Áfall fyrir evrusinna

   Yfirlýsing seðlabankastjóra ESB um  að  EFTA ríkin  taki
upp evru án aðildar að ESB sé útilokað,   hlýtur að  vera
áfall fyrir evrusinna. Þetta kom fram á fundi í  dag að sögn
AP, þegar  íslenzkur  embættismaður  spurði  hvort  hann
sæi möguleika á að Ísland tæki upp evru án aðildar að ESB.
(sbr.Mbl.is) Raunar  kemur yfirlýsingin  alls  ekki á óvart. 
Vitað var ætíð að upptaka evru án aðildar að ESB væri mjög
óraunhæf hugmynd og meiriháttar  rugl.

   Vonandi að rugltalið um evruna taki nú enda. Sérstak-
lega að viðskiptaráðherra komi niður á jörðina og hætti 
þeirri vítaverðu iðju sinni að tala þjóðargjaldmiðil Íslend-
inga niður. Það er einsdæmi í veraldarsöguni að ráðherra
nokkurs ríkis tali þjóðargjaldmiðil sinn niður með þeim
hætti og íslenzki viðskiptaráðherra hefur gert að undan-
förnu.

   Þeir stjórnmálamenn sem hafa talað fyrir upptöku evru
án aðildar að ESB þurfa sömuleiðis að endurskoða sinn
málflutning.  Annað hvort göngum við í ESB og tökum
upp evru eða ekki.  Ekkert ,,hérumbil" tal er í stöðunni.
Þeir stjórnmálamenn sem ekki geta komið hreint fram í
því stórmáli hvort Ísland á að ganga í ESB eða ekki eiga
að hætta í stjórnmálum. Það er lágmarkskrafa til sérhvers
stjórnmálamanns að hafa SKÝRA stefnu í því stórmáli !
 

Athugasemdir

[Fannar frá Rifi, 8.10.2007 kl. 18:40]

Viðskiptaráðherra hefur meiri áhuga á að gangast undir erlenda þjóðhöfðingja heldur en auka veg of virðingu landsins. Hann vinnur ekki að hagsmunum Íslendinga. ekki nema þá að hann vill að við séum feitir þrælar.