherra vinstri-
sinnaðir  sósíaldemókratar og  eldheitir Evrópusambands-
sinnar. Í borgarstjórn hafa  nú vinstrisinnaðir róttæklingar
komist í lykilsstöðu og hafa á að skipa vara-borgarstjóra.
Allir þeir sem aðhyllast þjóðleg, frjálslynd og borgaralega-
sinnuð viðhorf hljóta að hafa áhyggjur af þessu. Hljóta að
vera mjög ósáttir hvernig komið er.

   Eftir að ný ríkisstjórn var mynduð hefur ósættið innan 
hennar um  grundvallarmál  berlega  komið  í  ljós. Ólík
pólitísk öfl takast þar á.  Það sama mun  nákvæmlega
gerast í  hinni nýju  borgarstjórn. Viðhorf vinstrisinnaðra 
róttæklina í VG við hin mið/hægrisinnuð öfl þar mun aldrei
ganga upp.

   Hvers vegna er þetta svona ? Þarf þetta að vera svona ?  
Hvað er til ráða ?

Kom ekki á óvart, en

   Meirihluti borgarstjórnar er sprunginn. Kemur ekki á
óvart. Sundrungin og óheilindin innan borgarstjórnar-
flokks Sjálfstæðisflokksins hefur verið slíkur að svona
hlaut þetta að enda. Fleiri daga krísufundir flokksfull-
trúa án borgarstjóra, og með sjálfri forystu flokksins í
Valhöll, segir allt sem segja þarf. Við þetta bætist svo
hugmyndafræðilegur ágreiningur í STÓRMÁLI við Fram-
sókn er varðar Orkuveituna og í hvers þágu hún og öll
þau gríðarlegu verðmæti sem henni tengjast skuli hátt-
að. Hér toguðust í hnotskurn á EINKAHAGSMUNIR fárra
útvalinna og  gríðarlegra ALMANNAHAGSMUNA. Það að
halda orkulindum Íslands í SAMFÉLAGSLEGRI OG ÍS-
LENSZKRI EIGN. Nýfrjálshyggjuarmur borgarstjórnar-
flokks Sjálfstæðisflokksins stillti Framsókn upp við vegg
með ófrávíkjanlegum afarkostum.......

   Sá sem þetta ritar hefur og er talsmaður frjálslyndis
og borgaralegra sjónarmiða í stjórnmálum. Var því  fyrir
miklum vonbrigðum  í vor þegar  Sjálfstæðisflokkurinn
sleit fyrrverandi farsælu ríkisstjórnarsamstarfi við Fram-
sóknarflokkinn, en myndaði þessi í stað ríkisstjórn með
sósíaldemókrötum og elheitum Evrópusambandsinnum.
Fyrir lá að Frjálslyndir voru jákvæðir að koma til samstarfs
við þáverandi ríkisstjórn, en við það hefði getað orðið þátt-
arskil í íslenzkum stjórnmálum, þar sem hin þjóðlega borg-
aralega blokk  væri  komin til  að vera. Líka í  borgarstjórn.
Þessu einstaka tækifæri  glutraði  hin nýja  flokksforysta
Sjálfstæðisflokks.  Sveik  Framsóknarflokkinn  á  mjög  svo
óheiðanlegan hátt eins og  frægt er. Það  er  því  hámark
ósvifninar þegar hin sundurtætta hjörð sem nú skipar borg-
arstjórnarflokk sjálfstæðismanna ásakar nú  Famsókn um
svik. Kermur úr hörðustu átt......

    Hins vegar er það áhyggjuefna og  hreint ekkert  til að
gleðjast yfir meðal alls frjálslynds borgarasinnaðs fólks,
að þurfa nú að sitja uppi með ríkisstjórn með vinstrisinnaða
sósíaldemókrata í lykilstöðum, og vinstrisinnaða róttæklinga
í borgarstjórn líka í lykilstöðum.  Það er hin alvarlega staða í
íslenzkum stjórnmálum í dag. Staða, sem fyrst og síðast
skrifast á reikning Sjálfstæðisflokksins... 


  

Stjórnsýslulög þverbrotin í REI-málinu

   Allt bendir til að stjórnsýslulög og hæfnisreglur hafi verið
þverbrotin þegar eignum Orkuveitunar var úthlutað til hinna
fáu útvöldu. Þetta kemur fram hjá Umboðsmanni Alþingis í
gær. Borgar- og bæjarstjórnir sveitarfélagana þriggja sem
eiga Orkuveituna hafi ekki haft umboð til að ráðstafa eignum
hennar til Bjarna Ármanssonar þegar hann keypti hlut fyrir
500 milljónir króna í REI ásamt því þegar fleirum var boðin
kaup. Umboðsmaður bendir á að þegar verið sé að ráðstafa
opinberum eftirsóttum gæðum eigi ALLIR þeir sem hafi áhuga
á að fá kost til að bjóða í gæðin. Óháðir sérfræðingar þurfi til
að meta slík gæði, áður en slíkum eignum sé ráðstafað eða
skuli afla  álits sérfróðra manna. Það liggur fyrir að svo var
alls ekki gert í þessu máli. Þarna byrja stærstu, verstu og
alvarlegustu mistökin í aðferðafræðinni við stofnun REI ásamt
því að sjálfur stofnfundurinn er talinn kolólöglegur og hefur
verið vísað til dómsstóla. Þá hafa fjölmargir lögfróðir menn
fullyrt að hlutafélagslögin hafi einnig verið brotin þarna.

  Hvernig er hægt að standa að  verri pólitísku  klambri ?

Sjálfstæðisflokkurinn ekki stjórnhæfur

   Ef  Framsóknarflokkurinn  var  ekki  ríkisstjórnarhæfur í
vor að mati flokksforystu Sjálfstæðisflokksins, þá er Sjálf-
stæðisflokkurinn sjálfur ekki borgarstjórnarhæfur lengur.
Það eitt liggur skýrt fyrir eftir borgarstjórnarfundinn í dag.

   Það er upplausn í Sjálfstæðisflokknum . Borgarstjóri er
enn ráðviltari en nokkru sinni. Stjórnarsamstarfið  við
Framsókn er í uppnámi vegna grundvallarágreinings
um söluferlið í Reykjavík Energy Invest. Borgarstjóri for-
aðist að  tala um grundvallarþátt málsins, aðferðafræðina.
Þann þátt sem umboðsmaður Alþingis sér sig nú knúinn til
að spyrjast fyrir um í 12 liðnum. Sem er einsdæmi í allri
stjórnsýslu á Íslandi.  Sem sýnir að allt þetta REI-klúður
er með hreinum eindæmum. Eindæmum, sem þýðir upp-
stokkun alls  málsins  frá  A til Ö þar sem HAGSMUNIR
ALMENNINGS verða að vera í FYRIRRÚMI fyrst og síðast.

   Aðferðafræðin var skandall frá upphafi þótt hugmyndin
væri góð. Fyrir þann skandal verða höfuðpauranir nú að
svara fyrir, og  taka pólitískum afleðingum gjörða sinna. 
Gildir það bæði um Sjálfstæðisflokk og Framsókn.  Allt
annað er gjörsamlega  óásættanlegt fyrir almenning að
horfa upp á og verða vitni að!