Enn er Heimssýn ekki trúverðug í Evrópumálum!

   Enn er Heimssýn, samtök gegn aðild Íslands að ESB, alls ekki
trúverðug í Evrópumálum. Því enn þann dag í dag er yfir þessum
samtökum formaður, sem ekki verður annað sagt en að sé Í RAUN
ESB-sinni. Ásmundur Einar Daðason heitir maðurinn. Þingmaður
flokks sem samþykkti aðildarumsókn Íslands að ESB. Stuðnings-
maður ríkisstjórnar sem berst fyrir aðild Íslands að ESB. Og þing-
maður  sem  samþykkti  sjálfan  Icesave-þjóðsvikasamninginn, 
segjandi á sömu stundu, að væri BEINTENGDUR ESB-umsókninni.

   Meðan svona falskt yfirbragð er yfir Heimssýn sem segist berjast
á móti ESB-aðild Íslands, er barátta hennar EKKI trúverðug, svo
ekki sé meira sagt. - Og í raun ekkert annað en algjör  skandall
hafandi slíkan ESB-sinna þar í forystu.

Athugasemdir

[Kjartan Sigurgeirsson, 25.2.2010 kl. 11:19]

Er ekki allt í lagi að leyfa Ásmundi að sanna sig eða afsanna, hann hefur að líkindum ekki verið kosinn vegna aðildar sinnar að VG, frekar vegna skoðana sinna. Ég er fylgjandi því, fyrst honum var treyst fyrir verkinu af meðlimum samtakanna, að hann fái tækifæri til að sýna sig í verki.

[Guðmundur Jónas Kristjánsson, 25.2.2010 kl. 11:47]

Nei Kjartan. Það er ALLS EKKI hægt að treysta manni sem er ALLS EKKI
samkvæmur sjálfum sér.  hvorki í orði eða verki. Annað hvort eru menn HEILIR í skoðunum eða ekki. Ásmundur er alls ekki HEILL í sinni pólitík,
lít á hann sem lýðskrumara, sem alls ekki er treystandi a.m.k ekki í Evrópumálum. 

[Kjartan Sigurgeirsson, 25.2.2010 kl. 11:51]

Það er líka skoðun sem á fullan rétt á sér, ég hef bara svolitla trú á þessum strák, ef til vill á fölskum forsendum, en það á eftir að koma í ljós.

Mér finnst það virðingarvert, þegar menn standa á skoðunum sínum gegn þessu ofur flokksræði sem virðist vera búið að taka öll völd hér á landi. Ef til vill var þetta bara leikrit sem ég féll fyrir?