Falun Gong krafa og önnur erlend fjöldamótmæli vísað frá !

   Í yfirlýsingu frá  Falun Gong hreyfingunni  hvetja
þau íslenzk stjórnvöld til að bæta fyrir framkomu
sína við Falun Gong iðkendur árið 2002 sbr. frétt
á Mbl.is í dag. En eins og kunnugt er meinuðu
íslenzk stjórnvöld réttilega þeim inngöngu í
landið meðan á heimsókn forseta Kína stóð
sumarið 2002.

   Þarna var um sjálfsagða varúðarráðstöfun hjá
íslenzkum stjórnvöldum að ræða árið 2002. Allt
að þúsund Falun Gong liðar af allskonar erlendu
sauðarhúsi hugðust koma hingað til lands til að
efna til upplausnar og óláta. Hópar sem voru af
þeirri stærðargráðu að okkar fámenna lögreglulið
var engan veginn í stakk búið til að hafa stjórn á
slíku liði.  Það er því fáránlegt hjá þessari hreyfingu
í dag að vera með bótakröfur á hendur íslenzkum
stjórnvöldum af þessu tilefni. Enda verður  þeim
vísað á bug.

    Fréttir herma í dag að fyrirhuguð séu fjöldamót-
mæli hér á landi í byrjun júli gegn stóriðju hér á
landi. Þarna er aðallega um erlenda róttæklinga
og stjórnleysingja að ræða sem kenna sig við
borgaralega óhlýðni.  Þeir komu við sögu á .s.l
sumri á virkjunarsvæðum Austanlands eins og
kunnugt er. Íslenzk stjórnvöld eiga því  að beita
þessu liði sömu tökum og þau beittu Falun Gong   
og meina þeim landvíst. Meirihluti þessa hóps eru
atvinnumótmælendur og skráðir sem slíkir í afbrota-
skrár erlendra lögregluyfirvalda sem íslenzk löggæsla
hefur aðgang að.

   Það er ólíðandi að allskonar erlendir uppvöðslu-
hópar og óróaseggir geti ruðst hér inn í landið ár eftir
ár og skapað hálfgert stríðsástand með því að virða 
hvorki lög né reglur.  - Slíkt ástand verður að stöðva!