Ennþá enn eitt Icesave-froðusnakkið Indriði!

   Það er ótrúlegt að lesa ruglið  í aðstoðarmanni fjármálaráðherra,
Indriða H. Þorlákssyni,  á Smugunni, málgagni Vinstri  grænna í gær.
En þar  fer þessi einn  af höfuð Icesave-forkólfunum mikinn, og sakar
Icesave-andstæðinga um lýðskrum, þjóðernishroka,  heimsfrelsun,
minnimáttarkennd, kveinstafir og vesældarþráhyggju, fyrir að vilja
ekki hundliggja fyrir kúgunarvendi Breta og Hollendinga. Kann  enn
ekki að skammast sín fyrir sviksemi sína gagnvart þjóðinni, og þrátt
fyrir algjöra niðurlægingu sem birtist í  þjóðaratkvæðagreiðslunni 6.
mars s.l.  Bara sú niðurstaða hefði átt að leiða  strax  til  afsagnar  
þessa Indriða og þeirrar ömurlegu ríkisstjórnar sem hann vinnur
fyrir. 

   Það er auðvitað  meiriháttar  skandall  að  íslenzk  þjóð skuli enn
sitja uppi með þessa alræmdu og and-þjóðlegu vinstristjórn rúmum
hálfum mánuði eftir hina sögulegu þjóðaratkvæðagreiðslu. Ríkisstjórn
sem gjörsamlega er rúin öllu trausti, og sem er algjörlega umboðs-
laus varðandi áframhaldandi Icesave-samninga.

   ÁFRAM ÍSLAND! EKKI ESB né SCHENGEN! EKKERT ICESAVE né AGS

Athugasemdir

[Axel Jóhann Hallgrímsson, 23.3.2010 kl. 01:37]

Og hver skyldi afleiðingin af grein Indriða vera? Jú enn ein froðufærslan.

[Jón Valur Jensson, 23.3.2010 kl. 02:50]

Mikið rétt hjá þér, Guðmundur Jónas, gæti naumast verið réttara. Ríkisstjórnin hefur EKKERT umboð til Icesave-svikasamninga; bæði þjóðaratkvæðagreiðslan og sú MMR-skoðanakönnun, sem birt var tveimur dögum seinna, 8. marz, sýna gríðarlega andstöðu við Icesave-hryðjuverk ríkisstjórnarinnar. Skv. MMR-könnuninni segja nær 60% aðspurðra, að íslenzkum skattborgurum beri EKKERT að borga vegna Icesave! Ný andspyrnuhreyfing, Þjóðarheiður – samtök gegn Icesave, stendur um 1000 mílum nær þjóð sinni heldur en þessi ömurlega Icesave-ríkisstjórn.

[Guðmundur Jónas Kristjánsson, 23.3.2010 kl. 21:00]

Takk fyrir innlegg þitt Jón Valur. Vel mælt um okkar Þjóðarheiður!