Árni Matt ögrar Samfylkingunni

 

    Árni M. Mathiesen fjármálaráðherra ögrar heldur betur
Samfylkingunni í dag og segir erlendar fjárfestingar á
Íslandi gefa jákvæð skilaboð um íslenzkt hagkerfi og
efnahagslíf. Því sé tímasetning framkvæmda við álver
Í Helguvík MJÖG HEPPILEG. Kom þetta fram í kvöld-
fréttum útvarps.

  Árni bætti við að auk þess telja menn almennt að það
dragi saman í efnahagslífinu og því munu framkvæmdir
hafa jákvæð áhrif í heild. Árni  Sigfússon  bæjarstjóri
Reykjanesbæjar, sagðist í hádegisfréttum  Útvarpsins
gera ráð fyrir að framkvæmdir við nýtt álver í Helguvík
geti hafist í  næsta mánuði. Allt sé að verða  klappað
og klárt. Þá hafa Samtök atvinnulífsins eindregið hvatt
til byggingar álvers í Helguvík.

  Það eina sem strandar á er Samfylkingin. Umhvers-
stofnun hefur legið á starfsleyfi fyrir álver í Helguvík í
2 mánuði. Umhverfisráðherra ætlar augsýnilega að
þæfa málið von úr víti, því hún er andvíg málinu.

  Í leiðara Morgunblaðsins í dag  er spurt eftir stefnu
ríkisstjórnarinnar í málinu. Enn einu sinni er ríkisstjórn-
in þverklofin í stórmáli. 

   Það voru mikil mistök að hleypa hinni afturhaldssömu
Samfylkingu inn í ríkisstjórnina. Hún hefur komið í veg
fyrir áframhaldandi hagvöxt, og nú er svo komið  að
beinlínis kreppa blasir við þjóðinni ef fram heldur sem
horfir. Vonandi eru sjálfstæðismenn aðeins farnir að
rumska hvað þetta varðar, og ætla vonandi að fara
að taka af skarið.  Ummæli fjármálaráðherra mega
vonandi skoðast í því ljósi..

Athugasemdir

[Sigurjón Þórðarson, 13.2.2008 kl. 21:21]

Það má einnig vera að Árni sé að reyna blása lífi í krónuna sem hefur hríðfallið síðustu daga.

Það ástand sem nú ríkir er æði undarlegt þar sem einn stjórnmálaflokkur bendir á að krónan sé upphaf og endir alls ills í efnahagsmálum þjóðarinnar.  Krónunni er kennt bæði um háa vexti og hátt verðlag - á meðan það er ekki til umræðu að 20% hækkun á ríkisútgjöldum og nánast veiðistopp sé orsök ójafnvægisins í efnahagsmálum.

[Guðmundur Jónas Kristjánsson, 13.2.2008 kl. 21:58]

Míkið rétt Sigurjón