Framsókn slíti borgarstjórnarsamstarfinu

   Ljóst er að allt klúðrið varðandi Orkuveitu Reykjavíkur
mun draga marga dilka á eftir sér. Borgarstjórnarflokkur
Sjálfstæðisflokksins er í uppnámi, og borgarstjóri  nýtur
þar ekki trausts lengur. Það að borgarstjóri hafi verið
klagaður  af  borgarfulltrúum  Sjálfstæðisflokksins  fyrir
formanni og vara-formanni flokksins í dag segir allt sem
segja þarf um ástandið innan Sjálfstæðisflokksins. Ljóst
er að slíkur flokkur er ekki á vetur  setjandi. Hvað þá að
vera samstarfshæfur við aðra flokka.

  Forysta Framsóknar í borgarstjórn virðist  einnig hafa
brugðist í máli þessu. Einna verst fer í hinn almenna fram-
sóknarmann að valdir starfsmenn fyrirtækisins fái að kaupa
hlut í  REI á sérstökum vildarkjörum,  auk mikils vafa um 
lögmæti boðaðs fundar til samþykkis sameiningunni. Hvort
tveggja er alvarlegt klúður sem ekki verður við unað.

  Til að forða meiriháttar áföllum fyrir Framsókn í Reykjavík er
að Framsókn  slíti borgarstjórnarsamstarfinu við Sjálfstæðis-
flokkinn þegar í stað. Bæði það að  Sjálfstæðisflokkurinn er
ekki lengur samstarfshæfur sökum innbyrðis átaka, meirihlut-
inn styðst við aðeins eins atkvæðis meirihluta. En það voru 
einmitt rökin fyrir slitum Sjálfstæðismanna á fyrrverandi ríkis-
stjórnarsamstarfi við Framsókn í vor að meirihlutinn væri of
veikur.  Þá er algjörlega fráleitt að Framsókn geti stutt 
borgarstjóra sem nýtur jafn lítils trausts innan síns eigins
flokks og raun ber vitni í dag. - Nema þá að Framsókn ætli
sér að fremja endanlegt pólitískt harakíri hér á höfuðborgar-
svæðinu. 

Athugasemdir

[Sveinn Hjörtur , 5.10.2007 kl. 21:55]

Sæll Guðmundur. Þú segir nokkuð. Harakírí... Stjórnarslit? Allt stór orð sem eiga rétt á sér. Held það sé best að ég bendi á skoðun mína á þessu máli í grein minni á blogginu.

Kveðja,

[Guðmundur Jónas Kristjánsson, 5.10.2007 kl. 22:08]

Já Benedikt. Ég sé fyrir mig meirihluta Sjálfstæðisflokks og krata
í borgarstjórn. Þá yrði væntanlega núverandi forystu í Valhöll
fullnægt. Forysta Sjálfstæðisflokksins kom vægast sagt lúalega
fram við Framsókn í vor er þeir slitu 12 ára farsælu stjórnarsam-
starfi með ENGUM HALDBÆRUM RÖKUM. Varð mjög reiður út í
Sjálfstæðisflokkinn þá. Og verði þeim þá bara að góði í faðmi
kratana sinna núna.

Jú Sveinn. Það eru takmörk fyrir öllu, sérstaklega þegar hin
pólitiska ímynd er annars vegar. Hef mjög hugsað út í þetta,
og finnst mælirinn orðinn einfaldlega fullur eins og hjá þér.

[Kristján Pétursson, 5.10.2007 kl. 22:59]

Sammála þér Guðmundur í einu og öllu í þessu fíflhyggjumáli.Þessi meirihluti er ekki á vetur setjandi.Ég fjalla um þetta mál í dag á mínu bloggi.

[Magnús Þór Hafsteinsson, 6.10.2007 kl. 14:36]

Hvað viltu gera við Björn Inga Hrafnsson?