Þjóðhollir borgarasinnar horfi nú til Hægri grænna !

   Nú  þegar þjóðhollir  borgarasinnar  loks  gefast  tækifæri  til  að  
kjósa nýtt ALVÖRU stjórnmálaafl til hægri í íslenzkum stjórnmálum,
hljóta HÆGRI GRÆNIR, flokkur fólksins,  að verða fyrir valinu! Ekki
síst eftir að algjört tómarúm og vantraust  skapaðist á hægri kanti
stjórnmálanna eftir hrun, þegar Sjálfstæðisflokkurinn brást herfilega
þjóð sinni í samstarfi með sósíaldemókrötunum í Samfylkingunni.  

   Mikil vinna hefur verið  lögð í stefnu og hugmyndarfræði flokksins
sem  stofnaður  var  á  Þingvöllum  17  júní árið 2010,  af Guðmundi
Franklín Jónssyni og félögum. Afrakstur þeirrar miklu vinnu liggur nú
fyrir, sbr. vefsíður flokksins www.xg.is þar sem stefnan og hugmynda-
fræðin birtist og www.afram-island.is/magasin.pdf þar sem er að finna
málgagn, blað, flokksins.  Þeir sem kynna sér þessar síður sjá strax
hversu fagmannlega er staðið að öllu, enda fjölmargir fræðimenn komið
að málum í viðkomandi málaflokkum. Allt er þar þaulhugsað miðað við
íslenzkan veruleika í dag. En þar sem mest er um vert er hversu skýr
og klár  stefnan er til helstu þjóðmála í dag, og þá ekki síst í þjóðfrelsis-
og fullveldismálum......

   Formaður flokksins Guðmundur Franklín Jónsson segir að flokkurinn
muni bjóða fram í öllum kjördæmum. Fjölmargir hafa boðið fram krafta
sína og verður einnig leitað til fólks til framboðs og baráttu. En í flokknum
ríkir mikil eining og baráttuhugur. Hér með er allt þjóðholt borgarasinnað
fólk hvatt til að skrá sig í flokkinn. En flokkurinn er einnig með lifandi
síður á Facebook.  

   Hef lengi lengi beðið eftir slíkum stjórnmálaflokki!  Það að hann  var
stofnaður á þeim helga stað ÞINGVÖLLUM á þjóðhátíðardegi Íslendinga
17 júní,  og hefur  tileinkað sér sérstakan flokkssöng sem er "Hver á
sér fegra föðurland" segir manni svo margt um flokkinn og fyrir hvað
hann stendur og ekki hvað síst, hann  ÆTLAR AÐ STANDA!

    ÁFRAM HÆGRI GRÆNIR!   ÁFRAM ÍSLAND!    
  

Athugasemdir

[Jón Valur Jensson, 8.10.2012 kl. 03:17]

Ekki er það nú alveg rétt, Guðmundur minn Jónas, að einungis einn flokkur geti fyllt upp í það tómarúm, sem skapazt hefur vegna eðlilegs vantrausts margra á Sjálfstæðisflokknum, t.d. vegna svika flokksforystunnar í bæði Icesave-málinu og IPA-styrkja-málinu, sem og vegna fráhvarfs hans frá því að styðja við kristin siðagildi í löggjöf landsins. Þar mun koma til annar valkostur auk Hægri grænna, og er nú bráðlega tíðinda að vænta af þeim vettvangi.

Lifðu heill, fullveldisvarnarbaráttumaður!

[Guðmundur Jónas Kristjánsson, 8.10.2012 kl. 11:06]

Félagi Jón Valur. Get að sjálfsögðu ekki talað um það sem ekki er orðið
til heldur það sem er á borði í dag. Get því ALVEG 100% með réttu fullyrt og haft skoðanir á því sem er RAUNVERULEIKI  í dag. Og hann er fyrir mér Hægri grænir. Það er sá flokkur sem ég tel í dag geta fyllt út í  tómarúmið til hægri í dag, enda eini flokkurinn í dag sem hefur nafngiftina ,,hægri" í nafni sínu. Og flokkur sem er orðinn að RAUNVERULEIKA!   Hvaða flokkar koma fram síðar á hægri
kantinum  sem skáka  við stefnu og hugmyndarfræði HG á eftir að koma í ljós. En bendi á þá miklu vinnu, tíma og kostnað sem fer í það að búa til
heilan stjórnmálaflokk á landsvísu. Og það nú korter fyrir kosningar!

   Til að valda ekki misskilningi þá kom ég hvergi nærri stofnun Hægri grænna. Enginn þar á bæ hvatti mig til að ganga í flokkinn, sem ég sjálfur gerði því mér líkaði mjög vel við stefnu og hugsjónir hans. Þá hefur enginn verið að hvetja mig til að skrifa um flokkinn, geri það bara úr
grasrót hans af þeirri hvöt að ég tel hann eiga mikið erindi við þjóðina. Og sem Hægri grænn í dag hvet ég að sjálfsögðu sem flesta að koma
til baráttu fyrir stefnu og hugmyndafræði Hægri grænna. 

      Sömuleiðis! Lifðu heill, fullveldisvarnarbaráttumaðurinn Jón Valur!