Umhverfisráðherra blæs olíuhreinsistöð af

   Fulltrúar Íslenzks hátækniiðnaðar og verkfræðifyrirtækisins
Línuhönnunar hittu umhverfisráðherra í dag og lögðu fyrir
ráðherra gögn um olíuhreinsistöðina og umhverfisáhrif
hennar. Skv. frétt sjónvarps í kvöld var tónninn á fundinum
hvass, en ráðherra mun hafa séð öll tormerki á því að af
byggingu olíuhreinsistöðvar á Vestfjörðum gæti orðið.

   Ólafur Egilsson einn talsmanna um byggingu olíuhreinsi-
stöðvar var augsjáanlega mjög vonsvikinn af fundi loknum,
en sagði þó að opinber afstaða ríkisstjórnarinnar í heild
lægi ekki endanlega fyrir.

  Augljóst er að umhverfis- og iðnaðarráðherra ætla að
koma í veg fyrir þetta mikla hagsmunamál Vestfirðinga
og þjóðarinnar hvað sem það kostar. Spurningin er
hvort Sjálfstæðisflokkurinn samþykkir það, eins og  með
svo mörg önnur  þjóðþrifamál sem Samfylkingin hefur
komið í veg fyrir að undanförnu. Því verður alls ekki trúað.
En gerist það, er bersýnilegt að við völd hefur tekið ein
afturhaldssamasta ríkisstjórn á lýðveldistímanum, og
hafa þær þó margar verið.

Athugasemdir

[Björg F (IP-tala skráð) 24.8.2007 kl. 22:26]

Loksins er nú bara komin ráðherra sem er með bein í nefinu. Það er svo gott að vera laus við Framsókn úr ríkisstjórn.. Viljið þið ekki líka virkja Jökulsá Austari? Og bíddu.. hverjir eiga að vinna í þessari olíuhreinsunarstöð? Það hefur ekki verið hægt að manna stöðurnar í ferðamannaiðnaðinum í sumar um allt land og það hefur þurft að flytja inn erlent verkafólk..

[Gunnar Th. Gunnarsson, 25.8.2007 kl. 01:38]

Benedikt, vill hann vera með þorskeldið þar sem olíuhreinsunarstöðin á að vera? Það er alltaf eins og eitt útiloki annað hjá ykkur.

[Guðmundur Jónas Kristjánsson, 25.8.2007 kl. 11:53]

Það er ótrúleg tvöfeldni og tviskinningur í málflutningi þeirra sem
tala á móti olíuhreinsistöð. Fremstur þar fer iðnaðarráðherra
sjálfur. Hann ætlar á næsta ári að gefa út leyfi til að leita að olíu
fyrir Norðurlandi. Það má sem sagt leita að henni, væntanlega að
finna hana, vinna hana EN EKKI HREINSA HANA. Hvers konar RUGL
er þetta ? Og þið þarna Benedikt og Björg. Notið þið eða fólkið í
kringum ykkur ekki bensín dags daglega eða fjölda vörutegunda
unna úr olíu ? Tvískinningur ykkar er ALGJÖR. Allt í lagi að  nota
bensín og olíu, en þar má bara ekki HREINSA hana hér á landi,
sem myndi útvega okkur mun hreinna eldsneyti en við notum í
dag, (þessi nýja olíuhreinsistoð á að hreinsa olíuna og bensínið
mun meira en það sem við notum í dag) auk þess að veita fjölda
fólks góð og hálaunuð störf og skapa gríðarlegan virðisauka í
þjóðarbúið. Þannig, að þessi málflutningur ykkar er í mínum huga
algjörlega út úr kú, og stórfurðulegt ef sjálfstæðismenn ætla að
láta slík afturhaldsjónarmið ráða í ríkisstjórninni í þessu máli.
 

[Gunnar Th. Gunnarsson, 25.8.2007 kl. 22:08]

Mjög gott mál Benedikt ef þetta þorskeldismál kemst á koppinn og get alveg fallist á að einhverskonar frumkvöðlastyrkur sé veittur í þetta. En það gerir ekki olíuhreinsunarhugmyndina verri fyrir það. Við búum í raunverulegum heimi en ekki í heimi þar sem við hoppum glöð og hamingjusöm um endalaus blómaengi eins og Lísa í Undralandi.

[Magnús Helgi Björgvinsson, 25.8.2007 kl. 23:02]

Finnst þér þetta aðlaðandi sín fyrir fjörð fyrir Vestan. Og heldur þú að engin mengun sé af svona rekstri. Mér finnst fínt að umhverfisráðherra sé varkár. Það hafa jú fáir íslendingar nokkuð vit á þessari starfsemi og þeim hættum sem henni fylgir. Það eru allir að vitna í fyrrverandi sendiherra og hann þekkir þessa starfsemi takmarkað.

[Guðmundur Jónas Kristjánsson, 26.8.2007 kl. 01:00]

Magnús minn. Flott mynd hjá þér. Vildi meiriháttar að svona líf og
fjör væri  að finna fyrir vestan, í stað meiriháttar samdráttar og
eymdar sem verður þar að ári ef stefna ríkisstjórnarinnar nær fram
að ganga. Svo spyr ég þig eins og alla aðra. Notar þú eða þínir
nánustu ekki bensín dags daglega eða vörur unnar úr olíu? Og
hvað er þá svona voðalegt fyrir  okkur að hreinsa hana, fyrst
iðnaðarráðherra ætlar að hefja leit að henni og vinna hana finnist
hún ? Magnús. Ruglið í ykkar málflutningi er ALGJÖRT!

[Magnús Helgi Björgvinsson, 26.8.2007 kl. 03:44]

Jú auðvita nota ég vörur unnar úr olíu en ég  þarf ekki samt að sætta mig við að viðkvæmu landi hér og lítið spilltu sé förnað fyrir það. Það eru aðrar þjóðir sem hafa tekið ákvarðanir um að framleiða olíu og hreinsa hana. Við höfum nóg annað sem skaffar okkur auð. Það er ekki eins og við höngum á horriminni. Við höfum alveg nóg. Minni á að hér er innan við 1% atvinnuleys. Þá minni ég einnig á að á Vestfjörðum eru menn t.d. á Bolungarvík að skoða að koma fiskvinnslu aftur af stað þannig að þar er heldur ekkert atvinnuleysi. Væri einnig sáttari við aðra starfsemi sem byði ekki upp á eins mikla hættu á mengun. Þarna mundu t.d. olíuskip með hundruð þúsund tonn af olíu sigla um þrönga firði þar sem allra veðra er von. Sæi fyrir mér hvað mundi gerast ef að eitt svona skip hlaðið hráolíu mundi stranda eða laskast og þetta færi allt í sjóinn.

En eins og þú boðar þetta: Þá er það bara að virkja og virkja og reysa hvað sem er til að nýta orkunna. SKítt með náttúruna og framtíðina. Það á bara að græða í dag. Það er nú ekki spennandi framtíð fyrir börn framtíðarinnar að hér verði öll orka bundin í einhverri stóriðju þar sem enginn vill þá vinna í. Og í svona olíuhreinsunarstöð eru jú einhver störf sem þarfnast iðnmenntunar og háskólamenntunar. En eins og í öðrum stóriðjum eru þetta flest störf sem ekki krefjast sérstakrar menntunar. Því er þetta ekki spennandi kostur til að byggja framtíð byggðar á.

[Guðmundur Jónas Kristjánsson, 26.8.2007 kl. 13:00]

Magnús. Svona stöð mengar mun minna er álverið í Straumsvík.
Fáir eða enginn kvartar undan henni. Svona sjónarmið eru öfgar og hræsni. Minni á að hagvöxtur var yfir 50% á höfuðborgar-
svæðinu og Austurlandi 1998-2005 meðan hann var -3% á Vestfjörðum. Enda hefur fólki þar stórfækkað síðustu ár, og þess vegna er lítið atvinnuleysi. Með sama áhramhaldi og stórminnkandi þorskkvóta verða Vestfirðir lagðir í auðn eftir nokkur ár ef ekki kemur eitthvað ALVÖRU til. Og með þessi olíuskip þá liggur það fyrir að þau munu í stórum stil sigla undan Vestfjörðum á næstu árum án tillits til þess hvort þar yrði byggð olíuhreinsistöð eða
ekki. Hins vegar yrðu gerðar miklu meiri fyrirbyggjandi ráðstafanir
um þessar siglingar ef olíuhreinsistöð yrði byggð, t.d myndu
risastórir dráttarbátar vera þar staðsettir og fylgja olíuskipum
inn og út fjörðinn. Öryggið yrði meira ef eitthvað er. Ég er ekkki
síður nátúruunnadi en þú, en geri mér grein fyrir að þjóðin þarf
á öllu að halda til að halda hér uppi öflugu velferðarþjóðfélagi og
kröftugu samfélagi. Það skilja ekki ofstopafullir vinstrisisnnaðir
öfgamenn sem kenna ranglega sig við náttúrvernd. Þá minni
ég á að 20% af þessum 500 störfum sem verða í þessari olíuhreinsistöð er fólk með háskólamenntun. Þannig þetta er
hátækniiðnaður, sem yrði laukrétt framhald af olíuvinnslu við
Ísland í framtíðinni.........

[Óskar Helgi Helgason (IP-tala skráð) 26.8.2007 kl. 14:56]

Heill og sæll, Guðmundur og aðrir skrifarar !

Má til, að koma þér til liðs; Guðmundur.

Benedikt og Magnús Helgi ! Heyrðist líklega, ekki múkk í ykkur; væri stöðinni ætlaður staður; í Skerjafirði eða á Geldinganesi.

En uppbygging atvinnulífs, á Vestfjörðum ? Nei........ ekki, meðan þið Brussel unnendur fáið nokkru við komið; með klassískum úrtölum ykkar, undir jarmi skjátunnar Þórunnar Sveinbjarnardóttur, hver leggur sig í líma; við að þjösnast gegn heilsárs 21. aldar vegi, yfir Kjöl; m.a. . Vill frekar; 18. aldar samgöngumátann, milli frænda minna; Húnvetninga og Skagfirðinga,  annars vegar og okkar Sunnanmanna, hins vegar.

Veit ekki, Guðmundur; hvar svona útúrborulýður, eins og flest Samfylkingarfólk er, sé; í rauninni, bezt geymt.

Hvílíkar ördeyður, hvílíkt samansafn fáráðlinga; Samfylkingin.

Líklega, mætti hola þessu hyski niður; suður á Brussel völlum; í alsælunni þar.

Með beztu kveðjum, úr Árnesþingi / Óskar Helgi Helgason    

[Guðmundur Jónas Kristjánsson, 26.8.2007 kl. 17:14]

Satt óskar. Og það skuli svo vera sjálfstæðismenn sem skuli leiða
þetta  vinstrisinnaða afturhaldslið til  valda á Íslandi þegar þeim
stóð til boða þjóðleg borgaraleg stjórn með Framsókn og Frjálslyndum. Þessi nýja forysta Sjálfstæðisflokksins er ekki í lagi!
Þarf að fara í pólitíska endurhæfingu !

[Guðmundur Jónas Kristjánsson, 26.8.2007 kl. 20:32]

Benedikt. Framsókn getur þó státað sig af einu mesta hagvaxtskeiði Íslandssögunar s.l 12 árin, en nú á því víst að ljúka með því að setja stopp á alla hluti eftir að viss afturhaldsöfl innan Samfylkingarinnar eru komin í ríkisstjórn. EES-samningur og allskyns aðrir viðskiptasamningar eru lítils virði ef þau tækifæri sem þeir gefa er ekki nýtt. Þess vegna er þegar strax kominn tími til að
gefa Samfylkingunni frí ef hún ætlar að haga sér eins og allt
bendir til.

[Gunnar Th. Gunnarsson, 27.8.2007 kl. 15:29]

Magnús Helgi byrtir mynd af olíuhreinsunarstöð og svo mætti skilja að þetta verði örlög VESTFJARÐAKJÁLKANS ef þessi hugmynd verður að veruleika. Þetta verður ekki sú sýn sem mun blasa við, nema á einm tilteknum firði og auðvitað verða Vestfirðingar að vega og meta hvort þeir kæri sig um þetta tækifæri. En það er óþarfi að mála skrattann á vegginn.