Stefnuleysi í Evrópumálum og óskiljanleg óvild við Rússa!

     Stefnuleysi ríkisstjórnarinnar undir forystu Gunnars Braga
utanríkisráðherra í Evrópumálum, og málefnum Úkraínu,  og
nú óskiljanlega óvild gagnvart vinaþjóð okkar Rússum, fer að
nálgast hálfvitahætti! Því þetta gengur þvert á allt  samhengi
við íslenska þjóðarhagsmuni.

   Já hver er stefna ríkisstjórnarinnar í Evrópumálum?  Á að
afturkalla umsóknina  í haust eða ekki?  EKKERT SVAR eða 
plön um það!  Meir að segja áróðursstofa ESB, Evrópustofa,
fær enn að starfa og leika lausum hala, í boði ESB-sinnans
Gunnars Braga,  eins og aðildarferli Íslands að ESB sé enn í
FULLUM GANGI!    

    Utanríkisráðherra hefur farið offari í málefnum Úkraínu
og límt sig sem fastast þar við ríki ESB, og þar með stutt
útþenslustefnu ESB í Evrópu sem hefur það sem helsta 
markmið  að INNLIMA sem flest ríki Evrópu inn í sambandið,
m.a Úkraínu. Með mjög ógeðfelldri og ögrandi hætti í innan-
ríkismál Úkraínu. Sem  Gunnar Bragi hefur tekið fullan þátt
í s.l mánuði og misseri. Eins og þarna væru um mikla hags-
muni Íslands að ræða. Þvílíkur hégómi og barnaskapur!  Já
ÞVÍLÍKT RUGL! 

   Og nú berast fréttir af því að Gunnar Bragi og ríkisstjórnin
ætla að toppa hálfvitaháttinn. Láta Ísland taka þátt í  mjög
vafasömum viðskiptaþvingunum gagnvart vinaþjóð okkar
Rússum. Rússum sem hafa undanskilið  okkur frá sínum
mótaðgerðum gagnvart ESB og Obamasinnum. Sem gætu 
þýtt alvarlegar viðskiptaþvinganir Rússa gagnvart Íslandi
eðlilega.  Með skelfilegum afleiðingum fyrir okkar efnahag!
Hvers konar andskotans rugl er þetta ? Fyrirgefið orðbragðið!
Það er eins og Gunnar Bragi & Co  séu komnir með Ísland inn
í sjálft ESB! Meðvirknin með því ER ALGJÖR! Engin sjálfstæð
hugsun og því síður metnaður fyrir því að Ísland sem frjálst
og  fullvalda  ríki  láti  ekki  ESB  teyma  sig  á  asnaeyrum í
útþenslustefnu sinni í Evrópu. Og allra síst í jafn flókið mál og 
Úkraínudeilan er.  Þetta er alveg með ólíkindum!

   Nei skil ekki bobbs í utanríkisstefnu Gunnars Braga & Co!
Sé hún þá til á annað borð!

   SKANDALL!  MEIRIHÁTTAR SKANDALL Gunnar Bragi!

Athugasemdir

[Helga Kristjánsdóttir, 10.8.2014 kl. 23:48]

Gott að geta blótað hér svo enginn heyri,en það hrekkur út úr manni í reiðikasti. Nóg erum við búin að leggja á okkur til að endanlega losna við þennan ófögnuð.