Talað út og suður í Evrópumálum

      Í þættinum ÍSLANDI Í DAG, í gærkvöldi, sagði
viðskiptaráðherra Björgvinn G. Sigurðsson, þá
öfugmælavísu, að til að lækka matvöruverð
verulega, yrði Ísland að ganga í Evrópusambandið.
Þá sagði hann að krónan muni ekki gagnast okkur
öllu lengur, og því sé best að taka upp evru sem
fyrst samfara ESB-aðild . Hér er sjálfur ráðherra yfir
íslenzum viðskiptamálum sem talar, og það enga
tæpitungu. Þess vegna sáu stjórnendur þáttarins
Ísland í dag ástæðu til  að fá fulltrúa Sjálfstæðisflokk-
sins, Birgir Ármannsson í viðtal í kvöld, til að bera
þessi ummæli ráðherra undir hann. Birgir reyndi að
sjálfsögðu að gera lítið úr málinu, þetta væri persónu-
leg skoðun ráðherrans, en ekki ríkisstjórnarinnar. Birgir
sagðist vera ráðherranum óssammála. Talað er því út
og suður í Evrópumálum meðal ríkisstjórnarflokkana
í dag.

    Svona nokkuð gengur einfaldlega ekki þegar ráð-
herra lýsir skoðunum sem sögð eru að gangi þvert á
stefnu ríkisstjórnarinnar af öðrum ríkisstjórnarflokknum.
Það er út í hött þegar slíkt gerist í jafn miklu stórmáli  
og þvi, hvort Ísland skuli ganga í ESB eða ekki.  Annað 
hvort virða menn stjórnarsáttmála eða ekki. Allra síst
tala ráðherrar til hans með ögrandi hætti í tíma og ótíma
eins og hér virðist gert hjá viðskiptaráðherra.

   Hér  í upphafi við  myndun núverandi ríkisstjórnar, 
var varað við því að þáttarskil gætu orðið í Evrópumálum
þegar líða tæki á kjörtímabilið. Í því sambandi var vísað
til þess, að a.m.k helmingur ráðherraliðsins væri mjög  
svo hallur undir Evrópusambandsaðild. Þetta virðist allt 
ætla að ganga eftir. Dropinn holar steininn. Hinir ESB-
sinnuðu kratar virðast stöðugt sækja í sig veðrið,
eins og hin skýru ummæli viðskiptaráðherra sanna
í umræddu sjónvarpsviðtali í gær. 

Athugasemdir

[Hjörtur J. Guðmundsson, 26.7.2007 kl. 21:57]

Sæll félagi,

Það vill raunar svo til að einn forveri Björgvins í embætti, framsóknarmaðurinn Valgerður Sverrisdóttir, talaði oftar en einu sinni á hliðstæðum nótum, síðast í kringum síðustu áramót. Þannig að þetta er í sjálfu sér ekkert nýtt.

[Gestur Guðjónsson, 27.7.2007 kl. 11:05]

Ég minnist þess ekki að Valgerður hafi verið að lofa lækkun útgjalda til matarinnkaupa heimilanna í sinni umræðu, enda um lýðskrum af verstu sort að ræða hjá Samfylkingunni.

[Guðmundur Jónas Kristjánsson, 27.7.2007 kl. 11:21]

Þýkist vita Hjörtur hvað þú ert að fara. Alveg rétt að Valgerður
hefur verið ,,volg" gagnvart ýmsu varðandi ESB t.d að skoða möguleikana að taka upp evru án þess að ganga í ESB sem ég
eins og þú og flestallir telja mjög óraunhæft og ekki framkvæmalegt. En hvorki Valgerður eða neinn annar ráðherra í 
fyrrverandi ríkisstjórn hafa talað svona skýrt og tæpitungulaust um
að Ísland eigi að sækja um aðild að ESB og taka upp evru. Það er
alveg nýtt. Svo hitt líka. Þegar Halddór  Ásgrímsson fór stundum
út á grátt svæði um framtíðarsýn í Evrópumálum var Daðvíð
fljótur að árétta hlutina í gagnstæða átt. Geir Haarde gerir það
hins vegar ekki gagnvart svona afdráttarlegri yfirlýsingu Björgvins.
Það er bæði athyglisvert og áhyggjuefni...