Ríkisstjórnarsinnar verða að kjósa Framsókn líka!

   Skv. skoðanakönnun Fréttablaðsins vilja
langflestir óbreytta ríkisstjórn áfram, eða
36.5%, og eykst stuðningurinn frá síðustu
könnun. Tæplega 87% framsóknarmanna
og 66% sjálfstæðismanna segjast styðja
slíka stjórn.

   20.3% segjast nú vilja stjórn Samfylkingarinnar
og Vinstri-grænna, og önnur stjórnarmynstur fá
mun minna fylgi.

   Skv. síðustu skoðanakönnunum er hins vegar
alveg ljóst, að ríkisstjórnin er fallin þótt hún haldi
meirihluta. Ríkisstjórnarsinnar virðast langflestir
ætla að þakka Sjálfstæðisflokknum árangursríkt
ríkisstjórnarsamstarf  í 12 ár en refsa Framsókn.
Skv. skoðanakönnunum mælist flokkurinn kringum
10% sem er langt undir kjörfylgi og algjörlega
óásættanlegt til að vera þátttakandi í ríkisstjórn
lengur.

   Ef fram heldur sem horfir eru því dagar núverandi
ríkisstjórnar taldir ef stðningsmenn ríkisstjórnarinnar 
ætla að kjósa á þann hátt sem skoðanakannanir sýna.
Sjálfstæðisflokkur yrði því að snúa sér annað hvort að
Samfylkingu en slík stjórn nýtur aðeins 14.5% fylgis
skv. könnuninni, - eða þá til Vinstri-grænna en slík
stjórn nýtur enn minna fylgis  eða 9.3%.

  Það er því alveg ljóst að til að núverandi ríkisstjórn
haldi velli verða stuðningsmenn ríkisstjórnarinnar að
kjósa Framsóknarflokkinn í mun meira mæli en skoðana-
kannanir gefa til kynna í dag. -