Samstarf við Þjóðverja í öryggis- og varnarmálum

    Utanríkisráðherra, Ingibjörg Sólrún Gísladóttir
sat í dag fund utanríkisráðherra Eystrasaltsráðsins
sem haldinn var í Malmö í Sviðþjóð. Í frétt á Mbl.is
kemur  fram að Ingibjörg hafi þar átt fund með
Frank-Walter Steinmeier utanríkisráðherra Þýska-
lands um mögulegt samstarf Íslands og Þýzkalands
á sviði varnar-og öryggisnmála.

  Um miðjan maí  s.l kom hingað þýzk sendinefnd til
að ræða  öryggis- og varnarmál milli þessara tveggja
vinarþjóða. Fram kom vilji Þjóðverja á að taka upp
slíkt samstarf, en þýzki flugherinn hefur mest allra
Nato-herja viðkomu á Keflavíkurflugvelli í dag.

   Vonandi að sú stefna sem fyrrverandi ríkisstjórn
markaði í öryggis-og varnarmálum verði fram haldið.
Þjóðverjar eru öflug og voldug þjóð bæði innan Nato
og Evrópusambandsins og því mikilvægt að stórauka
öll samskipti við Þýzkaland í framtíðinni. Þjóðverjar
hafa ætið reynst okkur Íslendingum afar vinveittir
og sýnt málefnum Íslands mikinn áhuga.

    Eftir að bandarískur her hvarf af landi brott hefur
Ísland færst nær Evrópu, sem er jákvætt. Sérstakt
samstarf við Dani og Norðmenn í öryggis- og varnar-
málum er að byggjast upp. Samstarf við Þjóðverja á
að koma þar fast  í kjölfarið.  - Samstarf við engilsaxa
hefur ekki reynst okkur vel.  Hljótum því að taka mið
af því í framtíðinni þegar við veljum okkur sérstakar
samstarfsþjóðir á sviði öryggis- og varnarmála.