Þjóðfáninn smánaður

    Get ekkert að því gert. Fannst ekkert fyndið við það í
kvöld í Spaugstofinni  að  eitt atriðið  þar gekk út á það  
að gera gys af reglum  um  íslenzka  þjóðfánann, sem
endaði þannig að látið var líta svo út  að kveikt væri  í
honum. Eða gerðist það í raun?  

    Ekki er hægt að smána þjóðfána meira eins og það að
kveikja í honum. Minnistætt er þegar sömu aðilar vanvirtu
rússneska fánann í fyrra, með viðeigandi mótmælum sendi-
ráðs Rússlands. Var enginn lærdómur dreginn af því ?

   Þarna fór Spaugstofan langt langt  út fyrir öll mörk !  Og
það í sjálfu Íslenzka Ríkissjónvarpinu. 

Athugasemdir

[Magnús Helgi Björgvinsson, 6.10.2007 kl. 22:08]

Guðmundur það sást aldrei nokkur fáni brendur. En í reglurgerð um íslenska fánan stendur eitthvað á þessa leið:

Ekki má nota upplitaða fána, óhreina, trosnaða eða skemmda. Sé ekki unnt að lagfæra slíkan fána, skal hann ónýttur með því að brenna hann.

Þannig að það á að brenna ónýta fána.

[Eiríkur St. Eiríksson (IP-tala skráð) 6.10.2007 kl. 22:14]

Dittó. Hvar er glæpurinn en ekkert er líkið?

[Guðrún María Óskarsdóttir., 7.10.2007 kl. 00:04]

Sæll Guðmundur.

Já ég verð nú að játa að mér fannst þetta ekki fyndið.

kv.gmaria.

[Guðmundur Jónas Kristjánsson, 7.10.2007 kl. 01:24]

Magnús. Alveg DÆMIGERT viðhorf þitt sem krata gagnvart íslenzka þjóðfánanum eins og varaformanns þíns gagnvart
íslenszkri tungu. Þið eruð siðblindir öfgafullir alþjóðsinnar!

[Fríða Eyland, 7.10.2007 kl. 19:30]

Ég tók þessu táknrænt og tengdi beint við nýjustu spillingardæmin á skerinu okkar, ekki síst gróðafýsn auðmanna.

Hvað er að kveikja í tusku miðað við að ræna þjóðina ? þannig skyldi ég þetta nú.

Annars er þátturinn ekki samur eftir að Randver var rekinn, trúlega var hann of beittur fyrir RÚV