Nánast hatursáróður gegn forsætisráðherra !

   Ritstjóri DV toppar enn skrif sín gegn forsætisráðherra í leiðara
í helgarblaði DV. Og það svo að margir eru farnir að líta á þessi
skrif ritstjórans sem nánast hatursáróður gegn forsætisráðherra.
Þvílíkur er offorsið og munnsöfnuðurinn, fyrir utan rangfærslur
og útúrsnúninga.

   Til að reyna að skilja þessa heift ritstjórans út í hinn nýja for-
sætisráðherra kemur manni fyrst upp í hugann Icesave. En sem 
kunnugt er fór DV og ritstjórinn mikið í því máli, en eru nú í mjög
djúpum skít gagnvart þjóð og lesendum. Meðan forsætisráðherra
stendur uppi með pálmann í höndunum. Sigurvegari með þjóð sinni
og forseta. En það var einmitt sá sigur sem færði forsætisráðherra
sigurinn í síðustu kosningum. Eitthvað sem ritstjórinn og lið hans 
vill fyrir alla muni gleyma og grafa, eðlilega,  enda hefði þjóðar-
gjaldþrot blasað við hefi Icesave-þjóðarsvikin náð fram að
ganga. 

   Það voru því fyrst og fremst fullnaðarsigurinn í Icesave sem 
fleytti Sigmundi Davíð inn í stjórnarráðið, en ekki nú svikin loforð
gagnvart skuldurum eins og ritstjórinn heldur ranglega fram.
Og kalla forsætisráðherra brellumeistara og stóran hluta kjósenda
asna, er slær heimsmet í heimsku, lýsir best hugarástandi ritstjórans,
og ójafnvægi. En vert að benda ritstjóra á að meirihluti þjóðarinnar
gefur ríkisstjórninni grænt spjald í skuldaleiðréttingunni skv. skoðana-
könnunum,  en ekki rautt spjald eins og ritstjórinn reynir að gera.

    Þá ætti ritstjórinn og hans lið að vara sig á að ásaka aðra  um 
brellur og blekkingar, þegar hann sjálfur og hans sósíaldemókrata-
iska lið hefur beitt meiriháttar brellum og blekkingum í því að troða
Íslandi inn í ESB.  Lýgur að þjóðinni sí og æ að einhver samningur 
sé í boði þegar nú það endanlega liggur fyrir að einungis AÐLÖGUN
er í boði sbr. IPA-styrkirnir.

   Þá eru fjölmargir orðnir dauðþreyttir á því hugarfari á DV að 
allt sem lítur að því að styrkja íslenska þjóðartilveru, þjóðmenn-
ingu og fullveldi og sjálfstæði Íslands, flokkist sjálfkrafa undir 
þjóðrembu, fasisma og rasisma. Jafnvell illt tal um hrægammanna,
og að tími sé kominn til að stjórnvöld frelsi þjóðina úr gíslingu
þeirra, fær bágt hjá DV-liðinu. - Svona hugarfar getur ekki talist
annað en sjúkt! - Og sýnir á hvers konar villigötum blaðamennskan
á DV er.  Því miður!

Athugasemdir

[Guðmundur Jónas Kristjánsson, 14.12.2013 kl. 01:06]

Hvað gengur ritstjóranum eiginlega til?