Forsætisráðherra kemur utanríkisráðherra til bjargar

   Það er afar skiljanlegt að forsætisráðherra sjái sig knúinn
til að koma utanríkisráðherra sínum til bjargar varðandi hin
svokölluðu ratsjármál. Formaður utanríkismálanefndar hefur
sagt það hafa komið sér á óvart hversu mörgum álitaefnum
sé enn  ósvarað aðeins nokkrum dögum áður en Íslendingar
taki við rekstri ratsjárstöðvanna. Ráðuneytisstjóri utanríkis-
ráðuneytisins tekur undir þetta, en verður fátt um svör.

  Í viðtali í sjónvarpsfréttum í gær kom loks forsætisráðherra
fram brúnaþungur á svip og vildi skella skuldinni á Banda-
ríkjamenn. Mátti skilja að þeir hefðu dregið lappirnar í þessu
máli, og því væri málið í jafn lausu lofti og raun ber vitni.

  Þetta er auðvitað fáránlegur fyrirsláttur. Fyrir liggur einfaldlega
að utanríkisráðherra hefur alls ekki unnið sína heimavinnu í
þessu máli. Hefur haft allt sumarið til að klára málið, en velur
fremur dýrmætan tíma í erlendar hnattreisur, sem erfitt hefur
verið að sjá hvaða tilgangi þjóni. Hafi staðið á Bandaríkjamönnum,
var það hlutverk utanríkisráðherrra að láta  það ekki viðgangast.
Það er nefnilega löngu orðið tímabært að íslenzk  stjórnvöld
sýni Bandaríkjamönnum ÁKVEÐNI OG FESTU, ekki síst með tilliti
til þeirrar óvirðingar sem bandariksk stjórnvöld sýndu  þeim
íslenzku við   brottför banadariska hersins á sínum tíma.

   Sannleikurinn er einfaldlega sá að utanríkisráðherra hefur
takmarkaðan áhuga á öryggis-og varnarmálum, eðlilega sem
fyrrum Nato-andstæðingur.  Brúnaþungur forsætisráðherra
breytir  þar engu  um.......  

   

Athugasemdir

[Guðmundur Jónas Kristjánsson, 11.8.2007 kl. 17:05]

Eftir að þetta var skrifað hefur Valgerður Sverrisdottir fyrrverndi
utanríkisráðherra upplýst að í vor hafi hún lagt fram frumvarp um
framtíð Ratsjárstofnunar, en málið hafi stoppað  vegna ósamstöðu
í röðum sjálfstæðismanna. Þannig að málið virðist stranda á áhugaleysi  núverandi utanríkisráðherra og óeiningu meðal sjálfstæðismanni. Sem sagt, enn eitt sundurlyndið innan ríkisstjórnarinnar, sem veldur því að jafnt brýnt mál og loftvarnir
Íslands eru enn í lausu lofti...............

[Magnús Helgi Björgvinsson, 12.8.2007 kl. 02:00]

Þú mannst væntanlega að Valgerður fól Geir að annast samninga við Bandaríkjamenn. Og eins að ég get ekki séð hvað Utanríkisráðherra á að gera með að vera að skipuleggja störf á Ratsjárskerfi sem við ætlum að nota. Hefð haldi að það félli undir landvarnir. Eða jafnvel Samgöngumál. Því þetta kerfi er til að fylgjast með flug og skipaumferð hér í hring um okkur. Það var líka rætt við ráðuneytisstjóra utanríkisráðuneytisins sem sagði að erfiðlega hefði gengið að fá Bandaríkjamenn til að ganga frá þessu máli. Síðan er það víst þannig að þetta kerfi hentar illa, er dýrt í rekstri og ekki samkeyranlegt við kerfi annarra Natóríkja. Sem og að það er ekki ljóst til hvers við  eigum að nota þetta kerfi þ.e. hvert upplýsingarnar eiga að fara. Þetta er náttúrulega með afbrigðum að Valgerður skildi ekki vera búin að ganga frá þessu en þú kýst náttúrulega að kenna Ingibjörgu um. Man ekki betur en að Valgerður hafi verið dugleg að ferðast um Afríku og fleiri lönd þegar hún var ráðherra. Eins man ég eftir henni haldandi ræðu í Sameinuðuþjóðunum. Þetta er nú einusinni starf Utanríkisráðherra.

Og þú veist að þetta kerfi það ver okkur ekki neitt. Það sést fátt á því sem að ratsjárstöðvar í Noreigi og Grænlandi eru ekki búnar að sjá áður. Og þar sem við erum ekki með flugher og treystum á vini okkar í Nató þá held ég að þeir mundu nú láta okkur vita ef einhver er á leiðinni til okkar.

[Guðrún María Óskarsdóttir., 12.8.2007 kl. 02:04]

Mér best vitanlega heyrir þetta mál undir utanríkisráðuneytið og ekki líst mér á ef forsætisráðherra ætlar að hefja þann leik að bera blak af því ráðuneyti til fyrirsvars sí og æ.

kv.gmaria.

[Guðmundur Jónas Kristjánsson, 12.8.2007 kl. 11:01]

Magnús. Valgerður var tilbúin að klára málið í vor með frumvarpi en
sjálfstæðismenn voru óssammála á þeim tímapunkti hvort
rattsjárkerfið ætti að heyra undir utanríkisráðuneytið eða eitthvað
annað. Það breytir því ekki að fyrir 15 ágúst átti þetta ALLT að vera klappað og klárt. Meina. Hvaða þjóð í veröldinni lætur bjóða sér að jafn þyðingarmikill þáttur og eftirlit með lofthelgi viðkomandi sé ekki í lagi og skilgreind í sinni stjórnsýslu? Þetta er fáránlegt hvernig rikisstjórnin hefur klúðrað þessu máli, og það er með engu móti hægt verja þetta.

  Að utanríkisráðuneytið sé ekki einu sinni búið að skilgreina
þörfina og hlutverk kerfisins er með öllu ósættanlegt. Því auðvitað
þarf að vera lágmarks eftirlit í lofthelgi Íslands alveg eins og
landhelgi. Grundvallaratriðið er að við vitum nákvæmlega hver er
á ferð um okkar lofthelgi og í hvaða tilgangi. Hvort sem það er
gert með ratsjár eða annari tækni skiptir ekki máli. Bara að
EFTIRLITIÐ sé tryggt...

  Varðandi hnattreisu Ingibjargar þá hefur hún sett öll met á
þeim stutta tíma sem hún hefur setið í ráðuneytinu, þrátt
fyrir allt of mikið flandur fyrrverandi ráðherra út og suður á
þeim bæ gegnum árin.  Svo einfalt er það !