ESB-stjórnlagaráðið stofnar enn eitt vinstraframboðið!

   Örvæntingin innan ESB-trúboðsins  er  algjör! Ekki bara af því að
ENGINN  hljómgrunnur er  við  ESB-aðild. - Heldur  er  ESB-væðing
stjórnarskrárinnar að fara út um þúfur. Eitthvað sem ESB-trúboðið
og þeir í Brussel geta  alls ekki sætt sig við.

   Það að æðsti klerkur ESB-trúboðsins á Íslandi, sósíaldemókratinn
Þorvaldur Gylfason, sem með snilld gat dáleitt eitt stykki stjórnlaga-
ráð, skuli nú ýta úr vör enn einu ESB-fleyinu, sýnir örvæntinguna. Og
honum til trausts og halds fer hinn ESB-prestlærði Örn Bárður. Hver
annar?

   Eftirtektarverðast  eru  svo  þeir  sem mest lofuðu kjósendum að
standa vörð um fullveldið sbr. krafa Þjóðfundar, en sviku svo ærlega,
þ.á.m þann sem þetta skrifar. Já þeir Pétur(á Útvrpi Sögu)  og Lýður. 
Hvernig er hægt að treysta slíkum mönnum á þing? Já og nú ÚTVAPI
SÖGU  sem hefur nú myndað flokk með sjálfum æðsta klerki ESB-trú-
boðsins á Íslandi.  Hversu lengra er hægt að ganga í ótrúverðugleika
gagnvart okkur kjósendum? 

  Svokölluð Lýðræðisvakt er enn eitt sprengiframboðið frá vinstri. Enn
eitt útibúið frá Samfylkingunni stjórnað af Þorvaldi Gylfasyni.  Hinum
snjallasta pólitíska dáleiðslumanni  á  Íslandi í dag. Sem er langt kominn
með að skapa alvarlegt stjórnskipulegt öngþveiti auk mikillar óvissu.
Sbr. t.d skýrsla Feneyjarnefndar.

   Gott að vita af sterkum forseta á Bessastöðum í dag!

 

Stjórnlagaráðsmenn stofna Lýðræðisvaktina

Athugasemdir

[Jón Valur Jensson, 16.2.2013 kl. 00:44]

Gott hjá þér, Guðmundur Jónas, að taka ekki silkihönzkum á þeim!

Pétur hefur verið að rembast við það mánuðum saman að hlaða upp með einhæfum síbylju-áróðri nær sefasjúkum spenningi þeirra hlustenda sinna, sem eftir eru, fyrir hans eigin framboði, Þorvaldar Gylfasonar & Co. Það var þá lið sem hann valdi sér til fylgilags! Ég hef komizt að raun um, að séra Örn Bárður er einn af hinum ESB-meðvirku, og vitaskuld voru þau það öll á sinn hátt í þessu illa til stofnaða stjórnlagaráði, sem tóku ólöglegu kalli 30 þingmanna af 63 eftir þjónustu þeirra, í stað þess að endurtaka kosninguna til stjórnlagaþings, eins og gera bar að lögum. Skammarlegt var sömuleiðis af hinum 30 þingmönnum að bera fé á 25-menningana, meðan þeir voru enn óvissir um, hvort þeir ættu að láta vaða í að taka sæti í nýju ráði á vegum sósíalíska hlutans á Alþingi.

Fé var borið á þá með því að bjóða þeim tvöföldun launa (á alþingismannslaunum) við setuna, miðað við það sem hafði verið ákveðið um stjórnlagaþing! Eftir það fór tilkynningum að fjölga úr hópi hinna 25 um þátttöku í "ráðinu"!

En "öll á sinn hátt" voru þau ESB-meðvirk með því að samþykkja* öllsömul hina hneykslanlegu 111. grein sína með fullveldisframsals-heimild í þágu Evrópusambandsins, ekki í þágu íslenzks þjóðaröryggis, sem hefði t.d. mátt tryggja með því að ætlast til aukins meirihluta í þjóðaratkvæðagreiðslu til að afsala okkur fullveldinu, t.d. 80% -- eða 75% eins og ákveðið var 1918 um sambandslögin.

Pétur bar ekki einu sinni við að stinga upp á auknum meirihluta! Ég þekki manninn vel, en hann hefur reynzt meiri tækifærissinni en mig óraði fyrir að hann hefði megn til gagnvart eigin gömlu standördum.

Svo vill hann sitja þarna með Þorvaldi sjálfum Gylfasyni af öllum mönnum! -- en rakinn ESB- og fullveldisframsalsmaður er sá og verðskuldar ekkert traust til þingsetu með þann gamla draug í sínu sálarfarteski.

* Þar að auki vildu þau fella niður stjórnarskrárákvæði sem ver Ísland m.a. gegn uppkaupum útlendinga á íslenzkum útgerðum.

[Helga Kristjánsdóttir, 16.2.2013 kl. 00:56]

Nú skal slá í klárinn sem aldrei fyrr,ég vildi óska að við/þið myndið regnhlífasamtök,sem bjóða fram í sameiningu. Málið er það grafalvarlegt að allar væringar ættu að leggja af. Í krafti valdsins hafa heitustu hatarar okkar hægri,náð að spilla lítilmögnum,sem þola illa að verða svift því lífsviðurværi sem þeir ennþá hafa,,, svo eru menn að gaspra um spillingu.Vona síðan að Sjálfstæðismenn láti forsetann njóta sannmælis.

[GB (IP-tala skráð) 16.2.2013 kl. 08:15]

Hefði viljað vera fluga á vegg þegar valgerður og álfheiður breyttu ákvæðinu um Fullveldisframsalið!

Pétur er orðinn þannig að maður er stundum farinn að stilla yfir á tónlist...

[Jón Valur Jensson, 16.2.2013 kl. 15:38]

Já, þær stjórnbyltingarstöllurnar* bættu jafnvel gráu ofan á svart, þegar þær bjuggu til viðaukaheimild með 111. greininni, þ.e.a.s. að heimila Alþingi einu sér að afsala fullveldi í hendur stórveldis, bara ef 2/3 þingmanna næðust til að samþykkja það og þá án þjóðaratkvæðagreiðslu -- óskastaða fyrir Evrópusambandið, ef ný framboð ESB-Guðmundar Steingrímssonar og ESB-Róberts Marshall og "Lýðræðisvaktarinnar" ná umtalsverðum hópi manna á þing í vor.

* Það er ekkert minna en stjórnskipunarbylting, ef æðsta fullveldi landsins verður flutt til Brussel, Lúxemborgar og Strassborgar, sbr. nýjar upplýsingar frá Danmörku sem birtar eru HÉR!

[Guðmundur Jónas Kristjánsson, 16.2.2013 kl. 19:50]

Enn og aftur Jón minn Valur. Gott af hafa sterkan forseta á Bessastöðum ef
í harðbakkan slær.  Takk öll fyrir innlitin hér!