Ögmundur lætur þjóðaröryggi sig engu varða!

   Ögmundur Jónasson innanríkisráðherra lætur þjóðaröryggi
Íslendinga sig engu varða. Enda  vinstrisinnaður róttæklingur.
Skandall að slíkir og hann fari með öryggismál þjóðarinnar.

   Nýjasta dæmið er nýtt frumvarp innanríkisráðherra um auknar
forvirkar rannsóknarheimildir lögreglu. Algjör kattarþvottur! Enda
segir formaður Landssambands lögreglumanna þær ganga allt of
skammt. Lágmark sé að sömu heimildir og lög og reglugerðir gildi
um löggæslu á Íslandi og á hinum norðurlöndunum.

   Vinstrimennskan á Íslandi hefur gert það að verkum að Ísland
er algjört alþjóðlegt viðundur þegar komið er að öryggis-og varn-
armálum. Og ekki batnar aulahátturinn þegar hrein vinstristjórn
ræður ríkjum. Og furðulegt að ekki hafi enn tekist að byggja upp
öflugu leyniþjónustu sambærilega og allstaðar tíðtakst  meðal
þjóðríkja. Ekki  síst  þar sem ekki er einu sinni    þjóðvarðlið á
Íslandi, hvað þá her! Meir að segja Sjálfstæðisflokknum hefur ekki
tekist slík uppbygging þau ófáu ár sem hann hefur stýrt öryggis-
málum þjóðarinnar. Enda hallur undir vinstrimennskuna!

    Auðvitað á lögreglan að hafa sömu heimildir og úrræði og t.d
lögreglan á norðurlöndum. Auðvitað á að koma upp öflugri leyni-
þjónustu til að hafa eftirlit með innra sem ytra öryggi ríkisins.
Auðvitað á Ísland þegar í stað að ganga úr Schengen, ein mestu
afglöp sem gerð hafa verið  í öryggismálum í seinni tíð. Og auð-
vitað á þegar í stað AÐ BANNA öll þekkt erlend glæpasamtök á
Íslandi!  Já auðvitað hefði átt fyrir lifandis löngu að vera búið að
gera þetta!!

   En meðan afdankaður vinstrisinnaður róttæklingur sem auk þess
vill land og þjóð berskjaldað og varnarlaust,  situr í innanríkisráðu-
neytinu, er voðinn vís!  - Ríkisstjórn hans verður því að koma  frá
ÞEGAR Í STAÐ! Þótt ekki væri nema þóðaröryggisins vegna!

Athugasemdir

[Hrólfur Þ Hraundal, 18.3.2012 kl. 10:33]

Auðvita hefur Ögmundur ekki áhuga á þjóðaröryggi, það gæti laskað framgang Vinstri Grænna.

[Elle_, 22.3.2012 kl. 17:03]

Alveg með ólíkindum að landið skuli vera varnarlaust.  Maður bara skilur það ekki.  Með hverju ætli þau vilji verja landið ef til þess kæmi?  Fíflum og njólum, hrífum og skóflum?

[Elle_, 22.3.2012 kl. 18:00]

En Guðmundur, við erum með varnarsamning við Bandaríkin og í Nato.  Og við erum sammála að auðvitað ætti að banna öll glæpasamtök.