Ruglið um Öryggisráðið heldur áfram

    Ingibjörg Sólrún Gísladóttir utanríkisráðherra
hefur ráðið Kristínu Á. Árnadóttir, skrifstofustjóra
borgarstjórnar Reykjavíkur, til að stýra framboði
Íslands til Öryggisráðs Sameinuðu þjóðanna, en
kosningin fer  fram á Alsherjaþingi S.Þ á næsta
ári.

   Hér er enn eitt ruglið á ferðinni varðandi þetta
fáránlega framboð. Fyrir liggur, að litlar sem engar
líkur eru á að Ísland hljóti kosningu í ráðið. Samt
er haldið áfram að ausa fleiri hundruð milljónum
í þetta gæluverkefni örfárra misvitra stjórnmála-
manna. Ávinningur þjóðarinnar er enginn að kom-
ast í þetta ráð. Ókostirnir eru hins vegar fjölmargir,
m.a sá að flækja Íslandi í erfið aðþjóðleg deilumál.
Ef fram heldur sem horfir, gæti heildarkostnaður
við ruglið farið hátt í milljarð króna.

   Það er með ólíkindum hvað  þetta rugl ætlar að
vinda upp á sig. - Ekki síst vegna þess að öllum
þeim miklu fjármunum sem varið er í þetta væri
mun  betur varið í ótal brýnni verkefni innanlands.

Athugasemdir

[Ívar Pálsson, 5.7.2007 kl. 17:10]

Sammála öllu í þessari grein. Við hana má bæta, að aðalkostnaði og tíma Öryggisráðsins er sóað í málefni Afríku, þar sem nær allar þjóðirnar fá undir 5,0 í spillingareinkunn (skv. Transparency International). Við mokum þá þessum milljarði í að eltast við spilltustu herra jarðar í einni gjöfulustu álfu jarðar í stað þess að sinna málefnum heima á Íslandi, þar sem ætti að vera hægt að sjá í hvað peningarnir fara.

[Jón Sigurgeirsson , 6.7.2007 kl. 08:51]

Utanríkisþjónusta Íslands hefur þanist út og er að verða eins og hjá milljóna þjóð. Hversu bættari erum við með því?

Ég er ósammála Ívari um það að við sem búum í ríkustu löndum heims eigum ekkert að aðstoða þær þjóðir sem fátækastar eru vegna spillingar. Mikill hluti hjálpar Íslendinga er fólginn í menntun og með aukinni menntun fæst betri stjórnhættir (vonandi).

Framboð til öryggisráðssins gagnast okkur mun minna en ef við notuðum fé sem fer i utanríkisþjónustu til þróunaraðstoðar. Þróunaraðstoð sem styður þjóðir til sjálfsbjargar og lækkun tolla á framleiðsluvörur þróunarríkja verður okkur mun betra veganesti þegar við viljum koma að "okkar" málum en þátttaka í ráði sem gefur út rétt til stríðsátaka.