Evrópusambandssinnuð ríkisstjórn

   Ný ríkistjórn tók við á Íslandi í dag. Ríkisstjórn
sem mun verða mjög Evrópusambandsinnuð
þegar frá líður. Ekki bara vegna þess að helm-
ingur ráherra hennar eru allir yfirlýstir Evrópu-
sambandssinnar, heldur falla nú utaníkismálin
í fyrsta skiptið í hendur manneskju sem vill að
Ísland sæki um aðild að ESB og taki upp evru.

 Stjórnarsáttmálin er ekki bara í heildina mjög
óljós og opinn í alla enda. Kaflinn um Evrópumál
er alveg sérstaklega opinn og óljós sem gerir
það að verkum að utanríkisráðhera fær mjög frítt
spil í Evrópumálum, gagnstætt því sem sumur
ESB-andstæðingar innan Sjálafstæðisflokksins
halda fram. Þar er ekki einu sinni tekið fram að
EES-samningurinn skuli gilda út kjörtímabilið
og ESB-aðild sé þess vegna ekki á dagskrá.
Einungis vitnað í einhverja skýrslu Evrópunefndar
sem verði grundvöllur nánari athugunar á því
hvernig hagsmunum Íslendinga verði í framtíðinni
best borgið gagnvart Evrópusambandinu.

   Utanríkisráðherrar hafa mjög mikil mótandi
áhrif á utanríkisstefnuna hverju sinni, ekki síst
í málaflokkum þar sem ekki er skýrt kveðið á um
stefnu og markmið. Ljóst er að Evrópusambands-
sinninn, Ingibjörg Sólrún Gísladóttir fær ótrúlegt
olnbogarými til að hrinda ESB-áherslum sínum í
framkvæmd á kjörtímabiilinu. Til þess fær hún
ekki bara fullan stuðning ESB-sinna í sínum
eigin flokki, heldur líka dyggan stuðning ESB-
aflanna innan Sjálfstæðisflokksins. En það voru
einmitt þau öfl  sem sóttust hvað fastast eftir
myndun hinnar nýju ríkisstjórnar.

   Frá þjóðlegum sjónarhóli horft er því  fráleitt að
kenna þessa ríkisstjórn við Þingvelli. Ríkisstjórn
sem er eins Evrópusambandssinnuð og raun ber
vitni getur aldrei kennt sig við þann helga stað.

Athugasemdir

[Björg F (IP-tala skráð) 24.5.2007 kl. 17:39]

Bíddu bíddu.. ertu búinn að gleyma því að bæði Valgerður og Halldór hafa lýst yfir áhuga á aðild að Evrópusambandinu.. þekkir þú ekki betur þín eigin flokksystkini?

[Guðmundur Jónas Kristjánsson, 24.5.2007 kl. 17:56]

Þetta er ekki satt. Þótt þau hafi sagt að  ræða beri þessi mál opið
og án fordóma  hafa þau aldrei lýst því yfir að Ísland SKULI sækja
um aðild að ESB og taka upp evru eins og Ingibkörg Sólrún og
flokkur hennar hafa gert. Á þessu er GRUNDVALLARMUNUR.......

[Sigfús Sigurþórsson., 24.5.2007 kl. 22:25]

En eru ekki þónokkuð margir bæði í Samfylkingunni og Sjálfstæðisflokknum á móti ESB

[Guðmundur Jónas Kristjánsson, 25.5.2007 kl. 00:08]

Jú þónokkrir, en skiptir engu þegar meirihlutinn er afgerandi.
Til  ,,hamingju" sjálfstæðismenn með nýja ríkisstjórn og Ingibjörgu
Sólrúnu sem UTANRÍKISRÁÐHERRA íslenzka lýðveldisins!

[Gestur Guðjónsson, 25.5.2007 kl. 15:52]

Finnst að forseti vor hafi endanlega valið nafnið á ríkisstjórnina með aðalrétti hádegisverðarins, bleikja er hún og Bleikja skal hún heita.