Utanríkisráðherra hefur brugðist í ratsjárstöðvamálinu

   Nú liggur það fyrir að utanríkisráðherra hefur alls ekki unnið
sína heimavinnu varðandi framtíð Ratsjárstofnunar Íslands, sem
m.a fylgist með loftvörnum landsins. Bjarni Benediktsson,
formaður utanríkismálanefndar, lýsti því yfir í gær, að hann
telji íslenzk stjórnvöld hafa verið of sein að vinna málið þannig,
að fyrir liggi nú 15 ágúst n.k hvað taki við, þegar Íslendingar
yfirtaka rekstur ratsjárstöðvanna. Utanríkisráðuneytið hefur farið
með þetta mál, og því augljóst að það hefur algjörlega brugðist
í þessu stóra máli.

   Sá kattarþvottur sem Árni Páll Árnason, varaformaður utan-
ríkismálanefndar og þingmaður Samfylkingarinnar reynir að
gera með því að segja, að hin óljósa  staða í dag varðandi fram-
tíð raðtsjárstöðvanna sé vegna ágreiningis í fyrri ríkisstjórn,
er hlægilegur. Auðvitað komu upp ótal álitamál í fyrri ríkisstjórn
strax eftir að Bandaríkjamenn ákváðu að fara á braut, en þau
álitamál voru leyst jöfnum höndum. Óhætt er að segja að mikil
og góð samvinna hafi ríkt í fyrrverandi ríkisstjórn með hvaða
hætti íslenzk stjórnvöld brugðust við gjörbreyttum aðstæðum
í öryggis-og varnarmálum, eftir brottför bandariska hersins. 
Samvinna dómsmálaráðherra og þáverandi utanríkisráðherra
var ávalt með miklum ágætum, enda gerðust stórir hlutir á mjög
skömmum tíma í öryggis-og varnarmálum í tíð fyrrverandi ríkis-
stjórnar.

   Það að ekki fyrr en nú nýlega að utanríkisráðherra hafi loks 
skipað  einhvern starfshóp til að svara því hvaða fyrirkomulag
verði á loftvarnareftirliti hér við land í framtíðinni,  er ótrúlegur
rolugangur, en sýnir þó í raun algjört áhugaleysi  utanríkisráðherra
til þessa máls. Meðan hugur og augu utanríkisráðherra átti öðru
fremur að einskorðast við þessi mikilvægu úrlausnarefni í öryggis-
og varnarmálum þjóðarinnar í sumar, og öðrum hagsmunamálum
okkar á norðurslóðum, virðast t.d vandamál Mið-austurlanda hafa
átt allan  hug og hjarta ráðherra .   
  
   Ljóst er að gjörbreyttar áherslur hafa orðið í utanríkisráðuneytinu.
Koma þær nokkuð á óvart ?

 

Athugasemdir

[Júlíus Sigurþórsson, 10.8.2007 kl. 20:18]

Enda á að færa þennan málaflokk allan inn í Dómsmálaráðuneytið, enda er þetta innanríkismál og hefur ekkert með utanríkismál að gera, nema þáttaka í NATO á pólitíska sviðinu og ef ákveðiði er að Íslendingar starfi erlendis á vegum NATO eða í umboði Sameinuðu Þjóðana. Annars er þetta bara innanríkismál, sem snýr að innviðum landsins, eins og önnur öryggismál.

[Guðmundur Jónas Kristjánsson, 10.8.2007 kl. 20:49]

Alla vega er viss tortryggni í því að láta ,,fyrrverandi" Nato-andstæðing fjalla um þessi mál, og hafa afgerandi áhrif á hvernig
þau eru unnin eða hvort !