Ríkisstjórnin leysti auðlindaákvæðið

    Ríkisstjórnarflokkarnir  hafa í dag borið gæfa til að jafna um 
ágreining sinn varðandi auðlindaákvæðið í stjórnarsáttmálanum,
enda kom ekkert annað til, eftir 12 ára farsælt stjórnarsamstarf.
En ríkisstjórnin gekk í raun lengra. Því nú verður fiskauðlindin
ein ekki bara  að þjóðareign skv. stjórnarskrá, heldur allar
auðlindir Íslands.

  Eftir þetta mikilvæga skref sem þarna hefur verið stígið verður
fróðlegt að heyra með hvaða rökum stjórnarandstaðan muni
vinna gegn þessu samkomulagi stjórnarflokkanna, um að setja
þjóðareign á auðlindum Íslands inn í stjórnarskrá.

   Stjórnarandstaðan er til alls vís þessa daganna. Mikil upplausn
er þar á bæ og engin veit hversu mörg flokksbrot komi fram í
nafni hennar á næstunni. Á móti blasir við sterk  og samhent
ríkisstjórn til 12 ára, sem kjósendur munu klárlega endurkjósa
að vori.

   

Athugasemdir

[Kristján Pétursson, 8.3.2007 kl. 22:01]

Auðlindir sjávar,fiskveiðistefnan er óbreytt á leið inn í Stjórnarskrá.Þetta eru slæmar fréttir á meðan fjölda lögfræðilegra álitamála í þessum málaflokki eru ekki til lyktar leidd.

Má þar tilgreina t.d. túlkun á óbeinum eignarrétti fiskveiðiheimilda.Sölu og leigu á fiskveiðiheimildum í óskyldum rekstri og hvort kvótinn erfist.

[Guðmundur Jónas Kristjánsson, 9.3.2007 kl. 08:42]

Þjóðareign  á íslenzkum auðlindum verður bundið í stjórnarskrá ef
tillaga ríkisstjórnarinnar verður samþykkt.  Það hlytur að vera
grundvallaratriðið. Síðan er það stjórnvalda á hverjum tíma að
ákveða það hvernig auðlindirnar skulu nýttar í þágu þjóðarhagsmuna. Rétt. Núverandi stjórnvöld hafa ekki í hyggju að
breyta fiskveiðistjórnarkefinu í dag. En, heimildin er fyrir hendi, og
styrkist mjög með því að hafa það bundið í stjórnarskrá að
auðlindin sé þjóðareign.

[Ragnar Bjarnason, 9.3.2007 kl. 09:49]

Ég er hræddur um að nú fari stjórnarandstaðan í einhvern feluleik og geri mál úr þessu þó svo að þeir hafi boðist til að leysa þetta fyrir þremur dögum. Engu að treysta á þeim bænum og allra síst Össuri.