Hvers virði er landvernd án fullveldis ?

    Sagt er að  á  annað  þúsund  manns  hafi  safnast saman
utan við Stjórnarráðið í dag veifandi grænum  fánum  í  þágu 
landverndar. Gott og vel!  En hvar var  þetta  sama fólk allt
s.l kjörtímabil? -  Kom  það  saman við  Stjórnarráðið  með
íslenska fánann til að mótmæla einni mestu atlögu að fullveldi
Íslands á lýðveldistímanum, þegar vinstristjórnin sáluga sótti
um aðild Íslands að ESB?  Nei!  Aldeilis ekki !  Því því síður 
lét þetta fólk sjá sig í mótmælunum gegn Icesave!

   Hvers virði er landvernd,  íslenskar auðlindir og náttúruperlur
án fullra yfirráða þjóðarinnar yfir þeim?  Er þetta ekki allt sam-
tvinnað hvort öðru? Eða voru kannski allt önnur sjónarmið í
gangi þarna við Stjórnarráðið í dag?  Má kannski vænta rauðra
fána ásamt þess frá Brussel í bland við hinn græna næst þegar
,,hópurinn" kemur saman?  Þegar villta vinstrið hefur loks jafnað
sig af sínum pólitísku hrakförum?

   Að sjálfsögðu ber að fagna nýjum tóni og framfarasýn hinnar
nýju ríkisstjórnar í því að fylgja hinni faglegri rammaáætlun um
virkjanir. Þjóðin veitti henni fullan stuðning til þess. Því er  það
krafa meirihluta þjóðarinnar að henni verði fylgt fast eftir! Burt
séð frá uppistandi smásérhópa villta vinstrisins! 

Á annað þúsund við Stjórnarráðið

Athugasemdir

[Jón Valur Jensson, 29.5.2013 kl. 01:57]

"Rammaáætlun"?!–––Reynum heldur

í ruslatunnu að finna'henni stað !

Óðalsréttur okkar er seldur

til Íslands náttúru'–––og fyrir hvað?

Sértrú örfárra' og ekki stórs

afturhalds-fjallgrasatínslu-kórs.

 

 

[Guðmundur Jónas Kristjánsson, 29.5.2013 kl. 21:01]

Takk fyrir þetta Jón Valur!

[Jón Valur Jensson, 29.5.2013 kl. 23:34]