Stórsigur ESB-andstæðinga í Finnlandi. Gott mál!

    Stórsigur Sannra Finna í þingkosningunum í Finnlandi
er merki um stórvaxandi gremju og andúð þjóða innan
ESB með sambandið. -  Hver flokkurinn og framboðin á
fæti  öðru í ríkjum  ESB sem eru  andstæð  ESB virðast í
stórsókn.  Heilbrigð  þjóðhyggja í Evrópu virðist  vera að
sækja verulega  í  sig veðrið gegn hinni óraunsæju og í
flestum tilfellum  hinni  öfgafullu alþjóðahyggju sem  er
grunnstoð  ESB-hugsjónarinnar. Sem nú birtist í öllu sínu
versta veldi, sbr. upplausn evrusvæðisins með tilheyrandi
skuldakreppu og  bankakrísu   þar sem  almenningur er
skikkaður til að borga brúsann ÞVERT Á LANDAMÆRI. 

   Á sama tíma er hjákátlegast að horfa upp á ESB-trúboðið
á Íslandi rembast við að troða Íslandi inn í þetta deyjandi
samband í upplausn. Trúboð sem senn mun líða undir lok
eins og sjálft Evrópusambandið!

   Til hamingju finnskir þjóðfrelsissinnar með sigurinn!

Ljóst að við höfum sigrað

Athugasemdir

[Ívar Pálsson, 17.4.2011 kl. 21:58]

Já og fréttirnar sem berast úr sumum fjölmiðlum hér (Stöð 2) fara í gegn um ESB- síuna: Aðeins var minnst á að sannir Finnar stæðu gegn innflytjendum, ekki að þeir eru harðir ESB- andstæðingar og geta og vilja stöðvað Portúgal- gjöfina með neitunarvaldi.

[Guðmundur Jónas Kristjánsson, 18.4.2011 kl. 21:37]

Einmitt Ívar!

[Elle_, 22.4.2011 kl. 03:04]

Blessaðir Finnarnir komast tæplega út úr kúgunarveldinu þó þeir vildu, Guðmundur, og sorglegt að þeir skyldu vera plataðir eða þvingaðir þangað inn.  Kannski ekki nema miðstýringarveldið liðist í sundur og sem væri nú ekkert ólíklegt á næstunni. 

Og sífellt minnka líkurnar á að Evrópukór Jóhönnu og Össurar takist sitt ætlunarverk gegn okkur.  Fólk hefur farið að skilja ofstækið í þessum flokki og líka í Evrópuveldinu sem bæði ætluðu að þvinga ICESAVE yfir okkur með valdi andstætt lögum og stjórnarskrá.