Íslamístar í Svíðþjóð = atlaga að tjáningarfrelsinu

   Íslamístar í Svíðþjóð gerðu í gær atlögu að einu
grundvallarstoðum vestræns lýðræðis og gildum,
tjáningarfrelsinu. Hundruð íslamista efndu til
mótmæla þar í landi vegna birtingu mynda af
Múhameð  spámenni í dagblaði í Örebro. Áður
höfðu öfgafullir íslamístar mótmælt í Pakistan
og Íran vegna birtingu teikninganna í Svíþjóð.

  Hvort þarna sé í uppsiglingu svipuð deila og
varð vegna teikninga í Jyllandsposten á síðasta
ári skal ósagt látið. Hins vegar verða þeir sem
til Vesturlanda flytja frá framandi menningar- og
trúrheimum að gera sér grein fyrir því að aldrei
verður gefinn neinn afsláttur af grunngildum vest-
ræns samfélags eins og tjáningarfrelsi og öðrum
lýðræðislegum hefðum. -

   Engu að síður verður ætíð GAGNKVÆM virðing að
ríkja milli ólíkra menningarheima og trúarbragða.
Um það á ekki að þurfa að deila.........

Athugasemdir

[Morten Lange, 3.9.2007 kl. 13:16]

Þarf ekki hreinlega að tala saman ? Manni skilst að samskipti við samtök múslima hafi verið einhver í nokkur  lönd evrópu  og mér skilst að þetta hafi gefist  nokkuð  vel.  En betur má ef duga skal.   Og  það  er ekki nóg að  aðilar benda á hvorn annan  varðandi að hafa frumkvæði.  

Talandi um  : eru  einhverjir   öfgatrúmenn á  Íslandi  sem  hefði  þurft að tala við ?   Mér dettur helst í  hug  Gunnar í krossinum og  fólkið á bak við  sjónvarpsstöðina Omega.

[Guðmundur Jónas Kristjánsson, 3.9.2007 kl. 15:26]

Mér vitanlega hefur hvorki Gunnar í Krossinum eða Omega farið
fram á skert tjáningarfrelsi, þótt margt mjög svæðið hafi verið
sagt um Gunnar og Omega gegnum tíðina. Um þetta snýst málið,
tjáningarfrelsi og virðing fyrir okkar vestrænum gildum. Á það
skortir mjög meðal múslima búsetta á Vesturlöndum,  því miður.

[Morten Lange, 3.9.2007 kl. 17:40]

Þetta er sennilega rétt hjá þér.  En þegar vesturlandabúar voru í heimsókn eða búsettir í löndum múslima, fyrir nokkrum árum, þótti alls ekki sjálfsagt að virða þeirra gildi.   Þá á ég við gildin sem ekki brjóta sterklega í bága við okkar gildi og við mannréttindi.

Það hefur vantað ákveðin gagnkvæmi í samskiptunum.  Við getum ekki búist við að komast neitt áfram í samskiptum okkar við múslíma ef við séum ekki til í reyna að skilja hvernig þeir hugsa.  Ein góð byrjun væri kannski að leitast við að nota önnur orð en þau sem eigna "allt sem er gott siðferðilega"  hinum vestræna heim.  Það sem skiptir máli varðandi gildi, þar á meðal mannréttindi og tjáningarfrelsi, ætti að vera sameign allra jarðarbúa Orðræðan ætti að endurspegla að grunngildin geta verið sameign.

Mörk raunverulegs tjáningarfrelsis er svo mjög áhugavert umræðuefni, sem og hvort önnur bönd séu lögð á raunverulegt tjáningarfrelsi en þau sem felast í beinu ofbeldi og beinum hótunum. 

( Afsakaðu annars málfarinu hjá mér ..)