Stjórnsýslulög þverbrotin í REI-málinu

   Allt bendir til að stjórnsýslulög og hæfnisreglur hafi verið
þverbrotin þegar eignum Orkuveitunar var úthlutað til hinna
fáu útvöldu. Þetta kemur fram hjá Umboðsmanni Alþingis í
gær. Borgar- og bæjarstjórnir sveitarfélagana þriggja sem
eiga Orkuveituna hafi ekki haft umboð til að ráðstafa eignum
hennar til Bjarna Ármanssonar þegar hann keypti hlut fyrir
500 milljónir króna í REI ásamt því þegar fleirum var boðin
kaup. Umboðsmaður bendir á að þegar verið sé að ráðstafa
opinberum eftirsóttum gæðum eigi ALLIR þeir sem hafi áhuga
á að fá kost til að bjóða í gæðin. Óháðir sérfræðingar þurfi til
að meta slík gæði, áður en slíkum eignum sé ráðstafað eða
skuli afla  álits sérfróðra manna. Það liggur fyrir að svo var
alls ekki gert í þessu máli. Þarna byrja stærstu, verstu og
alvarlegustu mistökin í aðferðafræðinni við stofnun REI ásamt
því að sjálfur stofnfundurinn er talinn kolólöglegur og hefur
verið vísað til dómsstóla. Þá hafa fjölmargir lögfróðir menn
fullyrt að hlutafélagslögin hafi einnig verið brotin þarna.

  Hvernig er hægt að standa að  verri pólitísku  klambri ?

Athugasemdir

[Fannar frá Rifi, 11.10.2007 kl. 19:25]

Nú fordæmir þú Binga og nýja stjórn fyrir það að taka hann upp á sína arma. fyrirgefa honum alla spillinguna og lagabrotinn er fásinna og sínir einungis valdagræðgi og hversu málefnalega fátæk nýr meirihluti er.

[kristjan Erl (IP-tala skráð) 11.10.2007 kl. 20:44]

Jónas minn, stundum tekur langan tíma að átta sig á einföldum hlutum. Það er eins með okkur að við MUNUM klára það sem þarf að klára. Takk fyrir allt í gegnum allt og ...... Við munum hittast. Takk fyrir stuðninginn og þú veist vinur um hvað þetta snýst

[Guðmundur Jónas Kristjánsson, 11.10.2007 kl. 21:00]

Sæll félagi Kristján og vinur. Veit um hvað þetta snýst, og dáist af
þínum mikla dugnaði. Hlakka til að sjá þig sem allra fyrst.......