Fréttir af moskum

    Stríðsástandið kringum Rauðu moskuna í Islamabad
í Pakistan er enn í fersku minni. Í kjölfarið stendur yfir
mikil hryðjuðjuverkaalda strangtrúaðra múslima, talibana, 
og manna er tengjast al-Kaída víða um Pakistan, enda
þeim hótað eftir að her og lögregla rýmdi moskubygg-
inguna, og upprætti þá hryðjuverkastarfsemi sem þar
fór fram.

   Nú berast fréttir frá Ítalíu um að ítalska lögreglan hafi
handtekið fjölda manns frá  Marokkó í bænum Perugia í
gær. Höfuðpaurarnir  hafi notað Ponte  Felcino-moskuna
til að þjálfa menn í bardagalist, kenna þeim sprengju og
eiturgerð, og hvernig eigi að stýra Boeing 747-þotum.
Kemur fram í fréttinni að ítalska leynilögreglan hafi
unnið að málinu í tvö ár.

  Í Fréttablaðinu 13 júlí sagð að minnihlutinn í borgar-
stjórn Reykjavíkur hafi skorað á borgarstjórn að flytja
afgreiðslu leyfis um byggingu mosku í Reykjavík.

  Tekið skal fram, að fréttir þessar tengjast á engan
hátt hvor annari.........

Kreppa með tilkomu krata !

   Með  tilkomu Samfylkingarinnar í ríkisstjórn virðist stöðnun
og kreppa framundan í íslenzku þjóðlífi. Í hádegisviðtali
Stöðvar tvö í dag segist viðskiptaráðherra afhuga frekari
stóriðju. Hann hrósar iðnaðarráðherra fyrir að gefa ekki
út frekari rannsóknarleyfi fyrir stóriðju. Hann boðar jafn-
framt að ríkisstjórnin muni aftur færa ákvörðunarvaldið
um virkjanaleyfi til Alþingis frá sveitarfélögunum.  Við-
skiptaráðherra segir svokallað stóriðjutímabil senn lokið,
en boðar í staðin einhver óskilgreind sprotaverkefni og
nýsköpun. Eins og slíkir innantómir  frasar hafi ekki oft-
sinnis heyrst áður

   Þessar yfirlýsingar viðskiptaráðherra koma á sama tíma
og ríkisstjórnin ákveður stórfeldan aflasamdrátt sem mun
hafa mikla kjaraskerðingu í för með sér um land allt fyrir fólk
og fyrirtæki. Mótvægisaðgerðir þær sem ríkisstjórnin boðar og
sem augljóslega eru í grunninn mótaðar af Samfylkingunni,
koma að mjög takmörkuðu gagni hjá  þeim sem fyrir mesta áfallinu verða, enda byggðar á sósíaliskri hugmyndafræði
Samfylkingarinnar. Ríkið á að ausa í hverskyns opinbera lána-
sjóði sbr. Byggðastofnun, til að lengja í hengingaólum fórnar-
lambanna. Til að friðþægja þau meðan á dauðastríðinu stendur
á að strykja internettengingar og hraða vegspottum hér og
þar á næstu árum, eins og það hafi eitthvað að segja um
lífsafkomu viðkomandi á næsta ári.  Ríkið á sömuleiðis að
búa til ný störf út um alla trissur. Ríkið, ríkið, ríkið! Á sama tíma
ætlar iðnaðarráðherra að gera allt sem í hans valdi stendur
til að koma í veg fyrir að hugmyndin um olíuhreinsunarstöð á Vest-
fjörðum verði að veruleika. Hugmynd þar sem EINKAAÐILAR munu
alfarið sjá um alla fjármögnun á. Hugmynd sem mun skapa
milljarða virðisauka fyrir land og þjóð, og varna því að Vestfirðir
fari endanlega í eyði fyrir tilverknað ríkisstjórnarinnar. Og svona
má lengi telja.

   Það er með endæmum hvernig sjálfstæðismenn láta krötum
eftir að innleiða sósíslisma á ný á Íslandi, og það í byrjun 21
aldar. Hinir sósíaldremókratisku ráðherrar virðast hugsa um
það eitt að eyða út og suður af almannafé, en EKKERT gera
til að afla fés og virðisauka á móti. Fremst fer þar formaður
Samfylkingarinnar með meiriháttar heimreisuflippi með til-
heyrandi kostnaði fyrir land og þjóð.
    
   Fyrir rúmum 12 árum þegar kratar hrökluðust úr ríkisstjórn
var hér atvinnuleysi, stöðnun og kreppa. Það sama virðist
vera að endurtaka sig nú!

Ratsjárkerfið sannar gildi sitt

    Í fyrradag flugu tvær rússneskar orustuþotur niður með
strönd Noregs í átt að Bretlandseyjum. Norskar herþotur
voru sendar á loft og fylgdust með flugi Rússana. Breskar
herþotur flugu einnig til móts við þá. Langt er um liðið að
slíkt hafi gerst. Atburðurinn er settur í samband við sívax-
andi spennu milli Breta og Rússa vegna Litvinenkos- mál-
sins.

   Rússnesku herþoturnar flugu einnig í átt til Íslands, en
virtu í einu og öllu íslenzka lofthelgi. Því var engin ástæða
til að aðhafast af íslenzkum stjórnvöldum. Þökk sé íslenzka
ratsjárkerfinu, sem þarna sannaði gildi sitt. Það tengist
loftvarnarkerfi Nató, en um það verður rætt innan Atlants-
hafsbandalagsins á næstunni, ásamt því hvernig loftvörnum
Íslands verði fyrirkomið í framtíðinni.

   Ljóst er að Ísland þarf á öflugu loftvarnarratsjárkerfi að
halda, ásamt lágmarks loftvörnum. Fyrrverandi utanríkis-
ráðherra og núverandi dómsmálaráðherra unnu mjög vel og
markvíst að öryggis-og varnarmálum eftir brottför bandariska
hersins frá Íslandi. Varðandi loftvarnir var rætt við Norðmenn
og Þjóðverja, en þýzkar herflugvélar eiga hér oft viðkomu.
Hugur núverandi utanríkisráðherra virðist hins vegar afar óljós
í þessum efnum. Hugurinn þar í dag virðist fremur beinast að
Afríku og Mið-austurlöndum, en mikilvægum hagsmunum Íslands
í öryggis-og varnarmálum.......

 



   

Á að flækja Íslandi inn í pólitísk átök í Palestínu ?

   Utanríkisráðherra Íslands Ingibjörg Sólrún Gísladóttir
hefur ferðast um Mið-austurlönd síðustu daga. Sem
kunnugt er hefur að undanförnu ríkt mjög alvarleg
stjórnarkreppa í Palestínu. Á síðasta  ári unnu Hamas-
samtökin afgerandi sigur í  löglegum og lýðræðislegum
kosningum. Völdin komust hins vegar í raun aldrei í
hendur harðlínu-íslamistanna í Hamas eftir sigur þeirra
yfir hinni veraldlegu Fatahreyfingu Abbas forseta Pale-
stínu. Eftir sigur Hamas var nánast skrúfað fyrir alla
styrki til Palestínu frá alþjóðasamfélaginu og Ísraelar
frystu  allar greiðslur  á skatttekjum sem þeir innheimtu
fyrir heimastjórn Palestínu. Eftir mjög hörð pólitísk og
hernaðarleg átök milli Hamas og Fatah leysti Abbas
upp þingið og skipaði bráðabirgðastjórn, sem Hamas
harðneitar að viðurkenna og segir boðaðar þingkosningar
Abbas ólöglegar. Í Palestínu ríkir því í raun pólitísk upp-
lausnarástand þar sem Hamas ræður Gazasvæðinu en
Fatah ræður Vesturbakkanum. Við það lauk blóðugri
valdabaráttu hreyfinganna að sinni, og er því heima-
stjórnarsvæðið í raun klofið í herðar niður.


   Við þessar svo mjög krítískar  aðstæður í innanríkismálum
Palestínumanna ferðast utanríkisráðherra Íslands, Ingibjörg
Sólrún Gísladóttir. Hún gat í raun ekki valið verri tíma.  Í heim-
sókn sinni til Palestínu virðist hún nefnilega  algjörlega horfa
fram hjá hinum alvarlega pólitíska klofningi palentísku þjóð-
innar, og þeirri staðreynd, að fyrst verði að koma á fót póli-
tískum stöðugleika á heimastjórnarsvæðinu sjálfu, áður en
nokkur von verði til þess að byggja upp frið milli Palestínumanna
og Ísraela. - Með því að Ingibjörg ákvað að hitta aðeins fulltrúa 
Fatah og aðila þeim tengd,  hefur hún í raun fyrirgert aðkomu
sína  og Íslands að einhverju friðarferli fyrir botni Miðjarðarhafs, 
hafi það verið tilgangur ferðarinnar.
 

   Mið-austurlandaför Ingibjargar Sólrúnar er því mjög krítísk
svo ekki sé meira sagt. Hamas-samtökin sem ráða yfir helmingi
heimastjórnarsvæðis Palestínumanna kunna henni lítlar þakkir
fyrir. Út af fyrir sig kann það að vera í lagi. En deilurnar fyrir botni
Miðjarðarhafs eru afar flóknar. Sundrungin og deilurnar meðal
Palestínumanna sjálfra segja þar sína sögu, og standa friðar-
ferlinu í raun mest fyrir þrifum um þessar mundir. 

   Með engu móti verður því  séð hvaða tilgangi það þjóni, að flækja
Íslandi inn í slík átök!  Það er göfugt að vilja bjarga heiminum, en
þá verður raunsæið líka að vera með í för!   

Vilja engil-saxar virkilega aftur kalt stríð ?

  
   Þessi spuning kemur oft upp þegar horft er á þróunina
í samskiptum Bandaríkjamanna og Breta annars vegar og
Rússa hins vegar á undanförnum misserum. Og fókusinn
beinist þá að hinum fyrrnefndu. Áform Bandaríkjamanna að
koma upp svokölluðu loftvarnaeldflaugakerfi í Póllandi og
Tékklandi, nánast við túngarð Rússa, hafa eðlilega reitt
Rússa til reiði, því þeir telja þetta ógna sínu öryggi.  Því
þörfin á slíku öflugu eldflaugakerfi við fótskör Rússa liggur
alls ekki í augum uppi. Í dag berast svo fréttir frá Tékklandi
þessi efnis að tveir þriðju af íbúum Tékklands séu orðnir
andvígir því að þetta bandariska loftvarnaeldflaugakerfi
verði sett upp þar í landi. Tékkar sjá einfaldlega alls  ekki
þörfina á slíkum vígbúnaði í túngarði sínum. Minnir mann
óneitanlega á tíðaranda kaldastríðsins forðum.

   Svokallaða Litvinenkos-mál hefur stórspillt öllum samskiptum
Breta og Rússa. Í því máli telja margir á meiginlandinu Breta
hafa farið offari sbr álit þýzkra stjórnvalda, þegar Bretar vísuðu
4 rússneskum diplómötum úr landi. Flest ríki Evrópusamband-
sins líta deiluna  vandamál Breta og Rússa og því ESB óvið-
komandi. Þá hafa deilur Rússa og Bandaríkjamanna vegna
Kosovo stigmagnast, og seinast í dag fyllyrti Condoleezza
Rice, utanríkisráðherra Bandaríkjanna að Kosovo yrði sjálfstætt
þrátt fyrir andstöðu Rússa. - Og svona má lengi telja um sam-
skpti Breta og Bandaríkjanna gagnvart Rússum upp á síðkastið.
Þetta hefur meðal annars leitt til ýmissa vandkvæða í samskiptum
Rússa og Nató á sviði öryggis-og varnarmála.

   Því er eðlilegt að spurt sé hvað Bretum og Bandaríkjamönnum
gangi til í samskiptum sínum við Rússa að undanförnu? Vilja
engil-saxar virkilega aftur kalt stríð?  Hljómgrunnur fyrir slíku
virðist hins vegar afar lítill á meginlandi Evrópu. Í þeim hópi
erum við Íslendingar ásamt frændþjóðum okkar á Norðurlöndum.
Áhugavert verður því að fylgjast með þessari þróun á næstunni....

Bretar fara offari í Litvinenko-málinu

    Deilur Breta og Rússa í svoköllu Litvinenko-máli virðist
vefja stöðugt upp á sig.  Bretar hafa rekið 4 rússneska
sendiráðsstarfsmenn  úr landi vegna ákvörðun rússneskra
stjórnvalda að framselja ekki Lugovoi, sem Bretar telja
morðingja Litvinenkos, fyrrverandi rússnesks KGM-manns,
sem drepinn var með óhugnalegum hætti í London á s.l ári.

   Rússar segja að skv stjórnarskrá Rússslands séu þeim
óheimilt að framselja rússneskan ríkisbogara úr landi.
Þeir hafa einnig bent á að þeir hafi margoft krafist þess
að Bretar framselji 21 Rússa, sem búsettir eru í Bretlandi,
en Rússar segja þá hafa framið alvarlega glæpi í Rússlandi.
Frægastur þeirra er Boris Berezosky, auðjöfur, sem flúði
land eftir að Pútín komst til valda. Skv þessu ættu því Rússar
að reka 84 breska sendiráðsstarfsmenn úr landi til að jafna
metin.

   Deila Breta og Rússa hefur teygt sig til meginlandsins og
hafa Bretar biðlað stérkt til Evrópusambandsins, en lítinn
stuðning fengið. Luis Amado, utanríkisráðherra Portugals,
en Portugalir fara með forystu ESB um þessar mundir, sagði
að deilan væri vandamál Rússa og Breta. Þá hafa Þjóðverjar
sagt að bresk stjórnvöld hefðu farið OFFARI í aðgerðum sínum,
þegar þeir vísuðu 4 rússneskum díplómötum úr landi.

   Það er eftirtektarvert hvernig Bretar og Bandaríkjamenn
skulu stöðugt vera að áreita Rússa um þessar mundir.
Bandaríkjamenn með því að ætla að koma fyrir eldflauga-
kerfum  nánast við túngarð Rússa í Póllandi og Tékklandi,
og svo nú Bretar með ókiljanlegum viðbrögðum í þessu
Litvinenko-máli.

   Eru engil-saxar að undirbúa nýtt kalt stríð ?

För Ingibjargar til Mið-austurlanda tengt Öryggisráðsruglinu

   Það hefur ekki frarið fram hjá neinum að Ingibjörg Sólrún
Gísladóttir utanríkisráðherra  er á miklu flandri um Mið-
austurlönd. Hvorki meir né minna en heil vika á  að fara í
þessa  ,,vísitasiu". Að tilgangur ferðarinnar sé sá að kynna
sér ástandið fyrir botni Miðjarðarhafs varðandi friðarmögu-
leika er að sjálfsögðu eintómur fyrirsláttur. Vandamálið hefur
legið fyrir þarna fyrir austan um áratugi, en áhugi heima-
manna til að leysa hann er afar takmarkaður, svo ekki sé 
meira sagt.  Trúarruglið og öfganar í þessum heimshluta er
slíkt að þessi för Ingibjargar mun í engu breyta þar um.
Enda viðurkenndi utanríkisráðherra það að förin tengdist
ekki síst  umsókn Íslands að Öryggisráði sameinuðu þjóðanna.
Förin er því fyrst og fremst liður í þeim herkostnaði. Því ljóst er,
að halda að Ísland geti einhver áhrif haft á gang mála í Mið-
austurlöndum, er mikil fásinna.

   Vitleysan og ruglið kringum Öryggisráðið virðist engan enda
ætla að taka.  Um daginn var ráðinn sérstakur verkefnastjóri
til að hafa umsjón með framboðinu. Öllu virðist til  tjaldað.
Jafnvel tilganslaust flandur um Mið-austurlönd í heila víku
er sétt á svið. Og almenningur á Ísland  borgar svo brúsann.
Ruglið er algjört!

Umræðan um loftlagsbreytingar á villugötum

   Í vísindaritinu Science  í síðustu viku kemur fram að
fyrir um hálfri milljón ára hafð t.d allt veðurfar á Grænlændi
verið mjög milt og að gróður þar hafi verið svipaður og í
Smálöndunum í Svíþjóð og suðurhluta Kanada.. Grænir
skógar og mjög fjölbreytt skordýralíf. Grein þessi hefur
vakið mikla athygli, og byggist aðallega á rannsóknum úr
grænlenskum borkjörnum. Þessar niðurstöður staðfesta
að mjög miklar sveiflur hafa átt sér stað í loftslaginu löngu
áður en maðurinn kom til sögunar. - Þetta sýnir að um-
ræðan um loftlagsbreytingar af mannavöldum eru á
algjörum villugötum. Þar koma til óta aðrar náttúrufars-
legar ástæður sem enn hefur ekki tekist að útskýra.
Jafnvel missterk sólgos hafi þar mikil áhrif að talið er..

   Engu að síður ber okkur að halda svokölluðum gróður-
húsalofttegundum í skefjum. Hins vegar ber okkur líka
að varast allar öfgar í þessum efnum, sem bókstaflega
stórskaða efnahagslegar framfarir og lífsskilyrði  þjóðar-
innar. - Því miður virðast slík öfgasjónarmið hafa náð
hljómgrunni í landsstjórninni í dag. Það ber að harma!

   

Að afrugla Mið-austurlönd ?

   Á morgun leggur Ingibjörg Sólrún Gísladóttir utanrríkisráðherra
íslenzka lýðveldisins í tímamótaför til Mið-austurlanda. Tilgangur
ferðarinnar er sagður sá að kynna sér stöðu mála fyrir botni Mið-
jarðarhafs, einkum í Ísrael og Palestínu, auk þess að kanna að-
stæður Íraka sem flúið hafa stríðið og ofbeldið í landi sínu og sem
hafast nú við í Jórdaníu.

   Í þessari merku tímamótaför utanrríkisráðherra íslenzka lýð-
veldisins mun ráðherra hitta fjölda ráðamanna í þessum stríðs-
þjakaða heimshluta. Má þar nefna Tzipi Livni, ísraelska starfs-
systur Ingibjargar og hinn ,,geðþekka" Ehud Barak varnarmála-
ráðherra Ísraela. Þá er vonast til þess að hún nái fundi með
hinum þekkta Shimoni Peres, sem einmitt um þessa helgi mun
taka við forsetaembættinu í Ísrael. Einning mun ráðherra ís-
lenzkra utanríkismála hitta fyrir nokkra ísraelska þingmenn,
svo sem eins og Yossi Beilin og Colette Avital.  Þarna í Ísrael
mun svo Ingibjörg skoða Golanhæðirnar sem Ísraelar stálu
af Sýrlendingum í sex daga stríðinu, og heimsækja svokallaða
Helfarasafn í Jerúsalem.

    Í Palestínu mun svo utanríkisráðherra íslenzka lýðveldisins
heimsækja Ramallah og eiga þar væntanlega góðan og upp-
byggilegan fund með Mahmoiud Abbas, forseta Palestínu. En
sem kunnugt er eru nú tvær ríkisstjórnir við völd í Palestínu,
svo það var úr vöndu að ráða fyrir Ingibjörgu. Niðurstaðan var
sú að hitta Salam Fayyad sem mun vera bæði forsætis- og utan-
ríkisráðherra svokallaðar neyðarstjórnar, en Hamas-ríkisstjórnin
á Gaza sem þó var kosin í lýðræðislegum kosningum virðist ekki
lengur gjaldgeng að mati Abbas forseta og skósveina hans. Lýð-
ræðið er nefnilega mjög afstætt þarna fyrir austan, eins og svo
með margt annað. - Þá mun Ingibjörg fyrir hönd íslenzka lýðveldi-
sins hitta  dr. Mustafa Barghouti, sem veitti Ingibjörgu og flokks-
systkinum hennar þann heiður að vera heiðursgestur á flokks-
þingi Samfylkingarinnar árið 2002. Þá mun Fæðingarkirkja frels-
arans heimsótt og flottamannabúðir í nágrenni Betlehem.

    Í Jórdaníu mun utanríkisráðherra íslenzka lýðveldisins eiga
fund með jórdönskum starfsbróðir sínum, Abdul Iiiah Khatib,
auk þess að heimssækja spítala sem Rauði hálfmáninn rekur í
Ashrafieh, einnig mun ráðherra hitta fulltrúa Flóttamanastofn-
unar Sameinuðu þjóðanna í Jórdaníu.

   Af allri þessari upptalningu má sjá að hér er um að ræða
meiriháttar tímamótaför íslenzks ráðherra til Mið-austurlanda.
Tímamótaför sem á vafalítið eftir að verða upphaf af afruglun
þessa stríðsþjakaða heimshluta. Hingað til virðist nefnilega
enginn mannlegur máttur hafa tekist að koma vitinu fyrir þetta
blessaða fólk sem þarna býr. Ekki einu sinni hið friðelskandi
Evrópusamband Ingibjargar og félaga. En nú mun það örugg-
lega takast. Aðkoma hins friðelskandi utanríkisráðhera Íslands
var það sem á skorti, og   því var hún orðin tímabær, og þótt
miklu miklu fyrr hefði verið....

  En svona í lokin veltur maður fyrir sér hvers vegna var aldrei
farið í slíka friðarútrás fyrr? Hvers vegna í ósköpunum hefur enginn 
íslenzkra ráðamanna dottið í hug að afrugla  Mið-austurlönd fyrr en
einmitt nú, þegar frú  Ingibjörg Sólrún Gæisladóttir utanríkisráðherra 
íslenzka lýðveldisins stígur upp í flugvél sína  í fyrramálið,  og flýgur á
vit friðardúfunnar í Mið-austurlöndum?
 
  Spyr sá sem ekki veit..........
   

Fáránlegt að hafna olíuhreinsunarstöð !

   Í viðtali við Blaðið í dag segir Halldór Halldórsson bæjarstjóri
á Ísafirði það fáránlegt að hafna hugmyndinni um byggingu
olíuhreinsunarstöðvar á Vestfjörðum. Það er ánægjulegt hvað
Vestfirðingar eru orðnir jákvæðir fyrir þessu mikla hagsmunamáli.

   Í viðtalinu segir Halldór. ,,Ég hlustaði á náttúruverndarsinna
segja að þeir gætu skapað 700 störf fyrir austan sem gæti
komið í stað stóriðju. Ég sagðist vilja vinna með náttúruverndar-
sinnum að því að skapa þessi störf. Þeir hringdu stöðugt í mig
og þóttust vilja taka þátt í slíku samstarfi. Það eru liðin fjögur
ár og á þeim tíma hefur ekki eitt einasta starf orðið til fyrir
þeirra tilstilli  fyrir vestan. Nú finnst mér fullreynt í þeim málum.
Þess vegna hef ég skipt um skoðun. Ef menn eru tilbúnir að
fjárfesta í olíuhreinsunarstöð á Vestfjörðum þá mun ég ekki
leggjast gegn því. Þar eru ný atvinnutækifæri og 550  manns
mun fá atvinnu."

    Og ennfremur segir Halldór. ,,Þegar fólksfækkun verður í
byggðarlagi og störfum fækkar leitar maður nýrra leiða. Ef
við ætlum að fjölga í byggðarlaginu og koma í veg fyrir að
íbúar flytjist brott þá þurfum við nýjar sterkar atvinnugreinar
inn á svæðið. Það væri fáránlegt að hafna hugmyndinni um
olíyhreinsunarstöð."

   Svo mörg voru þau orð og sýna hversu mikinn stuðning
hugmyndin um olíuhreinsunarstöð er að fá. Hins vegar er
ljóst eins og Halldór segir ,,að það verði mikil andstaða við
þetta hjá háværum minnihluta. Skoðanakannanir sýna að
meirihluti þjóðarinnar er jákvæður gagnvart hugmyndinni."

  Alvarlegast er þó ef annar ríkisstjórnarflokkurinn, Sam-
fylkingin, ætlar að verða helsti dragbítur í þessu mikla
hagsmanamáli Vestfirðinga. Innan Samfylkingarinnar er
öflug andstaða við  þetta mál og fer þar fremstur fram-
kvæmdastjóri þingflokks Samfylkingarinnar. Og augljóst
er að Össur Skarphéðinsson iðnaðarráðherra og yfirráðherra
byggðamála ætlar að gera allt til að svæfa þetta mál.
Sjárvarútvegsráðherra Einar K Guðfinnsson hefur hins vegar
lýst stuðningi við að þessi hugmynd verði könnuð til hlítar.

   Það verður því fróðlegt að fylgjast með hvort sjálfstæðismenn
ætla líka að leyfa Samfylkingunni að koma í veg fyrir þetta
mikla framfaramál eins og svo mörg önnur á síðustu misserum.